الدنيــا ســاعه فاجعلها طــاعه

هـــل الدنيـــا بتستاهـــل الواحــــد ينبسط ساعة زمـــن بعرس مختلـــط رقص ومعصيـــة وضحـــك وأ  ُنس ؟!!!!

هـــل الدنيا بتستاهـــل رحـــلة صبايا وشباب مختلطه وغناء وسهر وطرب ؟!!!!

هـــل الدنيا بتستاهل إني أطلـــع كـــاسية عارية مائله مميله عالشارع واللي يسوى واللي ما يسوى يطلـــع علي ّ ؟!!!!

هــــل و هــــل …..

أسئلـــة كتييره بحياتنا لازم نسألها لحالنا ونحاسب أنفسنا عليها قبل أن نحاسب عليها في يوم لا ينفع الندم  !!!!!

بتمـــر عالواحد لحظـــات بقول فيها يــــــا الــــلـــه  والله يا جماعه كإنو مبارح ………أديش بنسمع والله فلان  شب مات  ….أديش الوقت بمر بسرعه وأديش الوقت بطل فيه بركه (وهو من علامات قيام الساعه ) حياتنا 60 أو 70 سنة بالكتير أديش قصيره وأديش الواحد يا دوبه يعمله إشي خير يلاقي فيه وجه ربنا هادا إن عشنا للستين الله أعلم !!!!! بتستاهل مني عرس مختلط ورقص مع هادا وهداك وضحك ومسخره ؟!!!!  والله ما بتستاهل ، الـــدين والإلتزام ما في أحلى منه  ، وحياة الملتزم كلها سعاده في قربه من الله تعالى  ، ربنا بطرح البركه والسعاده بعيلته وبفتح  عليه من كل أبواب الخير والسعاده في الدنيا قبل الآخره ومن ترك شيئا لله عوضه الله خيرا منه ، أصبحنا للأسف في زمن القابض على دينه كالقابض على جمر يا جماعه  ……

هـــل سأل العاصي نفسه ماذا يمنع المؤمن من حضور حفل عرس مختلط أو ارتكاب المعصيه الفلانية ؟؟!!!

والله العظيم ما في أسهل منها هالأيام وصار كل شي عادي  للأسف !!!! شو بمنعني إني أطلـــع هلأ عالشارع على آخر طرز  ؟!!! ولا أحضر عرس ماجن ؟!! ولا أحكي مع فلان  و علان ؟!!! شو بمنع غبر الخوف من الله تعالى والإيمان  بإنو بعد أكمن سنه أنا وانت وهي وهو راح نكون تحت التراب وبقبر كله دوود …..شو بضمنلي إني بعد كمن ساعه ما  أكون بدار الحق ؟!!! أكون بين ايدين منكر ونكير وبنسأل من هو نبيك ؟!! ما هو دينك !!!!شو بضمنلــي إنو ربنا ما يلجم لساني وما يخليني أجاوب ساعتها؟؟ !!!

الدين ما بمنع من حضور الأعراس ولا إنو تروح على رحله واضل حابس حالك بالبيت ….الدين بعطيك خطوط وضوابط تمشي عليها لتكون سعيد وبقلك كيف تتصرف ، ولكن الإنسان اللي ربنا بحبه وموفقه بحياته هو اللي بفهمها وبلتزم فيها ، وربنا بيسرله الناس اللي زيو ، فكما قال الله تعالى : ( الطيبون للطيبات والخبيثون للخبيثات) صدق الله العظيم ….وإذا ربنا ناوي الهداية لإنسان بيسرله في طريقه ناس تساعده باتباع طريق الهداية فإن كان ممن كتب عليهم السعاده مشى معهم وإن كان ممن كتب عليهم الشقاء في الدنيا أعمى الله بصيرته ومشى في طريقه وكأنه لم يلتق بهم يومــا ً  ـ فلا تحزن على انســـان مضى وعبر بجانبك ولكنه لم يقف ويغير طريقه ويمشى معك ،لا تحزن ، لأن الله  لم يكتب له الهداية ولكن ادعي لــه بها وقل عسى ربي يهديه ويرشده للطريق الصحيح ، لأن الله لم يكتب له السعاده وراحة البال فعلى نياتكم ترزقون ويهدي الله من يشاء إلى طريق مستقيم .

العاصي هالأيام بلاقي كل مين بشد على ايديه لكن الملتزم  بلاقي مجابهات وانتقادات لاذعه وقوية من شياطين الإنس ولكن أقـــول في النهاية : حسبنا الله ونعم الوكـــيل  كــــن مع الله ولا تبالي ، فتذكر يا أخي وأختي حفت الجنه بالمكاره وحفت النار بالشهوات.

About orangee

Soo simple girl , always spreading smiles around the world :) soo optimistic about her life ;)

Posted on August 1, 2010, in religious. Bookmark the permalink. 6 Comments.

  1. Haitham Al-Sheeshany

    شكرا ً لك 🙂

  2. وشكرا لك على المرور الجميل🙂

  3. معك حق اخيه

    كلماتك مليئه بالحكمه والتقوى

    ثبتك الله على دربك

    وهدى باقي المسلمين لما يحب ويرضى

  4. شكرا لك على المرور الرائع والتعليق الأروع ويهدينا الله وإياكم أجمعين لكل ما يحبه ويرضاه آآآميين

  5. كلام جميل و صحيح 100%

    ما بعرف ليش في ناس بتوقعو ان الشخص يكون ملتزم يعني خلص خلصت حياته وما راح يعيش

    بفكرو المتدينه ما بتحكي ولا بتضحك ولا بتهتم بأمور الحياه

  6. نعم للأســـف الناس فاهمه الدين غلط ….والمتدين هالأيام زي ما حكيت الناس بتشوفه وكإنو ما بضحك ولا بعرف إشي بالدنيا ….في محاضره زمان سمعتها لعمر خالد يا ريت أرد ألاقيها بهالموضوع إنو الإنسان المتدين بعيش حياته بس بعرف كيف يعيشها صـــح ، وإذا بدك تروح مكان رحله ولا شي بكون هدفك الأول هو إنو الله يكون راضي عني وبأني وين ما رحت فإن الله يراني …..
    أسعدني مرورك حقيقة وشكرا عالتعليق الجميل🙂

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: