ذكريات برتقاليه 2

A_Funny_Thing_Happened_3

 استكمالا للمغامرات الأورانجيه في العمره…..

مرة نزلت عالسوق لحالي أجيب كمن شغله من محل  والأخوان زنجو ورنجو ضلو بغرفه الفندق , لما وصلت على باب الغرفه تاعتنا لمحت جنب الباب باب الخروج exit لإنو الغرفه كانت آخر الممر قلت خليني أشوف شو في بره , فتحت الباب وطج سكر الباب وراي زي ما هو متوقع , نفذ الباب على سلم حديدي  بكون لمخرج الطوارىء  اللي بكون على جنب أي عماره , صراحه المنظر كان حلو جبال وفنادق عاليه وكزا لفي يا أورانجي وجهك مشان أرجع أفوت جوا الفندق , كنك شاطره افتحي الباب …….:(

الباب ما إلو  إيد مشان الأمان ,بس أنا شو بعرفني أول مره بوقف على هيك درج لووووول

نادي وصيح عالأمم اللي جوا  اللي قاعده بالكوندشن , المشكله إنو الباب خميل كتيير يا دوب ينسمع الصوت, فش مجال تنزل عالدرج لإنو مسكر في حفريات آخره  , أضرب على تلفون الجماعه , الجماعه حاطينه عالصامت ما شاء الله ….أبدا فش فكه …..ولا فجأة بعد ما انلطعت بالشمس عشر دقايق عدو علي سنيين وكنت إلا شوي بدي أبلش أشبر بإيدي للفنادق اللي جنبنا  ولا الباب بفتح شوي شوي وكإنو ناس مستحي يفتح الباب , انا كلبشت بالباب بعد جهد جهييد وإذا يطلع أخوي المتظوم معاذ …:) لولولوليييييش

– وينكو إلي ساعه برن عليكو ؟

– شو في ؟ هههه محبوسه ؟!!

– آه ولا شو شايف  ميسوط أوي يعني ……:(

–  انا والله سمعت ناس بنادي معااااااااذ معاااااااااذ شفت بالعين السحريه ما بينتي قلت هاي بتتخوت كالعاده متخبيه بدها تخوفني قلت أرجع أقعد عالتلفزيون بس تزهق لحالها بتفوت طولتي  طلعت من  الغرفه وشفت الصوت من ورا باب الطوارىء قلت خليني أفتح الباب شوي شوي بلاش تكون واقفه على حفه ولا إشي أقوم أوقعها ………لووول

النهفه التانيه إنو بالمدينه المنوره كنا نضيع كتيير من بعض اللي يرجع لحالو عالفندق واللي يحكي انا هون واقف وينك إنت مش شايفك , لف يا زلمه مش هون لأ لأ عاليمين عالشمال شوي هيني رافع إيدي شفتني ههههه فظايح لوووول ….مره اتفقنا نلتقي على عامود عليه علم أخضر بساحة المسجد بعد الصلاة , وصل معاذ وصلت أنا ضل أختي….

-إيه وينها؟!!! , هيها هيها هناك واقفه عالعامود البعيد شايفها (طبعا ما عليه علم أخضر ولا إشي الله لا يلخم حدا لوول )

– آه والله , اسمعي خليها اضل تستنى واحنا نطلع عليها  من بعيد لووول🙂

طبعا الواحد بقلق وبعرق وبل—- أفطاسه وهو بستنى يا ربي اتأخروا   طيب ليش ما بردو عالتلفون ؟ معقول يكونو سبقوني عالفندق…. بصير براسه ميت سؤال بنسم بدنه بالعربي ………..ههههههه

ضربنا عليها تلفون وك هينا عاليمين آه لفي لفي (عاد إحنا بالعكس) هيني رافع إيدي كيف مش شايفه وهيك تا لفت لفه كامله وشافت الفصول الأربعه ………لوووول وبعدين رحنا إحنا حراام والله سمت بدن :) لووووووول

وغير قصص التخباي , مره أختي بدها تعلق عبايتها اتخبيت جوا الخزانه بالتعاون مع أخوي و بووووو وتم إلتقاط المشهد بالفيديو من جوا الخزانه  ههههه ومره  معاذ عملها فينا , كنا فايتيين عالغرفه وهو مش موجود , حكيت لأختي ليش قلبي حاسسني يا أخي  إنو متخبيلنا ,  دور لطش تحت التخت جو الخزانه جوا الحمام بالدوش فش حدا قلت ظلمناه بيني وبين حالي . طلع ماسك كاميرا متخبي ورا البرادي عند الشباك وبوووووووو للعلم فقط يشار إلى أنه أنا نجمي  مش خفيف إلا شوي  …..:)

About orangee

Soo simple girl , always spreading smiles around the world :) soo optimistic about her life ;)

Posted on October 4, 2009, in daily events. Bookmark the permalink. 4 Comments.

  1. LOOOL i remember this .. you should see your face at that moment😛

  2. hehe sho 2o9et weghee hai nefsee 2a3raf😛 dayman be7kolee law shoftee weghek beda7ek😀 yemken el facial expression ta3tee beda7k 2aktar mn el mawqef nafsoo hahahah😛

  3. looooooooooooooool
    awal eshi 3omra mubaraka inshallah
    o ba3den ya3ne akeed 3arfeh Mu3az sho jai esawe ma3akom
    wallah 6ele3et mo 2aleel ya Mu3az, heek btsawe bel banat!!!

  4. allah ybarek fekeee 3o2balek ya rab🙂
    shayfa bala😛 2al ray7een 3omra 2al hehehehe

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: