حصــريا ًعند مواليد برج الحوت

استيقظــت  باكرا ً على صوت غصن شجرة الليمون يرتطم بنافذتي , فتحت عيني الإثنتين على بعض حبــات من الليمون الأصفر الكبير تتدلى على شباكي وتبتسم لي , ابتسمت لها و  قفزت كالحصــان فتحت النافذة وعدت للسرير سريعا ً بعدما تعثرت بكومة من الملابس على الأرض ونتج عن ذلك إصايه طفيفه الله ستر  , رائحة الليمون رائعه وأشعة الشمس تتخلل أغصانها لـــك يؤبرني هيـــك صباح   .

أنا :  سوار شو رأيك  بحبات الليمون هاي بالله عليكي ما هي بتجنن ؟!!!

سوار : آه كتير حلوه  .

أنا : تعالي قومي فزي معي عالشباك , شوفي يا ستي  تخيلي احنا قاعدين هلأ بشي جزيرة بعيــــــده وهاي البــحرقدامنا  يا الله شو حلو المنظر , شوفي شوفي هاي حبات جوز الهند على الشجره ممممم هلأ بدنا ننزل نشرب منها عصير ماشي ….شششششت سامعه سامعه ؟!!!

سوار : سامعه شو بسم الله ؟!!!

أنا : ولك هاي صوت الكناري بغرد عالشجر ….ممممم شو بالك اليوم بدنا نساوي  ؟!!

سوار : تفضلي احكيلي لشوف ,  لنشوف شو آخر المجننه تاعتك ست زبيده …

أنا : أول شي بدي أفرشي سناني أوكي ….استني هلأ باجي بكملك مشان ألحق …

أنا ( بكمل كلامي وأنا بفرشي سناني  وما حدا يسأل كيف لإنو كل شي عند الأنثى بزبط ) : هاي طاقية القش والنظارات وسكارفي الأورانج وشنتتي  القش كمان الأورانج وهاي الزنوبه ….ترارارااااااااااااا

سوار : ما شاء الله , إن شا الله بدك تطلعي هيك عالشارع ؟!

أنا : أنا أي شارع ؟!! أنا قلتلك إنو أنا بجزيره ….جزيـــراااااااااا …..يعني رمل يا ماما …أول شي بدنا نروح نفطر عالكورنيش  بس قولي ان شا الله ما يكون في جوز هند بالموضوع لإني زهقتو صراحه , كل شي هون بجوز هند  إفتتت!!!!

وبعديها بدنا نطلع نمشي عالشط قبل ما تحمي الشمس وقبل ما الناس تبدا تيجي , بنلعب شوية رياضه , نشاط لبقية اليوم يعني  ….

سوار : والله يا عزيزتي أتوقع إنو اضلي طول اليوم على آخ وإيخ , ايدي بتوجعني ورجلي مشدوده …

أنا : يييي علينا لازم النكد بعني , هو صحيح إلنا  فتره ما لعبنا رياضه بس بنتعود مو مشكله هو أول يوم بس   ….

ويا ستي بعديها بنرجع عالبيت بنعمللنا فنجـــان قهوه مرتب على كيف كيفك  وبنقعد عالبرنده  المطله عالبحر نقرأ الجريده……ييييي ولييي معجون السنان نشف بتمي استني استني هسا باجي ..

سوار : ما أنا كنت قاعده بالمحل عالرف مااحلاني إه إه إه شو اللي خلاكي تصيحي لما شفتيني وتقولي يييي ما أزكاها كربوووجه و رحت اشتريتيني …شو هالمجننه اللي أنا فيها

أنا :  المسا بنروح عال …..ييييييييي وليييي صارت الساعه 7 اتأخرت عالدوام ….كله منك….شو بدي أحكيلهم هلأ ؟!!!

سوار : قوليلهم الحقيقة …

أنا : أي حقيقة ؟!!

سوار : إنك كنت معي على الجزيره ولعبل ما شربنا القهوه …

أنا : شو مجنونه انتي شي ؟!!!!

سوار :هههههههه  والله ما أنا عارفه مين المجنون أنا ولا انتي !!!!!

أنا :  هششششش  ….

سوار: آآآي  ليه ضربتيني بالمخده .

أنا : لإنو طبـــعا ً انتي اللي المجنونه🙂

p.s : its a story from my imagination :-)

About orangee

Soo simple girl , always spreading smiles around the world :) soo optimistic about her life ;)

Posted on August 14, 2010, in my writings :-). Bookmark the permalink. 6 Comments.

  1. Haitham Al-Sheeshany

    حصريا ً آه
    لووول

    أكيد من المخيلة؟😉

  2. هههههه يشهد علي ربي إنها من صماصيم خيالي آه والله ….:))
    يا ريت عند شباكي ليمونه🙂 بس سوار حقيقة موجوده : https://orangee.wordpress.com/2008/05/28/meet-the-new-member/

  3. القصة جميلة ولكن سؤال قد يكون غبي
    ما دخلها بمواليد برج الحوت🙂

  4. بالعكس سؤال ذكي ومنطقي ….:)
    يعرف برج الحوت بأنه خيالي وحالم جدا يعيش أحيانا في عالمه الخاص ^_^
    أظن هيك وصلت🙂

  5. اه هيك وصلت الفكرة🙂
    بس لا تصدقي كل شيء عن برج الحوت
    خذيها من حوت قديم🙂

  6. ههههه حوت مقلع يعني :))))

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: