راحـــت علــيه


اللي ما جرب متعة القراءة

واللي ما قلّب بحياته صفحات كتاب ، كتب ملاحظات ، حط علامات وخطط على كتاب

للأسف بدأت عندي الهواية على كبر …. بتمنى لو كان مين يشد على إيدي وانا صغيره  وياخدني معه على المكتبه ، إن شا الله راح أحاول أحبب أولادي مستقبلا على القراءة  وأخليهم  يعيشوا بين رفوف الكتب لحظــات فيها سحـر خــاص وغامض  ، يتخيلوا إنو في كتاب سحري لازم يكون في كل مكتبه مخبي بالرفوف  هو إجى ولا ما إجى لسا ما حدا بعرف الله أعلم بس إذا التقى الكتاب وفتحوا هادا الكتاب القديم  راح يطلعلهم  غبار وطلع سحري مضيء بتناثر من الصفحات  :-))))   ، كل كتاب وهو على الرف بحكي معهم وبأشرلهم هيني أنا هون اقرأني طيب بلاش بس  شوفني :-)  راح يكونو مجنونين وخيالين كتيير بعرف ههههه  بس الأطفال بحبوا يعيشوا بالخيال على ما أظن وبتحمسوا للموضوع ….

أكتر متعه إنو تروح لمكتبه قديمه  كتيير ، هيك الكتب فيها بكونو كلهم غبره وبتقضيها تعطس بين الرفوف وأصابيعك بالآخر بقلبوا لونهم أسود …:) وما حدا بسأل فيك وبراقبك مشان السرقات فبتاخد راحتك عالآخر وإذا كان معك ناس يتجول معك بالمكتبه أحسن وأحسن بسليك ويا الله شو محظوظ لو كان من القرّاء والمثقفين  بفيدك كتير لإنو أحيانا الواحد بحتار بالكتب وعن إيش كل كتاب بحكي بالمجمل .

اليوم اتذكرت إنو كان عنا بإربد من زمان مكتبه معروفه ما في غيرها كان بالزمنات  اسمها دار الأمل ( تابعه لدار النشر ، دار  الأمل ) ، من فتره كنت أروح على مكتبه  تانية  بس هيك جديده وما فيها تنويع ، فقررت أروح لدار الأمل اليوم .

من التحضيرات السابقه  إنو لازم تلبس / تلبسي إشي مو عليه القيمه نهائيا ً ، مو يعني مبهدل لأ ، بس إشي راح يتغبر عالأكيد وحيتبهدل أوي أوي🙂 و يفضل أن يكون كمان مرافق لك بالجوله مشان تجرجروا بين الرفوف هاد لا مش هاد ، آآآه وك  هادا بدور عليه من زمان :-))

رحت لحالي اليوم  ، بس استمتعت حقيقة بالكتب القديمه والتفتيش ما بين الرفوف🙂 وسمعتلكم خبريه إنو في كمان مكتبه قديمه كتير بالسوق عنا بس البحث جاري عليها إن شا الله .

بس الإشي اللي لازم نتنبهله إنو مو كل إشي بنقرىء  ندخلوا لراسنا ، أحيانا ً نحتاج لأن نقلب الفكره المقصوده من الكتاب والجمل والأفكار المطروحه براسنا ونفكر هل  أنا مقتنع فيها ولا لأ ، وأحياناً أخرى قد لا تناسبنا فكرة الكتاب أبدا ً مثلا ً ، ولكن الإشي الأكيد إنو القراءة تؤثر عليك على المدى البعيد فتصبح قارىء جيد مثقف  لكل شيء حتى بالحياة فالقراءة توسع الآفاق وتنمى التفكير الإيجابي.

About orangee

Soo simple girl , always spreading smiles around the world :) soo optimistic about her life ;)

Posted on September 15, 2010, in daily events. Bookmark the permalink. 5 Comments.

  1. Reading is fun as well as informative! Enjoy reading many more books to come Hedaya.

  2. yes indeed adam ….:-) i will enshalah tnx😉

  3. Reading is simply utterly gr8! An instant vacation + conversation🙂

    H.

  4. اعز مكان في الدنيا سرج سابح..وخير جليس في الزمان كتاب

    وهل هنالك شيء أفضل من الكتاب كرفيق وجليس في الكون كله
    القراءة متعة لا تدانيها متعة بالنسبة لي، فالقراءة رحلة جميلة بين صفحات الكتب، فنقطف من كل بستان زهرة لنزرعها في عقلنا ووجداننا

    سوف تجدي كشك في ميدان الساعة فيه بعض الكتب الجميلة ، وايضا عند اشارة شارع الحصن هنالك اكثر من مكتبة بجانب العلاونة

    للأسف فقدت القراءة قيمتها عند هذه الأجيال وأحتل البلاي ستيشن والعاب الكمبيوتر والجوال جلً تفكيرهم

  5. ميدان الساعه رحت إله نعم بس ما اطلعت مزبوط عالكتب لإنو كنت مستعجله شوي وبدور على كتاب محدد بس الختيار صاحب الكتب بحكي كتير والله ^_^

    نعم شفتهم اللي بشراع الحصن كمان قدام شوي🙂

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: