مفترق طرق

blog-about-it

يمكن كتابتي بهالموضوع اليوم هو نتاج سماعي لعدة تجارب وقصص سواء من الناس أو من صديقاتي بآخر فتره ومرورهم بتجارب كانت وللأسف غير ناجحه …..

الموضوع كتيير كبير وما بنحكي بمقال زي هيك , لكن بحاول أجمع أكبر قدر ممكن من الأفكار والأطروحات اللي بحب أسمع بالنهاية أكيد رأيكم بالموضوع بشكل عام وإن كنت على صح أو خطأ فبالنهاية الإنسان  حصيلة تجارب وقصص وعوامل خارجية وداخليه , مجتمعيه وبيئيه كمان….

 هل اللي إيدو بالمي مش زي اللي إيدو بالنار ؟؟ ولا الموضوع كله بعتمد على التربيه الأسريه ؟ ولا بعتمد على المكان اللي بتصير فيو القصة يعني الثقافه والتعليم والمستوى الإجتماعي بتلعب دور ؟ ولا كله قسمه ونصيب؟ وإذا كان هيك طيب ربنا أعطانا عقل نفكر فيه ؟ هل كل هاي الأشياء بتأثر بإنو ياخد الإنسان قرار حاسم بالعدول والتراجع بعد ما كان قاطع مشوار طويل ؟ هل الموضوع أسهل عالبنت متل الشب باتخاذ القرار وهل التبعات مجتمعيا هي نفسها عالإثنين ؟

نبدا بقصه حقيقية …..

كان يوم حفله الخطبه ….وهما رايحين على صالة الحفله  بالطريق بحكيلها بدي أخبرك إشي : أنا أهلي مو جايين عالحفله بس جزء من قرايبنا  (وسبب عدم قدوم أحد من أهله لإنو كان في سوء تفاهم بين الأهل على المهر مسبقا)…..

شو رأيكم ؟ شو موقفك إذا كنتي إنتي بمحلها ؟ وشو موقفك انت لو كنت مثلا أخو العروس  (بدناش نقول بمكانه لإنو أكيد يلي بقرأولي ما بعملو هالحركه )؟  بالنسبه إلي هادا موقف كافي لإنهاء أي اشي لإنو ما فكر للحظه بأهلي أنا وفيّ أنا قبل كل الناس إنو شو بدو يكون وجهي ووجه أهلي قدام الناس …كان أناني كفايه وفكر بمصلحته بس ,فكر للحظه إنو ممكن يحطك تحت الأمر الواقع  ……

هل الواحد بنعمى على قلبه وببطل يشوف عيوب الآخر ؟هل لازم الواحد يشغل عقله أكتر من قلبه لإنو إذا اعتمد على قلبه بس بوديه بستين داهيه زي ما بقولو ؟ هل ممكن ينسى أو يتغاضى  الواحد عن مبادئه وكل إشي كان طول عمره حامله من شعارات ومبادىء لإنو بس انكتب على ورقه إنو هاي لهاد وهاد لهاي  ؟

للأسف كتير من الناس بتحملو وما بقدروا يتراجعوا لإنو في النهاية مكتوب الكتاب وبنظر المجتمع هيه مطلقه إذا تركت …..وين شخصية الإنسان وكيانه إنو يحكي لأ , هادي حياة وعمر بدي أعيشه , أكيد الموضوع كله برأيي بعتمد على تربية الشخص نفسه والبيئه كمان لإنو في ناس عندهم البنت مدلاله وصدر البيت مفتوح إلها متى ما بدها وفي ناس ما بصدقوا متى يجوزوها وبضلها تنضرب وتحرد على بيت أهلها وهما أول ناس برجعوها …..

طبعا دائما اللي إيدو بالمي مش زي اللي إيدو بالنار لكن بنفس الوقت البنت لازم تكون ذكيه كفايه لتنتبه على أشياء وعلامات بفترة الخطبه وما تخلي عاطفتها تعمي على عيونها لإنو مرات  أي واحد بطلّع من بره بشوف أشياء واضحه زي عين الشمس لكن واحد من الطرفين مو شايفها ….ياما ناس بعد ما اتجوزو  قالوا آه صحيح والله كان مبين من يوم الخطبه بس أنا ما انتبهت ….شو ما كان في تمثيل إلا ما يبان الواحد بمواقف لإنو في النهاية الطبع يغلب التطبع….

أكيد ما في إشي كامل بالحياة كلنا بشر وكلنا فينا عيوب لكن إشي عن إشي بفرق وهادا اللي بحكي فيه ….يعني الواحد أو الوحده ما لازم يدقر على كل إشي بس اشي ومنو , في أشياء لازم تكون بالشخص وبنفعش نقول الجمله اللي أغلب الناس بتحكيها : بكرا بصير ….وبيجى بكرا وهادا ما صار ….برجعوا بقولو بس يصير عنده ولاد بصير ….وبرده ما بصير لإنو هادا طبع ما بقدر الواحد يغيرو….. ممكن الطرف التاني تربى هيك….بدك يعني ترجع تربيه من أول ؟!!! ما بنفع ……

وأخيرا إحنا هلأ على وجه الصيف فمبروك مقدما للناويين وعقبال عند كل العايزيين …. بالنهايه  كل شي بالدنيا قسمه ونصيب لكن ربنا كمان أعطانا عقل نفكر فيه …………..

                                                                                                                              ودمتم  

About orangee

Soo simple girl , always spreading smiles around the world :) soo optimistic about her life ;)

Posted on June 5, 2009, in daily events. Bookmark the permalink. 15 Comments.

  1. You’re right Orangee… there are always signs that tell you about the truth, no matter how much the other person tries to “fake” it. Our decisions define who we really are, not race, age, or gender. You just have to do what your heart tells you, no matter what the odds.

    There are so many people out there who can’t stand their choices and get the feeling of being “losers”.

    It’s really hard to pretend to be someone you’re not just to please the ones around, especially if these people have high hopes for you.

    I believe everyone has the potential to excel. May Allah help us take the right decisions in life.

  2. xtr , tnx again 4 your comment🙂
    “please the ones around, especially if these people have high hopes for you ” thats can be mean also to pick up MR.RIGHT for you not MR.RIGHT for them ;sometimes people can hope from you to take someone who have a higher degree in education 4 example plus bla bla bla bla and find that u took a simple one because u find in him/her your MR.RIGHT ……

  3. In my case I am looking for Mrs. RIGHT!😀

  4. hehehe for sure😀😛

  5. مممم…
    موضوع جميل جداً هدوشة🙂
    شوفي يا عزيزتي…
    في بمجتمعنا افكار كتير بتوصل البنات لهاد الوضع…
    اولاً و هو اهم اشي هو رأي الأهل… و موقف الأهل… اللي بيربطوا كل اشي بالعيب و كلام الناس… و بيخافوا اي حركة تعملها بنتهم تحط عليهم نقطة سودا “مع انهم مش فاهمين انو كلنا بالنهاية محكي علينا🙂 و ما بصدق ابداً انو في بني ادم بالدنيا مهما كان منيح ما بتنجاب سيرتو بالعاطل” و هاد نتيجة الجهل و ضيق الأفق بالدرجة الأولى… لأنو متل ما بيقولوا ما عيب الا العيب
    تانياً، و هو الموروث الثقافي اللي بيربط كل موضوع الزواج بالغيب و الـ”نصيب”… يعني لو شو ما البني ادم قلل عقلو ما بيكون ماكل هم، لأنو بكرا لو شو ما صار رح ينفد منها و يطلع من الملامة… مش نصيب؟؟؟ و مش “مكتوب عليه” و بالنهاية مافي منو مهرب؟؟ “و هون بنشوف كيف بنفهم الدين غلط زي عادتنا و بنخلي النصيب مبرر لأغلاطنا!!”
    ثالثاً، انو موقف الانثى بمجتمعاتنا الشرقية دائماً و أبداً اضعف… يعني البنت اللي بتفسخ خطبتها “بالذات بعد الكتاب” ابسط شي بينحكى عنها: “لو فيها خير ما رماها الطير”… و الدليل انو ياما بنشوف رجال مطلقين بيتجوزوا بنات ابكار، بينما لو شب عزابي ما سبق و تجوز من قبل قرر ياخد وحدة مطلقة بتقوم الدنيا عليه و ما بتقعد… و بيبلشو اللي حواليه يقولولو: “ليش انتا شو ناقصك مشان تتجوز وحدة بنت؟؟” و لو ركب راسو و ساوا اللي بدو ياه و اخد اللي هو مقتنع فيها رح تضل امو طول عمرها تتحسر عليه و تقول: “يي عليك و على حظك يا بنيّ شو حظاتك قلال… حتى بجيزتك ما صحلك تاخد غير مطلقة!”
    رابعاً، و هاد موقف مش بس من البنات… هاد موقف انساني بشري طبيعي و هو الخوف من التغيير… دائماً الانسان بيخاف و بيحسب ميت الف حساب قبل ما يغير اشي… و بيضل خايف ازا غير يندم… و بيضل دايماً في فكرة بتلح علينا “انو اندم لاني ما عملت الاشي اهون من اني اندم لأني عملتو”

    هاد من وجهة نظري البسيطة جداً🙂
    و السلام عليكم و رحمة الله و بركاته😉

  6. People always say naseeeeeeb w heeek saaaaaaaar… but through my life I believe now that people these days don’t believe in anything in general.

    Religion is out of the question, Love and everything else in these days is something out of everybodys calculations… Its all about interests and benefits…

    I guess guys and girls these days feels much more comfortable living as singles… and who can blame them.. :p

  7. نور , شكرا شكرا🙂
    والله كلامك مزبوط كل شي بصير بتبرر بالآخر : مش نصيبي؟ شو بدي أسوي ؟
    يعني مثلا في بنات أنا سمعتهم بحكو هيك وهما لسه بفترة الخطبه ولسه ما صار كتب كتاب ولا إشي …………
    شو ؟!!!!!!! نصيب شو يا أختي ؟!!!! إنت لسه بأول الطريق ولساتك عالبر , لو عندك عر ولاد بنقول نصيبك بالدنيا هيك , مع العلم حتى كمان لو في عر ولاد بالموضوع في ناس عندهم كرامتهم فوق كل شي …….
    يعني بالنهايه جملة (قسمه ونصيب) هي في النهايه مهرب ومتنفس من أخطاء احنا ارتكبناها واشي بنلقي عليه اللوم لنتخلص من تأنيب الضمير اللي ممكنن نحس فيه نتيجة إختياراتنا الخاطئه…….
    وبالنسبه لموقف البنت بالمجتمع فهو للأسف صحيح الأضعف …..ودايما كمان بقولو وبطلعو العيب بالبنت , وكمان لما يسمعو إنو هاي البنت كانت مخطوبه من قبل بتردد الشب كتيير إنو والله طالعه وفايته مع واحد من قبلي أما هو عادي يكون طالع مع أكتر من وحده ويا ريتها كانت خطبه رسميه لأ, صداقه وشمه هوا كمان , وهون أنا أكيد ما بشجع العلاقات ما قبل الزواج للطرفين لأسباب كتيير يمكن بنحكيها ببوست تاني لإنها طويله .
    صحيح الكل بخاف من التغيير خاصه لما تكون الشغله مفترق طرق بحياة الواحد ….بس بقدر يغير لو شغل عقله شوي ونسي عاطفته وخلاها على جنب بس بالنهايه التغيير بضل أكيد صعب جدا ومؤلم جدا جدا………لكن قد يكون العدول عن قرار ما هو أفضل الحلول وفيه مصلحة الطرفين ولو إنو صعب والزمن كفيل إنو ينسي وتصبح الحكايه طي النسيان وقصه ممكن تنحكي لتضحك منها مش تبكي ……….

  8. “Love and everything else in these days is something out of everybodys calculations… Its all about interests and benefits ”
    excuse me here i don’t agree with u in “every bodys calculations ” although i admit that MOST of girls are like this but NOT ALL ….there is some girls i know that are really don’t care about anything but finding MR.RIGHT even she will eat a piece of bread with him ……2en 5elyat 5erbat o ” al 5ayro feya o fe omatee 2ela yom el qeyamma ” as our prophet mo7amed BPUH said …..
    hehehe i do agree that living as a single is much better feeling free without any 2erteba6at😛

  9. loool… sorry 3ala kelmit everybody, I meant and should have said most or some… da5eeelik la twar6eeni ma3 el sabaya.. :p

  10. ahaa haik😀 fakaret nazretak sawdaweya lal 7aya😛 o el 3al2a ma3na mo hayna ha zai ma bte3raf 😉 bravo 3aleek abo el heesh galaset o 2a36eet lam3a kaman hahahah🙂

  11. 🙂
    guys…
    2en 5elyat belyat!

  12. yep nooor 9a7eeee7😉

  13. 2a55 menkom entu el sabaya :p

  14. انت ليه دايما بتغار منا إحنا 😛

  15. yes, enta leeh dayman 3’ayran menna an o hedaya 2aa?? :-p

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: