lovely weather

 

1566874399_03b3ee5663

شدني منظر مضحك وأنا بطريقي للسوق اليوم …..طوابير من الناس صافة بالكازية للحصول على الكاز….هذا غير الطوابير عالمخابز ….وكإنوإحنا بحرب والدنيا مقطوعة والناس ما بتاكل وبتتدفى إلا بالبرد….سبحان الله أنا ما شفت المنظر من هون ورحت فيها ضحك من هون …..

مع ذلك  أحلى إشي عنا  أجواء الشتا …..كتير حلوة …:) الكل قاعد مكمكم وبتخانق على القعدة جنب الصوبة(طبعا إذا كانت رومو ) لووول أما إذا كانت بواري فلا يوجد هناك داعي للتلزيق جنب الصوبة  لإنو الخناقة راح تصير على أبعد موقع ينشن عليه (بفتح الشين ) بحيث يصلك الدفا باعتدال بدون ما تصير خدودك حمرا   …

ويا سلام على إبريق الماي اللي بغلي عالصوبة….. ولا الكستنا اللي بتفجش عالصوبة …..ناهيك عن صحون النقرشه والبزر🙂

ومما يزيد من دفىء وحماسية الجو  كاسة سحلب ساخنة عليها قرفة وجوز….يا سلاااام لووووول

ويا سبحان الله هيك من الله …الكل بصير بدو يغسل أواعيه وبدو ينشرها قدام الصوبة تا تنشف وطب خاوا بدو يلبس هالبلوزه بكرا  ماشاالله بتموضو الجماعة بالشتا  أما تعال أيام الصيف ولا حدا سائل…لووول

وما بتحلا الخناقات والزناخه إلا بالشتا… الكل قاعد بوجه التاني وبتفششوا ببعض …باباااااا عندك محمود أخدلي صحن البزر تاعي …لأهو اللي أخده مني ولإنو قاضي الولاد شنق حاله ما بنعرف الحق عمين بوكلو كتله الثنين وبنامو…..لووووول

واحمد يا حرام لإنو أكبر واحد باخوانه بتطلع الدجا فيه دايما,  كلف(بضم الكاف ) من قبل رئيس الوزرا  بالروحة عالدكان تا يشتري لهالولاد شبس وشكولاطةوقظامة أم البريزة (ننوه هنا إنو طعم الشبس والشكولاطة بالشتا بصير أزكى ها ) وبتلفح أحمد بهالفروة والعجال تا ما يبان غير عيونه

تعال قّوّم الولاد على المدرسة و هالزلمة على الشغل الكل بطمطمط وبتجبد بدوش يقوم ,و أول ما يشمو ريحة الكاز مفحفحة من صوبة علاء الدين بفزو مثل القرود ……ما بننسى كمان إنو كل الأردن قبل هاليوم بتكون حضرت نشرة أخبار الساعة ثمانية ومتأكدة مية بالمية إنو مش معطلين ويا حبيبي إذا أعلنوها عطله كنك شاطر خليه يلقط معك الخط  

 …..

 

sahlab

 

welcome to jordan

thumb196

About orangee

Soo simple girl , always spreading smiles around the world :) soo optimistic about her life ;)

Posted on February 27, 2009, in daily events. Bookmark the permalink. 2 Comments.

  1. o de7ku 3aleena ya hadoosh… wala taljat wala 3abalha🙂

  2. 😦 shayfa bala …o 2e7na gahazna 7alna😛

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: