اللي ببلاش كتر منه

 

هادا شعار كتيير من الناس هالأيام اللي ببلاش كتر منه …..

غريب كيف في بعض الناس بتستغل منصبها أو موقعها بالنهب والسرقة والتزريق هون وهون ومن تحت الطاولة …..

بتلاقي بكل مكان متل هيك ناس ….في مجال عملي مثلا …..في كتيير ….تخيل إنو أبوك أو أمك مثلا عندهم ضغط ولا سكري وبدهم أدوية ….بكل بساطة ممكن تجيبلك كمن حبة دوا إذا كنت ضاربلك صحبة مع الموظف المسؤول عن صرف الدوا …. عنجد كيف الناس يتفكر ؟؟بحكيلك  يلا ما هوا ببلاش …

طيب ما فكرت إنو الدوا اللي بتعطيهم إياه حرااااام وإنك بدّخل لجسمهم إشي حرام بدل ما ربنا يشافيهم ويعافيهم أبصر شو بسوي فيهم؟

طبعا صرف الأدوية أو مثلا على مستوى جرابات طبية( للي بوقفوا ساعات طويلة في الشغل) بتم على اسم مريض تاني …يعني هو اللي بدفع مش انت !! وتخيل لو إنو فايت بدون تأمين وبدفع مصاري !!

هالأيام اللي بدو يتحرى الحلال والحرام بدو يفكر مزبوط ويتأكد وما بحكيلك إنو ما بتغلب ….أكيد بتغلب شوي بس بكون مرتاح ومطمئن

عندك مثلا في المستشفيات لما يفوت مريض بعطوه قنينة ماي صحة وباكيت محارم وصابون ….طيب إنت لما تيجي تفتح المي وتشرب منها ولا تلطشلك كمن حبة صابون للدار ..هادا حلال؟؟ المستشفى مش جايبته إلك بالعربي فكيف إنت بتاخدوه؟!!  وطبعا كل ما كنت مزبط حالك يعني إلك علاقات هون وهون بتزرق هون وهناك كلما كنت فهلوي وشاطر وقد حالك والكل بمدح فيك …..

في بدايات عملي بتذكر إنو مره رحت أشتري من سوبر ماركت  سألتني صاحبة الدكان عن شغلي ….وقالتلي يلا كتيير منيح مشان اضلي تجيبلي دوا ضغط إلي من هون ومن هون …..طبعا اتفاجأت أنا وبعفويه ابتسمتلها وقلتلها :  خالتو أنا إلنا ما بجيب هيك ولا هيك …هيها الصيدلية موجودة بشتري منها لو حقو ستين ليره ….

 يا ريت كل واحد يكون مسؤول في موقعه لإنها أمانه إنت مؤتمن عليها وراح تحاسب عليها يوم القيامة وطعم الحلال ما في أحلى منه….فذّكر فإن الذكرى تنفع المؤمنين…

About orangee

Soo simple girl , always spreading smiles around the world :) soo optimistic about her life ;)

Posted on October 11, 2008, in Nursing. Bookmark the permalink. 5 Comments.

  1. للأسف الشدييييد يا هدّوش انو هاد اللي عم بيصير…
    حتى على مستوى الناس اللي مفروض انها هاي كلاس…
    اختي كانت تشتغل بمستودع طبي بيجيب اشي اسمو (بون ألوغرافت) و عملو زي عشا لاطلاق المنتج اللي ماخدين وكالتو… المدعوين كانوا كلهم يا ناس برتب عالية من الجيش يا دكاترة عظام يا اصحاب المستودعات الطبية، يعني بالمختصر كلهم ناس ولاد عيَل…
    لكي ان تتخيلي يا عزيزتي كيف كانوا المقدمين و الضباط تبعون الجيش ييجوا عالستاند ما يتفرجوا عالبروشورات و يعبّوا جيبهم ملبّس من تبع الضيافة و يروحوا!!! و لكي ان تتخيلي انو كانوا ييجوا ناس يسألوهم: ما بتوزّعوا كياس أو قلام؟؟!!!😐 و تخيلي المستوى عاد

  2. lol…. heeeeeeeeh… you tell us about it Hedaya… Imgen when one goes to a Five Stars hotel wedding party… and look at the five star open buffet when people attack it… YAakk…

    allah yehdeehom

  3. لووول عجبتني هاي هدووش هييههيه ….بتعرفي نور الشغله هاي بالزات ما دخل إنو الواحد معاه مصاري ولا لأ في ناس معهم مصاري وعمرهم ما بشبعوا وهما اول ناس بسرقوا وفي فقرا عندهم عزة نفس لو محتاجيين مستحيل يطلبوا….يلا الواحد بعيش وبشوف … شكرا نرنوش عالكومنت الحلوة🙂
    السيد أبو الهييييش لووول ….ما هذه التنهيدا العجيبة إنو يعني إ يييييي ملان منهم شفت كتيير هههه عنجد مش طبيعي وبفندق خمس نجوم كمان هههههه على كلن في ناس طول عمرهم مفجوعين ما بشبعوا للأسف …

  4. شو يا بدنا نلملمكم واحد واحد؟؟
    يللا عالفنطزية… هداااااااايااااااااااااااااااة يللا اكتبي🙂
    صحصحونا يا جماعة صحصحونا…

  5. looooool sho fan6azeya ?!!! ya raet ya noor😛
    enshalah 3n 2areeb bede 2aktob post ra7 yhed el donia bs 2a36eene wa2et la 2alamlem nafsee shwai….

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: