ديني أم دنياي

* من فتره تلقيت رساله على موبايلي بتحكيلي فيها صديقتي إنها خلعت الحجاب ….صديقتي وبعد طول انقطاع عن الدراسه بعد فترة الثانويه العامه ( لظروف عائليه) انقبلت بإحدى الجامعات العريقه وللأسف متل كتير من البنات في أيامنا انجرفت بالتيار وابهرتها حياة الجامعه  وقررت تخلع الحجاب , للأسف في ناس بتتأثر بمغريات الحياة وبالأخص اللي ايمانه أصلا بكون ضعيف مع إنو بالبدايه كان حجابها عن قناعه تامه  (بس الظاهر إنه ما كان هيك )…..انقهرت كتيير كتيير عليها وعاتبتها عالتلفون عتاب قاسي لدرجه إنها ولا كلمه حكت وحتى ما كانت بدها تحكيلي (عرفت عن طريق صاحبه تانيه ) ليش قال ما بدها تحكيلي  ؟ لإنها خايفه من ردة فعلي وخايفه أزعل منها لإنو إلنا سنيين عم بنحاول نقنعها بالحجاب لحد ما ربنا هداها……واللي ببكي هون إنها خايفه من ردة فعلي ومش خايفه من ربنا

!!!!!

خلع الحجاب عقابه أشد من اللي مش لابسه حجاب أصلا , وبعدين غريب هيك الواحد بشكر ربه بهاي الطريقه , إذا بدايه مشوار حياته الواحد بداه بمعصيه ف من وين بده يجي  التوفيق من ربنا قولولي ؟!!! في كتير ناس بآمنوا إنو الوحده إذا فرعت وشلحت الحجاب بتتجوز بسرعه (عفوا بس أنا اللي بدو إياني مفرعة ما بشرفني أرتبط فيه أصلا )  وبتشتغل بأحسن مكان , وين الإيمان واليقين الداخلي بالقسمه والنصيب ؟!!! بالكتاب المكتوب ؟!!! بالرزقه ؟!!! ما في للأسف ………شو دخل الحجاب شو دخل الطلعات والفوتات والجيات والروحات  ما كله مكتوب !!!! اشي ومنه …خلي الواحد يكون وسط …..

مفهوم الحجاب اختلف والناس بطلت فاهمه حكمته  صح …….يعني بلا مؤاخذه المحجبه هالأيام والله صارت ملفته أكتر من اللي مفرعه , الألوان والموديلات والمزركش والوردة والشكله والبكله واللي واللي …..والله إنو إشي ملفت , إذا احنا البنات بنطلع وبتلفتنا فكيف الشباب الله يعينهم والله مرات بحزن عليهم  ….بذكر مرة لبست شال ستان على دوامي كان لونه أبيض وأسود , والله يومها حسيت حالي فرجة ما في حدا ما اطلع وكل البنات بحكولي بجنن عليكي …..انا انجنيت يومها لإنو فعلا حسيت إنو ملفت , الحجاب أصلا مو المفروض يكون حلو , ما تفهموني غلط , مو قصدي إنو يكون بشع لأ , بس الحجاب المفروض من اللي بحطه إنو يحطه ليستر  مو يجمل ويحلي , يعني يكون  إشي مقبول عادي , مو اللي بشوفه يضل صافن ويحكي وااااااو بجنن ….

في شغلة تانية يشوفها كتيير , إنو في ناس مو ملتزميين بالحجاب , أي عرس مناسبة ممكن يشلحوه عادي , هاي الحجاب عندهم بكون عادة مو عبادة , حتى في ناس مرات بحكيلك يالله  كله مشوار من هون لهون , أو مثلا بشلحوه قدام ناس مو محارم بالنسبه إلهم , قال شو يالله مش مشكله مهو قد ولادي وزي ابني !!!!! بس ربنا والله لما شرع ما حكالك تقيمي انتي الوضع وتشوفي فلان زي ابنك ولا أخوك ولا لأ  ….احنا مسلمين يعني بنسلم لأوامر ربنا وما بناقش فيها ….لو كل واحد اتصرف على كيفه كان صارت الشغلة ميمعة وعلى الكيف والمزاج ….ما كان في تشريع وقانون موحدنا كلنا …..

لله يهديني ويهدي جميع بنات المسلمين ويقينا شر الفتن والمغريات…..الحياة صارت كتيير صعبة وفعلا صار القابض على دينه كالقابض على الجمر ….

– قال رسول الله صلى الله عليه وسلم:

(سيأتى زمان على أمتى القابض فيه على دينه كالقابض على جمرة من النار )

وقال رسول الله صلى الله عليه وسلم:

(توشك ان تداعى عليكم الامم كما تداعى الاكلة الى قصعتها)
قيل (اومن قلة نحن يومئذ؟)

قال (بل انتم كثير ولكن كغثاء السيل ويوشك الله ان ينزعن
المهابة من صدور اعداءكم

وان يقذف فى قلوبكم الوهن) قيل (وما الوهن؟) قال (حب الدنيا وكراهية الموت )


– قال رسول الله صلى الله عليه وسلم:

( أشتقت لاخوانى)..قيل (نحن يارسول الله؟)


قال بل انتم اصحابى ولكن اخوانى من سيأتون بعدى ويؤمنوا بى ولم يرونى..
.اجر الواحد منهم بأجر خمسين منكم..لانكم تجدون على الخير اعوانا اما هم فلا)

قال رسول الله صلى الله عليه وسلم:

(ولد الاسلام غريبا وسيعود غريبا فطوبى للغرباء )
يا حبيبي يا رسول الله …..

يا مقلب القلوب ثبت قلوبنا على دينك ….آمين يا رب العالمين

الله يهديني ويهدي جميع بنات المسلمين جميعا ويثبت كل قلوبنا عالإيمان….

About orangee

Soo simple girl , always spreading smiles around the world :) soo optimistic about her life ;)

Posted on January 25, 2010, in religious. Bookmark the permalink. 4 Comments.

  1. walla mawdoo3 3alwaja3 ya Hadoosheh…
    Sar m3i men fatra 2areebeh, wa7deh shal7at el 7jab, heyeh kteeeeeeeeer 3azeezeh 3alai, o t7ajabna ana weyaha bsaf sades, 7attan heyye sab2atni bel 7jab! T5ayyali enha lebsato 14 saneh b3den shal7ato!
    3m ba7awel 2Qne3 7ali enno 3endha 3ozor 2awi… o batmanna enno 3anjad ykun fi sabab ma b3rafo o ykunu el nas zalamuha…

    Bs ana 3anni kteer nsadamet… o twajja3et… o leleet-ha ma nemt…

    Allah yehdi eljamee3 ya Rabbi…

  2. I think that removing the Higab means that the girl who was wearing it- just like what you’ve said- is not true to herself and to Allah. Girls should not be fashion models walking on the streets, rather they should cover up so that we guys can lower our gaze and curb our enthusiasm.

  3. I Love to see every girl wearnig Hijab more than anything else, and we i said Hijab i mean “proper” Hijab. Some times the outside challenges or the environment we are living in diverts us from the right path. For me the most important thing is the company i’m with, in the house and in the Uni and everywhere, especially when you live in a non-muslim country.

    Allah yhdeeha, ma fi ‘3er enek td3eelha ow tensa7eeha.

  4. naryat , lel asaf fee 2o9a9 kteer metel haik hal 2ayam😦
    bs mosh mafrood nbarer la mtel haik ta9arof wala nla2ee 3ozor b ra2yee ….allah yehde-ha ya rab🙂

    XTR , ” Girls should not be fashion models walking on the streets, “—-> yes very TRUE indeed🙂 these days we see the most fashionable clothes even not found on western societies that they themselves made it…..what is the level we have reached here ?!!! Sooo bad ….allah yehdee gamee3 banat el moslemeen 2ameen🙂

    muath , in fact yes muath the environment and the company play an important rule in this ……we can control whom we walk with (company ) but we can’t control the surroundings (environment ) …..if the person have the desire and the will allah will lead him/her and guide them to the right path ……

    aho da howa 2a5oi ele ba3rafooo😛😀

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: