Nursing its more than a job

bb.jpg

من ضمن القرارات اللي اتخذتها بحياتي واللي ما ندمت عليها أبدا هي اختياري لمهنة التمريض , مع إنه الخيارات كانت قدامي كتير , المقعد الجامعي كان مضمون إللي كوني من ضمن أبناء العاملين والتنافس قليل , بس أنا أصريت إني أدخلها والحمد لله التشجيع كان كبير من أهلي ,حبيت هاي المهنة الإنسانية القائمة على مساعدة الناس والشعور معهم وإنك بتلاقي سعادتك من خلال سعادة الأخر

 .

يا جماعة التمريض مهنة مش زي باقي المهن , لازم تكون فايتها لإنك بتحبها عن رغبة , وإذا بتعرف حالك ما عندك ضمير تغلبش حالك وتدرسها , صحيح كتير من الناس بقولولك إنو اللي عندو ضمير ومخلص بتعب , بس معلش اتعب جسديا بس أهم إشي نفسيا وضميريا بتكون كتير مرتاح لإنك بتكون عارف حالك إنك روحت هداك اليوم عملت اللي عليك وأكتر, رسمت ابتسامة عوجه مريض خففت عنه وكسبت دعوته, سدقوني الواحد لما يكون مريض مو بحاجة لحبة الدوا والإبرة قد ما هو بحاجة لإبتسامة وكلمة حلوة تصبرو عمرضه , الأمور النفسية كتير أهم ……ز

بكفي كل يوم بنسمع عن قصص فظيعة بالمستشفيات , من إهمال ومن عدم مسؤولية , كل يوم بزيد عندي الجرح والألم ,يا أخي مش  المفروض هدول إسمهم ملائكة الرحمة ,و لازم يكون قلبهم رقيق حنون لكن بنفس الوقت قوي بتحمل؟!! , صح لازم يكون هيك, بس هالأيام عم بنشوف عند الأغلبية العكس للأسف , يا أخي شو هاد ما عندهم قلب ما عندهم أب أخ أخت طب بلاش ما عندهم ابن بنت بعزو عليهم , بحبو إذا كان ناس بهمهم هيك يتعامل ؟ طبعا لأ , طب زي ما إنت قرايبك بعزو عليك كمان هالمريض عزيز عأهله …..ز

تعال شوف إذا المريض كان بقرب لممرض ولا طبيب كيف بعضهم بعاملوه ما شاالله خمس نجوم , حتى المرض صار فيه واسطة يا جماعة !!! الله أكبر ليش ما تعامل المرضى كلهم بضمير كإنهم بعزو عليك وبهموك مشان يوم ما تلاقي ناس بعز عليك مرمي بالمستشفى يسخرلك ربنا ابن ولابنت حلال زي ما كنت إنت ابن ولا بنت حلال طول عمرك وبتشتغل بضمير…..و

الطاقم التمريضي في منو ناس ما شالله عليها بس الأغلبية بتطغى وزي ما بقولو الصالح بروح مع الطالح للأسف…..و

أنا بحمد ربنا إني درست هاي المهنة وحبيتها لكني آسف إذا كان في ناس جزارين بنتمو إلنا بإسم ممرض ,آسف لكل من مر بتجربه مره آذت انسان عزيز عليه…..وأنا بشجع كل واحد اتأذى من ممرض ولا طبيب ولا مين ما كان إنو يشكي مشان يكون هادا الشخص  عبره لغيره وخلي اللي قصر يتربى ,ولنحسن الخدمات الصحية أكتر وأكتر ونرفع من مستواها

هاي كلمة صغيرة يمكن عبرت شوي عن الأشياء اللي بقلبي بوجهها لكل إنسان من الكادر الطبي ولكل إنسان لسه عنده ضمير حي , إسمحولي بهالكلمة لإنها قبعت معي :الله أكبر  لو حيوان بالشارع الواحد بشفق عليه , كيف بإنسان من لحم ودم ,كتلة من المشاعر قدامك , خافو ربنا وخلي الواحد يكون عنده ضمير , الرسول عليه الصلاة والسلام حث على زيارة المريض وإنو اللي بزور المريض الملائكة بتدعيله وبتصلي عليه ليرجع , فكيف انتى اللي 24 ساعة بتفوت وبتطلع من عنده , لما الرسول  عليه الصلاة والسلام  بحكيلك إذا زرت مريض خليه يدعيلك لإنه دعائه كدعاء الملائكة : ( عودوا مرضاكم , واسألوهم الدعاء , فإنه يعدل دعاء الملائكة )ز, كيف ساعتها بتتحمل  إنو يدعي عليك….و

NURSING its more than a job efhamoha 3ad      

  

About orangee

Soo simple girl , always spreading smiles around the world :) soo optimistic about her life ;)

Posted on September 5, 2007, in Nursing. Bookmark the permalink. 11 Comments.

  1. والله يسلمو على هذا الكلام, لكن تعرفي انه في ايا مهنه لازم الأنسان يكون عند رغبه, تفاني و أخلاص لأنو في النهايه راح يخدم المواطن بضمير و أخلاص وخصوصا مهنة التمريض فيها ارواح, الله يهدي الجميع و يزرع الحب و السكينه في قلوب جميع الناس. و شكرا يا أختي فعلا اني فخور فيكي🙂

  2. احلى ممرضة , و يلي فاهمة واجبتها صح

    ان شاء الله كل يلي بمهنة التمريض يكونو عندهم 70% من فهمك للموضوع

    زي ما كلو كرايبنا الله يوفكك و يسر لك كل امورك

  3. والله حطيت إيدك على وجع كبير عن جد كفيت ووفيتي

    وأنا بردو مع معاذ برأيو 100%.. لازم الكل يحب ويخلص في عمله

    وبس للثناء على الممرضات عموما….لا تنسوا يا جماعة إنو التمريض مهنة من مهن الصحابيات وكلنا بنعرف رفيدة الأسلمية.:)

  4. اورانجي
    كلامك دهب
    انا مرة سالت ممرض شاب لما كان بابا الله يرحمه بالمستشفى انه كيف اخترت هالمهنة اكيد بتحبها لانه الشباب قليل يختارو مهنة التمريض
    قاللي صح انا بحب المهنة كتير ما قالي كان نفسي اكون دكتور و ما زبطت معي او ما جبت معدل
    مهنة التمريض برايي مهمة جدا و مكملة لمهنة الطبيب
    لانه الطبيب مهما كان شاطر كل شغله بيروح بالارض لو ما في تمريض صح
    بس للاسف في ناس من هالمهنة بيسيئو الها متلها متل اي مهنة
    بس ليش العين على الممرض او الممرضة؟ لانه مهنتهم ترتبط بحياة الانسان مش متل ميكانيكي سيارة ضحك علينا بخمسين ليرة زيادة او لحام غشنا

    اتمنى يا اورانجي انه الكل يكون متلك و يفكر متلك و يكون عنده احساس و ضمير متلك

    و شكرا كتير على موضوعك
    اتمنى ف يوم هالمهنة تلاقي التقدير المناسب الها

  5. Dear,
    I wish they were all like you!
    You are atrue angel… this is how nurses should be… the passion, the tenderness, the sympathy is the most important… Nothing is a better rewardfor you than Allah’s satisfaction if you do your job well, and the feeling of inner peace when you know you wiped a tear or drew a smile…
    7abeebti Allah y2aweeki o ywaf2ek… you are the best…🙂

  6. nice post, nothing is like angels.. lol

  7. معاذ , كلامك صحيح مية بالمية …..:)و
    قباني , تسلم شكرا عالمديح والله الواحد بحب يفضفض اللي بقلبو مرات
    بهلول , مزبوط حكيك التمريض كانت مهنة موجودة أصلا عنا بالإسلام ,شكرا لتعليقك
    ملاقط ,جد بتحكي في ممرض قلك إنو فايتها عن رغبة !! طب دليني عليه …لوووول بمزح مش تصدقي,كلامك مزبوط مية بالمية, شكرا لإنك علقتي والبلوج والله نور
    نوره البنوره , شكرا على كلامك الحلو كتير خجلتيني :)و
    هشام , نعم ملائكة الرحمة ما في منهم…لوووول

  8. والله هذه الصفحة ممتازة جدا و هي فيها معلومات و اخبار جيدة ووفقك الله يا اختي العزيزة على كل خير و انشاء الله لمستقبل مشرق وواعد وكلي امل فيك دائما و ابدا لحب الخير والتفاني لخدمة الناس و الوطن كممرضة

  9. my big bro hamza welcome ,wain ha el ‘3aibah , tnx alot 4 your words…..o allah ywafgak kaman 2enta ya rab …:) 2eb2ah dal zorna hon….LOL

  10. مع انه البوست قديم وكثير كمان بس حبيت اعلق عالموضوع
    يعني عن جد بتحسي انه قليل اللي بفكرو زي هيك حتى بالنسبة لطالب التوجيهي بس يخلص بكون همة يروح على التخصص اللي بجيب مصاري وكذلك الاهل يعني لو حكا الشخص بدي ادرس التخصص الفلاني اول رد بكون كم بجيب دخل بالمستقبل وعلى مستوى اللي بدرسو طب بما انه يعتمد على التمريض المعظم بختارة عشان اهله واشي بختاره عشان المستوى الاجتماعي للدكتور وغيرة وغيراته وقليل اللي بتحسيهم داخلين طب لطبيعته وكونة مهنة راقيه وفيها مساعدة ورحمة للناس أنا بالنسبة الي بحب الطب ودخلته لانه في معاني رائعه وخصوصا انه الله سبحانه وتعالى يجعلك سبب لشفاء شخص وزي ما حكيتي ييسرلك دعوة من مريض حتى انا لسا ظايلي سنة لأتخرج بس عن جد مش مصدق ايمتا اخلص واصير اعرف بكل الامور وامارس الطب وبحس انه لازم ادرس واثقف حتى لو باشياء ممكن مش مطلوبة عشان اقدر اتعامل مع المريض واخرج من جو الكتب الممل وعن جد أنا لو ما طلعلي طب كنت احبطت نفسيا اسف بعرف انّي بحكي كثير
    دمتي بخير ^_^

  11. شكرا لك على المرور ولو إنو الرد متأخر مش بالعادة اتأخر
    🙂
    كل شيء لما بتحبه بتبدع فيه ^_^

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: