مغامرات برتقاليه -الجزء الثاني

nurse

قصتنا اليوم صارت مع نفس الدكتور الأخصائي في الجزء الأول …..

يوم من الأيام خبرونا الطوارىء الساعه 5 الصبح إنو نستعد في حادث بالطوارىء بدهم يطلعوه عنا…..بعد ما أخدنا المعلومات الأولية عن الحاله وشو بتحتاج….ركض الكل كالعاده  زي خلية النحل اللي جهز العدة مشان نحط المريض عجهاز التنفس الإصطناعي واللي جهز الأوراق واللي خبر فريق التنفسيه مشان يجوا عنا….المهم كان الأخ الكريم الله يسامحه جاي من الحدود السورية اللي قريبه علينا شربان وبسوق السيارة …..شو بدكم بطول السيرة الزلمه كان والله خالص راسه مفشوخ وبده قطب وبالطوارىء مو مقطبينه ما لحقوا , جيب ستاند الضو والعده يا ولد وبلش قطب يا دكتور  واللي نط يركبله إبره بايده واللي شبك المغذي واللي نط يجيبله دم من بنك الدم واللي حضر دوا معين بنستخدمه لرفع الضغط لإنو ضغطه كان نازل …..واللي واقف(طبعا دوره هون مهم جدا )بوزع ابتسامات وبعلق على فلان وعلان وبحكي أشياء بضحك بتخفف من توتر الكل وبتلطف الجو ….

المهم مش هون الموضوع أنا بس حبيت أوصفلكم الجو كيف كان…..واحنا بنص العجئه هاي …صارت الساعة سبعه وإجى وقت تسليم الشفتات …ويا دوبنا ها خلصنا شغل عليه ….ولا جاي الأخصائي الأفندي  بدو يشوف المريض (حلمان فيه ما شاالله) نط يعلق ويتفلسف على الصبح , وين الممرض المسؤول عن المريض , نطيت أنا مع إنه المريض مو إلي , بس عرفت إنو راح يتفلسف ….قلت خليني أطسه شوي على الصبح ….:)))

أنا :  تفضل دكتور خير شو في ؟!!!

هو : شو هادا يا سستر؟!!!ليش في دم على شراشف المريض؟!!!

أنا برفع الحواجب طبعا وعلامات الإستفهام والإستغراب باديه على وجهي : بالله جد بتحكي دكتور !!!!! أولا : وعليكم السلام ورحمة الله وبركاته (إنو يعني الواحد بسلم بالأول) …. ثانيا : هلأ خلصنا شغل مع المريض قبل خمس  دقايق كانو طحشت دكاتره وممرضين بشتغلو معاه ….وبعدين لعلمك(مع الإشاره بأصبع السبابه ههههه ) حتى لو مو مخلصين شغل مع المريض …أي مريض جاي من حادث سير  بعد عنا ست ساعات بدمه ويا دوب ها يا دوب يفكرو إنو يغيرو له الشباب الشراشف ..والله المريض أهم عنا من الشراشف  ولا شو رأيك !!!!

هو : لا تعليق طبعا وغير الموضوع وصار يحكي بإشي ثاني……..

هادا كان الموقف الثاني لسه باقي الموقف الثالث وهو اللي بضحك كتيييييييير وهو اللي أثبتلي إنو فعلا في ناس بتيجيش إلا بالطس والبهادل وكل ما اتبهدلت بتحترمك يا أخي أكثر  سبحان الله …………ودمتم🙂

About orangee

Soo simple girl , always spreading smiles around the world :) soo optimistic about her life ;)

Posted on April 21, 2009, in Nursing. Bookmark the permalink. 5 Comments.

  1. يستاهل مرة ثانية!

  2. hahahah da7aktnee😀

  3. a7san men dacatret kesm el 3edam 3endkom mafe🙂

  4. What an idiot! He surely deserves to be taught a lesson. Just remember Orangee, be firm but polite.

    Allah ya3eenik 3aleeh

  5. jojo…….
    آهههههههه لما توصل الشغله لأطباء العظام أبقدرش أسولف ……بجننوووو :)))
    XTR , shayef bala😛 ma3aee 7a2 lakan🙂 there will b politeness always for sure😉

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: