بــاي بــاي لوجع الرجلين

أكم واحد فينا رجع من شغله مش قادر يوقف على رجلــيه؟!!! قديش مرات بنمشي مسافات طويله ?!! بنوقف بالشغل فترات طويله ؟!!!أو حتى بنقعد ساعات طويله ورا مكتب ؟!!!

غالبية الوظائف بتتطلب الوقوف او المشي أو الجلوس  لفترات طويله جدا  وهادا كله إله مضاعفات عالمدى البعيد أكيد ….أولها ظهور الدوالي خاصة عند البنات وبالأخص اللي عندهم تاريخ بالعيله بهادا الشي ، ومنها أيضا ً الجلطات بالرجلين كمان …..

ما بتكفي المي والملح بآخر اليوم ولا رفع الرجلين بعد الدوام  بل لا بد من شيء يحمينا عالمدى البعيد …

الإشي اللي خلاني أكتب اليوم وأنصح الكل هو إني قبل كمن يوم فتحنا سيره مع صحباتي بالدوام عن وجع الرجلين وتفاجأت إنو أغلب زميلاتي بلشوا يعانوا من ظهور دوالي برجليهم  مع إنو عمرهم بعدو صغير !!!

صاحبتي راحت استشارت دكتور عنا بالمستشفى وحكالها هدول لسه بأولهم ولازم تلبسي جرابات طبية بروحوا شوي شوي البسيهم  بالشغل وبالبيت كمان .

فقررت أكتب بالموضوع مشان أنصح الشباب والصبايا ، أنا والحمد لله من أول يوم إلي دوام وانا بلبس الجرابات لطبية وياما حكيت للبنات عنهم بس ما حدا كان يرد علي بحجة إنو بشوبوا وأبصر شو وبتكاسلوا ….

ما بتتخيلوا أديش مريحين عنجد ، يعني ممكن اضل واقف طول اليوم على رجليك وتروح وكإنك ولا وقفت هداك اليوم صدقا ً ، وكإنه إشي سحري سبحان الله !!!! هلأ مو كل الأنواع زي بعض  وكل واحد برتاح على إشي بس النوع المجرب الجيد هو من ماركة  OPPO   class 2  compression 20 mmHg  شوي شوي ببتعودوا عليهم وبصيروا تلبسوهم بالسوق بالبيت وحتى بالنوم بالليل ….بيجوا بألوان مختلفه وبأطوال مختلفه حسب الرغبه ….

أول شي أعطيته لأمي لما راحت عمره هو الجرابات هاي  ،  انبسطت عليهم وقالت والله ولا حسيت كإني كنت أمشي لولاهم كنت تعبت …..:-)

جربوهم وراح تدعولي كتيير كتيير🙂

About orangee

Soo simple girl , always spreading smiles around the world :) soo optimistic about her life ;)

Posted on August 25, 2010, in Nursing. Bookmark the permalink. 4 Comments.

  1. 🙂
    أنا معي سكري و في منو كمان رجالي
    لوول
    بس بصراحة ما بستخدمهم!

  2. نعم أخي هيثم عرفت مسبقاً من مقالاتك هذا ، سلامتك إن شا الله وما على قلبك شر ….بس الجرابات مناسبين كمان لمتل حالاتك ما في مشكله بل العكس ( قال يعني طب خاوا بدك تلبس ههههههه ) <—– ترا أنا ما بعرفش حدن ( مو حدا لووول ) من الشركه الصانعه لا من قريب ولا من بعيد ولا بعرف حدن بسوق للإشي هادا هـــا مشان يعني ما تفكروا هيك ولا هيك أستغفر الله ههههههه هو بس بدي أكسب فيكم أجر إن شا الله والله على ما أقول شهيد 🙂

  3. وانا بدي اكسب اجر بما اعرفه
    يعني هلا احنا بموسم الحمضيات برتقال وليمون
    في لب البرتقال الابيض واللي الناس بيرموه يوجد مركب هيسبردين هادا بحسن اداء الاوعية الدموية يعني حماية وبعطيها مرونة

    بفضل انو تشتروا برتقال شموطي لبه كتير وطعمه جيد
    وعادي تعودوا توكلو ا اللب
    االليمون اقل بس كمان فيه هذا المركب وتعودت من زمان اضل اكل اللب
    جربوا ولا يهون عليكم
    صحتين ههههههههه

  4. والله الفوائد هاي رائعه عنجد سبحان الله كل شي إله فايده …حتى سمعت الليمون بعد ما تعصروه افركوا فيه ايديكم بعطيها ملمس ناعم جدا

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: