سواليف

 

 

cc.jpg

سواليف ……….و يا عيني عالسواليف اللي بسوليفها السيد  أحمد حسن الزعبي في عامود سواليف في جريدة الرأي , أنا من المتابعات لكتاباته اللي بعبر فيها عن العادات أوأية أحداث تمر عليه أو اية أحداث على الساحة الأردنية بالهجة و الفكاهة الأردنية , يا أخي فعلا  إنه الكتابة موهبة تؤسرك بمدى واقعيتها و ملامستها للواقع و وتدخل بين  حروفها و تصبح كأنك أحد أبطالها أو على الأقل تعيش  مع أبطالها حكاياهم هذه من إحدى المقالات المقتبسة منه.ة 

قاموس جيب أردني

في جلسة اتسمت بالسرية أخبرني صديقي أبو موفّق الذي لا أعرفه أنه ينوي إصدار قاموس جيب أردني للمصطلحات المتداولة ومعانيها، وأن قناة «الجحفية» الفضائية رتّبت معه موعداً لألقاء الضوء على هذا الإنجاز المهم على صعيد الحركة الثقافية المحلية، لما يتضّمنه من شرح تفصيلي لمعاني الكلمات والمصطلحات والمفاهيم الأجتماعية والسياسية . وعن حجم المؤلف وطبيعته أخبرني أنه يقع في ألف صفحة من القطع المتوسّط، سيتم تزييده وتنقيحه سنوياً ليلائم المستجدّات، وقال أنه كان ينوي بالبداية إصادر هذا المؤلف لمتعلّمي «اللهجة الأردنية» وكان ينوي تسميته، تعلّم اللهجة ألأردنية في «ثلاثة أيام وثلث»، لكنّه أدرك لاحقاً أن بعض الناطقين باللهجة الأردنية لا يعرفون معاني مصطلحاتهم مما اضطره لتغيير اسم المؤلف الى قاموس جيب أردني . هذا وقد تصّفحت مخطوطه الجديد فوجدت ما يلي:

تحت حرف (الفاء) وتحت كلمة (فليلة) وجدت جملة (الفليلة ثلثي المراجل) : مصطلح يراد به ايجاد مصوّغ اجتماعي مقبول لهروب الشخص من المواجهة وتبرير جبنه وخوفه ، فإذا واجه شخص ما عدو أقوى منه أو حتى أضعف منه ولم يكن (جاي على باله يهاوش) بإمكانه الهروب والأختباء تحت هذا المصطلح.

تحت حرف الباء، وتحت كلمة (بلا) وجدت عبارة (بلا قافية) : وتستخدم بعيد أي كلمة يمكن أن تفهم على شكل خاطيء فيه خدش للحياء العام، وتفيد في استدراك الموقف قبل أن يتبادر للسامع أن المتحدّث يسيء اليه، أو يبتعد تفكيره في أمور ليس لها علاقة بالموضوع، كما يوصف بها أيضا كثير من شعراء الحداثة، لأن كل شعرهم (بلا قافية) .

كما وجدت تحت حرف الباء جملة (..بلا بطّيخ أمّسمر) : مثال، بلا تنمية ادارية بلا بطّيخ أمسمر، وتعني جملة بلا بطّيخ أمسمر : بلا حكي فاضي، وتفيد في حال عدم تصديق الموضوع المطروح كونه كلاما مبالغا فيه.

تحت حرف العين، وجدت جملة (عدم المؤاخذة) : وتستخدم عندما يتطرق الحاكي الى موضوع قد يصيب السامع من باب التقارب أو تشابه الحال، مثال : احدهم يقول لقريبه : تقدّم لابنتي عريس، كحيان طفران، وإذا ما سأله الآخر : شو بشتغل ؟.. يقول والد البنت : موظّف حكومة عدم المؤاخذة . إذن نستطيع أن نعرف أن الرجل الآخر الواقف أمام والد العروس موظّف حكومة أيضاً.

تحت حرف الياء وجدت جملة (يمّه أرحميني) : ويقصد بها نداء استغاثة أو إذا ما استخدمت بجملة كاملة مثل (ما عندي يمّه ارحميني) أي أن هذا الشخص قوي غير متساهل ولا يتعاطف مع أحد.

كما وجدت بعض المصطلحات الأخرى مثل، ديمقراطية: وهي تعني أخذ كامل الحرية، وممارسة حق التعبير.

ذوو الدخل المحدود: لا يوجد معنى للكلمة .

مواطن عادي: لا يوجد معنى للكلمة.

About orangee

Soo simple girl , always spreading smiles around the world :) soo optimistic about her life ;)

Posted on March 7, 2007, in kashkol. Bookmark the permalink. 7 Comments.

  1. ترى بيها و السولافة ما بيها , ولما توكول الليان , ودكو اتغمسو مليح , جفاصة مابدها , و بلاها قليت العقل , ,

    و زوم حالك يا ابو زقم و انتشب برة , لأجي اعملك بدن اخليك اتكاكي

    اطقع , اجبد , اذرب, افكح , ولي ,,فلسع , فز , هالك ,اقظب ,وسع , أشي, هااا, إيه , وشو , مااالك, ودك , ودها , ودكو , منو , التوح , استوى, سخسخ , اتنهنه , إرمح ,

    هههههههههه
    بضل لصبح اطلع لكلمات … فكوني من هالحكي , والله التوء الساني بالهلبلد بس بتعرفي والله لأعمل بوست بكل الكلمات يلي بعرفها , ههههههههههه

    سلامز , اذا بدو مساعدة ترى انا كفوو

  2. حبه حبه علينا يا معلم, شو هادي الكلمات ,والله في منها أول مرة بسمع فيها, ما شا الله عليك مش مخلي شامي عا ياباني عاأردني, والله انا عشت كل طفولتي بين إربد و عمان بس ما طلعت غير ب يا حلاوتا و استلامتا وهكذا
    اللهجة المشهور فيها الإربداوية وهيه التشديد على حرف التاء , ياما صار معي مواقف بايخة خلال دوامي العملي بالمستشفى , مره واحد ختيار قلي : عمو بدي أطير , بحكيلو شو ؟ شو بدك بالزبط؟ لإجت وحده بالصدفة وحكتلي بدو يفوت عالحمام مش عارف وينه……لووووووووول قال شو الأخت من وين؟ ومره وحده بتحكي لتاعون التغذية بلا أعطيني ميدالية!!!!! قال منيح و الله بيوزعو ميداليات ببلاش لوووووووول والا طلعت كياس شاي ليبتون لووووووووووول والله الواحد لازم يعرف كل هذه المصطلاحات والا بكون عيب علينا نكون من هاي البلد

  3. looooooooooooooooooooooool
    5odi kaman kelmat:
    bellah 3alek: toqal karad 3ala jomle sa5eefe yantoq beha el muta7adeth…
    Ku3 + lawlawi: toqal lewasf sha5s 5ateer wa 7azeq w ma betfuto fayte
    Mgalle3: lewasf nafs elsha5s…
    men el2aa5er: outstanding in jordanian way
    mbozem: mkasher w barim buzo
    fa9a3: overloaded
    en7arag raso OR walla3 raso: he became angry
    hretti bretti: nas be5awfo me benmaza7 ma3hum
    btw: jamee3 hai elmustala7at dawaween so yufadal elbanat ma yesta3meluha
    Important remark: I am notdawaween wala s7abi dawaween bs some live in places fiha enteshardawaweeni some bejame3t el balqa… u know ;-D
    w namudukum belmazeed fi mustaqbal el ayaam😉

  4. هههه

    لسة في اترتع , و اتأفلم , , زحلقك , اكتار بدهكم شرح , و ناريانت بلاش ابلش بكلمات الدواوين لأنه بتتعقدو بعدين

    فاهمه علي شو بقولك , تري عقلي خوزق

  5. ناريات ,قباني , يا عيني شو هالمصطلحات هاي.. عجبتني
    شو أول مرة بعرف إنو في اشي اسمه fa9a3
    كلمات الدواوين يمه هاي إذا بفوت عامجتمع دواويني بنسب علي و أنا بضحك…….لووووول ودخيلك فباني خلينا هيك أحسن بهدول ويا دوب…….لووول

  6. lol fe kelmeh jdeedeh gasaito 2w gasni ya3ne 7ala2telo looool

  7. you have been tagged

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: