مغامرات برتقاليه -الجزء الأول

doctors

في يوم من الأيام كان في عنا مريض محطوط على جهاز تنفس اصطناعي (mechanical ventilator) فبعد عدة أيام صارت أموره مليحه :)(على قول أهل اربد ) وقررنا إنو خلص بدنا نقيم عنه الجهاز مشان يبلش يتنفس لحاله …..فأنا كنت مشغوله شوي طلعت من القسم على بنك الدم ورجعت عالقسم وأنا فايته من باب القسم ولا صوت من آخر القسم بصيح أبووووو راااااااااااااتب قوم يلا اصحى …..طبعا شو صوته ما شاءالله مش جهوري إلا شوي وكمان بتصيح بنص القسم يا سلام!!! 

 طبعا صرت أركض أنا لوصلت لتخت المريض فكرت صار للمريض اشي وقف قلبه ولا نفسه….فتحت البرادي بسرعه ولا دكتورنا الأخصائي الكريم ما شاالله وحواليه الدكاتره المقيمين بحاول يصحي بالمريض ويصحصحه شوي من أثار التخدير اللي كان ماشي عليه من الصبح …..أول إشي بقهر بالموضوع إنو حتى لو المريض عنده خمسين ألف استشاره لطحشة دكاتره , سبحان الله هادا الدكتور الوحيد المفلسف اللي بحب يدّخل بشغل غيره….طيب انت أخصائي مسالك شو فهمك بالتنفس الإصطناعي خلي دكاترة الباطني يعرفو يشتغلو شغلهم …معروف عنه إنو لا بحترم دكاتره غيره ولا حتى تمريض ….أنا سمعت عنه بس ولا مره تعاملت معاه هاي أول مره كانت….

أنا : ول شو في ؟!!! ليش الصياح ؟!! آآآه بدكم تقيمو الجهاز!!!(بعد ما شفت المنظر إنو بدهم يقيمو عنه الجهاز )

أنا : والله ما شاالله عليك يا دكتور صوتك بقوم الميت من قبره ….خلص بدنا انضل اناديك دايما كل ما بدنا نقيم جهاز عن مريض….:)

هو جح فييّ بطرف عينه…والمقيمين فرطوا من تحت لتحت وطبعا صاحبتي جنبي بتقرص فيي إنو شو بتحكي ……بقدرش يا أخي لازم أحكي يعني الكل مقهور منه وما حدا حكى أي بخلي هاش بنفسي وبعدين اللي بحترمش الناس ليش يحترمه الواحد …بستاهل الطس بالعربي وترا بعد الخبره والتجربه العمليه ما بعرف ليش في ناس كل ما انطست بتحترمك أكتر, هيك من الله سبحان الله  ….:))) 

وبالمقابل في دكاتره والله بنحطوا فوق الراس ولو في مكان أعلى من فوق الراس بتحطهم عليه قد ما همّ محترمين وفهمانين…..

صاحبتي : يعدمني إياكي يا هدايه فضحتينا مع الزلمه

أنا : وك أخ لو بتردو علي إنتو بس !!! هدول الناس ما بيجو إلا هيك وبكرا بتشوفي….:))

About orangee

Soo simple girl , always spreading smiles around the world :) soo optimistic about her life ;)

Posted on April 20, 2009, in Nursing. Bookmark the permalink. 6 Comments.

  1. lol
    o hai da2ni… bokra beseer ymorr 3aleeki 5usooooooosi mshan ysabbe7 3aleeki doonan 3an el kol!!😀

  2. Mnee7 kteer illi3milteeh. Lazim kil wa7ad ya3rif 7aduh… meen ma kaaan.
    Baas of course lazim twarjeeh wa ti7keeloh bi2osloob moo jari7 bas 7azim.

    Well done… He needs to be taught a lesson in an indirect and nonthreatening tone.

    If someone is rude or cruel, you shouldn’t turn the other cheek… Stand up for yourself and confront them whenever necessary.

    Just keep your wits about you… know exactly what and when to say things and you’ll do just fine.

  3. صح عليكي !
    علميه!

  4. loooooooool nooooor sho 3arafek 2eno fe3lan haik 9ar ?!!! hahaha 2esma3ee el takmela b el gozo2 el tanee :))

    xtr , 2akeeed b 2osloob 2a9lan el wa7ad ma lazem yenzal b el 7akee la mostawa mo mneee7 …..hehehe 6ab3an indirect a9lan hada ta5a9o9ee😛 o hada 2aktar shee be2har a9lan, lamma te3raf 2eno el 7akee mowagah 2elak b el ba6en o mo 2elak b el zaher heheheh
    hala2 for mee sometimes bte2dar tsame3 7akee 3an 6aree2 el maze7 and thats what i did when i said صوتك بقوم الميت من قبره and thats why the other doctors movies thier cheeks la2eno el mawqef kan ka maze7 bas b nafs el wa2et tasmee3 7akee😛 …i wouldn’t ofcourse make a fun of anyone without any reason , he was rude & deserve that 🙂
    ” Stand up for yourself” akeed if things goes personally i will …..
    مش تاخدو عني فكره إني تاعت طوش …..بالعكس أنا مسالمه جدا جدا لحد ما توصل الشغله للعوج أو المساس بشخصي المصون عندها بشتغل العقل الشركسي والله يعينهم لو كان القدامي خليلي بتكمل معنا احنا الإثنين ….لوووول

  5. heheh 3a rasee wala saed xeonash ……;)

  6. walla ya hedaya ana eza b3omre e7taramt mostashfa fa he el mostashfa elle bteshta’3le feha…
    zaherha 7adare jeddan bs la bod men hay el nakshat (mele7 el 7ayat y3ne)…
    anyways good luck…w it is a nice blog that you have…:)

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: