ذكريات برتقاليه

Picture 178

 

كانت من أروع الأيام في حياتي ,  أنا وأختي وأخي في العمره , أيام   لم ولن تنسى ستبقى محفورة بالذاكره أبدا ما حييت .

لأول مرة في حياتي بسافر خارج الأردن ,  النيه كانت موجوده عندي بأنني عازمه على التعبد إن شاء الله وبأنها مش أي رحله سياحيه عاديه بالعكس إنت رايح لهدف كثير حلو وكتير ناس من أنحاء العالم بحسدوك عليه🙂

انطلق الباص وبلشت الناس كالعاده  بالباص تبحلق ببعض و على من وين إنتو ومن الذي منه …..لهون و أنا لسه حاسه حالي كإني رايحه رحله سياحيه , نظارات وكزا لووووول لحد ما بلش المرشد يرحب بالكل بالمايكروفون ويقرأ دعاء السفر ويلبي …هون صرت أقول بحالي : يا سلام هاي الشغله باينتها جد وللحظه خفت فعلا ما بعرف ليش يمكن لإنو سفر ربنا يكتبلي فيه إني  ما ارجع منه , أو يمكن لإنها أول مره راح أبعد فيها عن أهلي , بس الأكيده منه إني اتذكرت بهاي اللحظه  منظر الكعبه وإني راح أشوفها بعد حلم عمره 24 سنه …..يا سلام أديش هاي اللحظات كانت لحظات حماسيه وكلها شوق وعزيمه وهمه عاليه فوق فوق …..

الرحله بالباص بتجنن كتيير حلوه لكنها أكيد إنها متعبه جدا يعني يوم كامل بالباص لتوصل للمدينه المنوره…..بس كله بهون بإذن الله وبالرفقه الطيبه وبإخوانك في الله  ….أحلى المحطات بالباص كانت على حدود المدوره الأردنيه , كتير غريب إنو هاي إجري هون بالأردن وإجري التانيه بالسعوديه لووووووووول هههه , يشار للقارىء الكريم أنه  في هذه الأثناء تم رصد قط كبير الحجم بعيون أخوي الصقر معاذ لكن لم يتم معرفه جنسية المنظوم  ,سعودي أم أردني, في أقوال بتقول بما إنو ملزلز ومكلبز فالإحتماليه الكبيره إنو سعودي ههههه , في الوقت اللي كانت فيو الناس نازله من باصاتها عالحدود فارشين عالأرض نايمين وبستنو دورهم (طبعا بقعد لساعات) كنا أنا واخوي المحترم رايحين جايين بنتمشى بنحكى بكل إشي بخطر عالبال ومواضيع لأول مره بنسولف فيها مع بعض  , وراق قديمه وجديده……خاف الله اللي قاعدين عرفو إنو جايين إحنا أول مره لإنو مش عارفين شو اللي مستنينه من المشي ومشتاقين للمشي من هلأ لووول :)))

من النهفات بالباص , بتلاقي كل الباص فجأة نام وكله فجأة صحي سبحان الله , إحنا كنا الوحيدين من الأردن والباقي من الضفه ونابلس وسوريا , ناس بدهم المسجل وناس ما بدهم , ناس بدهم المكيف وناس ما بدهم , من الأشياء اللي كانت مزعجه إنو الباص قلب مزبله بالآخر , النقرشه والبزر وحتى قشر الفواكه عالأرض من بعض الناس  هادا غير الناس اللي جايين سياحه ما إلهم علاقه بالدنيا ….

لن أتحدث عن الإستراحات والحمامات فأكيد إنتو أدري مني وحتى المصليات في الإستراحات ….والله حرام , لازم الحكومه السعوديه تشرف عليهم لإنو الإستراحات فعلا صارت مكاره صحيه …..

 

 وللحكايه بقيه  مع أحلى المقالب البرتقاليه , أبصيرش ما أمقلب الناس اللي معي  لازم يكون في بالموضوع مقلب …..لوول

 

About orangee

Soo simple girl , always spreading smiles around the world :) soo optimistic about her life ;)

Posted on September 28, 2009, in religious. Bookmark the permalink. 5 Comments.

  1. الله يتقبل الطاعات
    و ان شاء الله بتروحي عالحج قريب🙂

    والله ايسرلي انا كمان عمره وحج…جد من نفسي اروح : (

    لا تطولي علينا بباقي الاحداث والمغامرات🙂

  2. تقبل الله. عقبال الحج إن شاء الله
    =)
    هي بتفرق حسب الحملة اللي طالعين معها، فشكلو حظكم كان حلو كتير!!
    هاي الصورة إنت صورتيها؟ حلوة كتير.

  3. 🙂

    best days ever, hamduallah i wanted to do this 3omra long time ago and Inshallah next year eza Allah 3yashna.

  4. whisper , إن شا الله الله كريم🙂 لازم تروحي لإنها إشي ما بتفوت صراحة🙂 إن شا الله ما بطول لووول
    rana , شكرا🙂 أنا بحس إنو دايما هاي الأشياء بتصير بالرحلات الجماعيه , يعني مش كل الناس بكونو زييك أوعلى زوقك شو ما كانت الرحله مع شركه فخمه كتيير أو شركه عاديه ,لو دفعت ألف أو دفعت كمن ليرة بدها تصير مشاكل ….:)
    نعم من تصويرنا🙂
    mu3az , الحمد لله …ليش لأ الله كريم , أنا شخصيا نفسي أرد أروح كمان مره🙂

  5. lol,
    ذكريات الباص حلوة
    أول عمرة إلي كانت بعمر ال16
    مع المدرسة
    كنا صغار و ما حسينا بالتعب إلا وقت الرجعة

    هي “مغامرة” حلوة و من أحلى الرحلات
    الله يتقبل و عقبال الحج

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: