الطريق الصح

  

 

الطريق الصح من احلى البرامج الدينية برمضان ,يعرض على قناة إقرأ على الساعة 12 بالليل بتوقيتنا , بقدمه الداعية الشاب معز مسعود….من أهداف البرنامج

1) أن نكف عن النظر الى الدين على أنه شيء كئيب.
2) أن نكف عن تقليد الغرب بل ننظر اليهم بالطريقة الصحيحة.
3) أن نفهم ان هناك لذة في التدين كثيرا من الناس لا يعلموها.

قبل شوي خلصت الحلقة وكانت عن نظرة الإسلام للمرأة وتعامل الرسول معها وحب الرسول وفند النظرة السائدة بالمجتمع عن المرأة….. عن جد إحنا كيف بدنا نحب واحد ما بنعرفه , مشان هيك لازم نعرف رسولنا أكتر مشان نحبه والله فعلا لما بتعرف قصص أكتر عنه بتصير تبكي من حبك وشوقك إلو , بكاني اليوم وهو عم بحكي عن مواقف الرسول وكانت الحلقة تبث من مكة….يعني كان يحكي وهو عم ببكي وبدمع من حبه للرسول صلى الله عليه وسلم وأديش هادا الإنسان عظيم وناس كتير ما بتعرفه حق المعرفة ….

من ضمن الحلقات كان في عن : حب الرسول صلى الله عليه وسلم

                                       حدود العلافة بين الولد والبنت

                                       الشذوذ الجنسي

                                       التدين والرومانسية

                                      إزاي نختار أزواجنا

                                      تقليد الغرب

                                      الموضة والحشمة

يعني أنا عجبني اسلوبه , غير متشدد , شبابي و عقلاني ومنطقي , في جملة حكاها رائعة : إنو ليه دايما في شيوخ بكرهو العاصي اللي ارتكب المعصية الفلانية , بالعكس إحنا لازم نكره المعصية اللي ارتكبها بس ما نكره العاصي وندعي عليه ,بالعكس نقربه إلنا وندعيله ونجيبه لجهتنا , طبعا هو قصد بعض الشيوخ المتشددين اللي رأسا أول ما ترتكب معصية بنزلو فيك إنتا وإنتا وكمان الشيوخ اللي بدعو عالغرب والكفار الله يموتهم الله ييتم ولادهم الله يصلط عليهم العذاب….طب ليش ما الدين رحمة ورأفة والرسول عمره ما ورد عنه دعاء على عاصي , بالعكس كان يدعيلهم , خدلك موقف اهل الطائف من النبي صلى الله عليه وسلم لما  ارسلوا  الاطفال والمجانين يرموه بالحجاره حتى ادموا قدميه الشريفتين , وراح هائم على وجه بين الوديان والشعاب والجبال , إجاه جبريل وملك الجبال , فسلم جبريل وقال يارسول الله هذا ملك الجبال وسلم على الرسول ملك الجبال وقال :مرني يارسول الله هل تريد ان اطبق عليهم الاخشبين , يعني اهل مكه والاخشبين جبلين كبيرين في مكه, فقال الرحمه المهداه الرحمه للعالمين بل ارجو ان يخرج الله من اصلابهم من يعبد الله لا يشرك به شيئا, فأخرج الله عكرمه بن ابي جهل وخالد بن الوليد بن المغيره سيف الله المسلول وغيرهم كثير!!
 وعندك كمان بفتح مكة لما واحد قال : هذا يوم الملحمة , رد الرسول عليه : بل هذا يوم المرحمة وفاتو وكسرو الاصنام وبس لا طبشوا ولا قتلو اطفال ولا نساء ولا قلبو الدنيا فوقاني تحتاني  ,  يا الله أديش الدين حلو بس لو نفهمه صح ونعيشه بقلبنا ….

ومن الحلقات الرائعة كمان كانت عن حدود العلاقة بين الولد والبنت وإنو ما ينفعش يكون هناك صوحوبية زي ما بقولو وكثرة العلاقات الغرامية  اللي ممكن يمر فيها الشب والبنت وأثرها عليهم , بس شو,  فسرها من الواقع  وبين مضارها النفسية مش إنو يعني بس من ناحية الدين حلال وحرام , وحكى بصراحة إنو أنا كنت هيك بزمناتي , وشو كانت تجاربه , يعني الموضوع ما بتلخص , ما بعرف إذا بنزلوهم الحلقات عالنت بعد فترة ولا يعيدوهم بتابع الموضوع إن شا الله …..

جربو إحضرو  البرنامج كتيير حلو واكيد راح تحبوه

updated : http://www.4shared.com/file/24939997/ba40d0ec/HobElRaSOUL.html….

About orangee

Soo simple girl , always spreading smiles around the world :) soo optimistic about her life ;)

Posted on September 25, 2007, in religious. Bookmark the permalink. 11 Comments.

  1. صراحة يسلمو على الموضوع لأنو كثير خطير ومهم… أنا بجوز ما بسمع إلا لعدد معين من الناس لأني (قصدي الدعاة) لأني إلي أهدافي الخاصة من سماعهم…ما بحكي إنو الناس التانيين مو كويسيين لأ بس لأنو ما بقدر أسمع للكل… الإشي اللي بدي أحكي إنو شو بعد مرحلة إنو نسمع للدعاة …؟؟؟ أكيد إنو هاي خطوة مهمة نفكر فيها…احنا لازم نتعلم ديننا ولازم نقرأ في كتبنا زي الصحييحين والكتب التانية مثل كتب العقيدة والسيرة و المعاملات و الأخلاق بس برضو مو نطب عليهم طية…لأ شوي شوي لأنو اللي بيجي بسرعة بروح برضو بسرعة…صراحة المواضيع هاي كثير خطيرة ومهمة وأكيد في الصميم….الله يجزيك الخير وإن شاء الله في ميزان حسناتك

  2. ana ma shoft wala 7alqah m3 enno men 3enna 3ala qanat Iqraa s7?
    allah y3eno w ysa3do 3ala fe3el el 5eer.

  3. u know ana had el ba7ebbo!! el shyu5 el zraf l6af…
    3n mawdu3 7dood el3alaqa ben elbent welshab batzakkar kan fi mjmu3et 7alqat la 3mr 5alid kanat RA2E3A… kteeeeeer 7aka 3n elmawdu3 bra7a o bedun el tention elli benshufo men kteer shyu5 tanyeen…
    ana ma 3omri sme3et lahad el shee5 2w 7dertello eshi m3 enno -ya ksoofi :-p – Iqraa btetla3 men 3enna, bs shaja3tini 27daro🙂
    walki hedaya Alla yes3edki… dayman btethbeti ennik gada3a😉

  4. بهلول ,لفتتني كلمة أهدافي الخاصة !!!شو يعني ؟
    والله مزبوط حكيك في ناس بفوتو متحمسين عالدين ويمكن بوخدو المظاهر ما بفهمو الدين الصح مشان هيك ممكن ينحرفو و يضلوا الطريق وفعلا لازم يكون عنا تطبيق عملي مش بس نسمع محاضرات … شكرا لمرورك 🙂

    هشام , كمان إقرأ من عندكم طالعه؟!!! ما شاء الله , آه من إقرأ تبث , بس سؤال جال آرتينز الأطفال صارت بمصاري😦
    ول طب ليش والله قناة حلوة أخوي وأنا كنا دايما نحضرها واعععع واع واع واع……..

    ناريات , آه هاي حلقات عمرو خالد سمعتها بتذكر محاضرته ألقاها وقتها بالجامعة الأمريكية بلبنان….
    لوووووول وأنا أول مرة بشوفله🙂 ناريات الله يوفجكي ويسعدكي كمان وكمان …….:)

  5. أهداف خاصة !!! لأ مو تفكري إشي غلط… خليني أعطيكي مثال يعني فترة من الفترات (الله لا يعيدها) بطلت أقدر أصحى على صلاة الفجر ففكرت كيف بدي أشحذ الهمة…ودورت بالدفاتر والأشرطة العتيقة ولقيت شريط أنين الفجر للشيخ نبيل العوضي ، والحمد لله الأمور مشت بعديها…. هي المشكلة اللي أنا حسيتها يا هداية إنو في عنا نوعين من الدعاة ناس بحكو حكي حلو وقريب كثير من الواقع بس مو قويين في العلم، وناس قويين في العلم بس بحكو شوي بعيد عن مشاكل الحياة اليومية، وأكيد الله يجزيهم الخير الجهتين كل واحد بحاول يقدم اللي عندو، وأنا بتمنا لو في حدا يجمع الجهتين…

  6. Hedaya azonnelik eno Arteenz ra7at 3a taraddod tani l2enno sar ma7alha 7ekayat kaman elli heyye eshtirak… bs Arteenz lessat-ha free -3la ma azon!!-… bs mesh se3eb at2akadlik… barodlik 5abar enshalla…

    bahloul,
    ne7na bhai elmar7aleh shu3’olna nejma3 la7alna ben el jehateen, y3ni 7elu elwa7ad ykun 3aref 7alo shu me7taj o ydawer 3aleeh…

  7. Mu3ezz!! Mu3ezz!! hala2 3refto!!
    mbare7 ma eshta3’al el video, hala2 bs eli shufto…
    had el shab bejannneeeeen… kan m3 7amza yusef be ‘re7la m3 el shai5 7amza’….
    he was awesome!!
    men kol hadak el group yemken elwa7eden eli dallu mashyeen 3a5a6 el iltezam henne mu3ezz o 27mad shugeeri… qaswara e5tafa, 27mad fishawi Allah ysam7o o yehdeeh fa2asna kollna 3ad adeesh konna n7ebbo… 3amr el qadi kaman sar ymathel o ba6al ybayen b2shya2 deeneyye…
    Allah yehdi eljamee3!!

  8. naryat,

    sa7ee7 7akyk 100%, but what i meant that we can have (da3ya ) that have the influence on the both sides, because those people are doing that as a mean job in their life, and we do that as much as we can in our life ( on the side of our daily life), and i think that our fire effect is not as them on the public, i think that mohammad al3oreefy is one of them, and elda3ya mohammad alawady is another one, but also we need more and more of them….

    and really thanks to you hedaya again this subject is soooo important to share about….🙂

  9. بهلول , هسا وصلت الفكرة🙂
    هلأ مزبوط حكيك إنه لازم يكون عنا الداعية اللي بجمع بين العلم والأسلوب , بس القصد واللي يمكن ناريات كمان قصدتو إنو لو ما توفر هادا النوع بكون عليك إنت تجمع بين الشغلتين إنك تحضر لهاد وهاد مشان إنت تستفيد ,تكون أخدت المعلومة من هاد وفوتها لقلبك بالأسلوب من هداك , والحقيقة هالأيام مو هالعلم اللي الناس بتحتاجه يعني بقصد العقيدة والأشياء المعمقة بالدين اللي بدروسوها طالبي العلم , الناس عامة ما بدها غير مثلا عن أحكام الدين , المعاملات , الأخلاق , العبادات…….مش هالأشياء الصعبة على أي داعي متل عمرو خالد مثلا , عندو هاي الأشياء البسيطة اللي بتحتاجها الناس وعندو الأسلوب , شو بدها الناس غير هيك……لا شكر على واجب……:)

    ناريات , والله يمكن تغير ترددها مش بعيد , شكرا لاهتمامك نرنر ,آه كنت أشوفو مع الشيخ حمزة مزبوط , مو كتير تابعت البرنامج بس كنت أصدفه مرات , والله أنا بعرف بس معز والتاني الفيشاوي وتفاجأت لما شوفتو رجع يمثل , الله يهدينا إحنا كمان يا رب ………:)

  10. البرنامج رائع واحلى حاجة فيه مقدم البرنامج شاب متحضر ومثقف وبيتكلم بلغة كتير من الشباب اللى ما بيفكروش ف الدين قوى ومعتبرين ان الدين ده معمول عشان العواجيز والفقرا المحرومين من متع الدنيا فا بيدوروا على الاخرة والشباب دول مش هما بس اللى ما بيفكروش ف الدين اهل الدين كمان ما بيفكروش فيهم ولا بيوجهولهم الخطاب الدينى بالاسلوب اللى يفهموه بالعكس بيهجموهم ويتهموهم بتقليد الغرب وينسبوا ليهم عيوب كتير مش فيهم لانهم بيحكمو عليهم من المظهر يعنى كل واحد لابس جينز ومطول شعره شوية وبيتكلم لغة اجنبية يبقى بعيد عن ربنا ومش نافع والشباب دول كمان فاهمين ان كل واحد متدين اما يكون كئيب ومعقد او بيئة ومش كلاس وانا شايفة ان معز بيحل المعادلة الصعبة وبيجمع بين الاتنين التدين والثقافة والاناقة ف الشخصية واسلوب الخطاب الدينى واللى يفهمه الشباب دول ويخليهم يقربوا من الدين بدل ما ينفروا منه وكمان الموضوعات اللى بيتكلم فيها مهمه جدا وبتمس كتير من الناس والغريبة انه بيقول افكار كتير انا فكرت فيها وكنت فاكرة ان انا لوحدى اللى بفكر كده لانى ما سمعتش حد ابدا بيقول الكلام ده زى مثلا موضوع الاعجاز العلمى فى القران الكريم انا باتضايق من الناس اللى بتقول الكلام ده لانه مش مفروض اننا ندلل على صحة القران بالعلم لان القران كلام ربنا فلازم يكون صح طبعا لكن العلم احيانا كتير بغلط يبقى لما يتفق القران مع نظرية علمية يبقى ده دليل على ان القران صح ولا دليل على ان النظريه هى اللى صح ولو ثبت بعد كده ان النظرية العلمية غلط يبقى القران غلط؟ مش معقول طبعا كان نفسى من زمان اقول الكلام ده والحمد لله لقيت حد بيفكر زيى ورأيه من راى ده بس مجرد مثل وموضوعات زى كده كتير كنا محتاجين حد يتكلم فيها ويصحح المفاهيم الغلط وانا باشكر كل اللى اشتغلوا فىالبرنامج ده وبادعى لهم دايما بالنجاح والتوفيق والثبات علىالحق واخلاص النيه لله سبحانه وتعالى وربنا يبارك فيكم وينفع بيكم امة محمد صلى الله عليه وسلم ايمان

  11. إيمان , أهلا وسهلا فيكي ……..:)
    والله الكلمات تعجز عن التعليق , ما شا الله كفيتي ووفيتي , فعلا معز بوجه كلامه للشباب عموما بس هادا أكيد ما بنفي زي ما قولتي أهميته كمان للدعاة , ومعز من الدعاة اللي جمعوا بين الثقافة والتحضر والتدين والأسلوب وهو يمكن من القلائل زي أمثال عمرو خالد مثلا……الله يكتر من أمثاله يا رب , مثلا اليوم كان يحكي عن الصلاة وكيف الواحد لازم ينبسط بحياته مو على حساب الفرائض متل ممارسة الهوايات مثلا وليش ما تكون أوقات التسلية زي طاقة بتشحنك مشان تأدي فرائضك , وفعلا الواحد أحيانا في أشياء بفكر فيها بس مش عارف يعبر وإجا معز وفشلنا خلقنا🙂
    شكرا لمرمرك إيمان , أنا والله بحب الشعب المصري , ما بعرف بحسه من الشعوب القلائل اللي دايما بتلاقي النزعة الدينية موجودة عنده ودمه حامي وجامد اوي , اول ما يصير إشي عند أي شعب عربي بتلاقيه طلع مظاهرات واحتجاجات , شعب جدع زي ما بقولو🙂, شكرا لمرورك مرة تانية وتعليقك الرائع……….:) وابقي زورينا هون

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: