طــيب لــيش بصير معنا هيك ؟

السؤال هادا كلــنا بنسأله لحالنا ، وطول عمرنا بندور له على جواب

السؤال هو

.

.

.

.

ليش كل ما بنيجي نصــلي بمجرد ما قلنا الله أكبر ، بنبلش نستحضركل التفاصيل الممله وبيجي عبالنا هادا الشي وهداك الشي

يا سبحــان الله!!!!

حبكـــت يعني بالصلاة ؟؟ بالصلاة يا ربي

ما هيني بقعد على التلفزيون ، على البرنده  …..ما بتيجيني كل هالأفكار والتفاصيل اليومية إلا بالصلاة ….لـــــيش؟!!!

لا شك إنو أكيد الشيطــان الله يعدمني إياه هو السبب ،  بلعب فينا مشان يلهينــا عن الصلاة وما نخشع فيها ….هادا شي أكيد …

لكــن إحنا إلنا دور بهادا الشي ولا لأ  ؟!!

يعني بنقدر نخفف من الشرود اللي بصير بالصلاة ونخشع أكتر ؟!!

أكـــيد بنقدر …

كيف ؟!!!

عجبني الدكتور أمجد قورشه بإعطاءه تفسير مبسط وحل للموضوع …

د. أمجد شبه العقل متل الكمبيوتر فيه ملفات …على قد ما بتعبي هالكمبيوتر اللي هو راسك ملفات على قد ما ببلش الشيطان يفتح هالملفات واحد واحد صفحه صفحه وإنت بتصلي …

بتحضر أو بتحضري أفلام و مسلسلات كتييير؟!!!

مبروووك إذا صلاتكم كلها راح تكون ملفات الفيلم او المسلسل

طاشّين طول نهاركم مع صحابكم  صاحباتكم بالمطاعم والكافيه؟!!!

فإذاً كل المواقف والقعدات كلها راح تسترجعوها بالصلاة

مو مخلي بنت من شرك ما صاحبتها ؟!!! ما خليتي شب إلا صاحبتيه ؟!!

كله كله بفتحه الشيطان وبذكرك فيه بصلاتك

شو بتعبي مخك بأثر عليك ….

أنا ما بقول إنو الواحد يفضي باله لإنو هادا مستحيل  مع الشغل وضغط الحياه  اليومي …بس إعرف شو بتخزن ملفات براسك لإنو كله بتلاقيه بعدين سواء بصلاتك بحياتك حتى ب آخرتك لإنو من شب على شيء شاب عليه .

في أسباب كتييره كمان لعدم الخشوع منها عدم استحضار الرهبه والخضوع بالوقوف أمام الله سبحانه وتعالى ….عدم التفقه في معاني الآيات أو مناسبه نزولها وبالتالي عدم  استشعار وعيش الموقف الذي نزلت من أجله الآيه  .

اللهم ارزقنا الخشوع والخضوع بين يديك  أميــــن يا رب العالمين

للإطلاع  على موقع د. أمجد قورشه ....بصراحــه الموقع حلو ومنوع أول مره بفتح عليه🙂

About orangee

Soo simple girl , always spreading smiles around the world :) soo optimistic about her life ;)

Posted on September 19, 2010, in religious. Bookmark the permalink. 5 Comments.

  1. تشبيه رائع ومنطقي جدا

    جميل جدا اسلوب الدكتور امجد قورشا بتوصيل المعلومه
    انا شخصيا بحب اسلوبه كتير

  2. نعم أسلوبه رائع ومبتكر دائماً …..:-) الله يوفقه ويفتح عليه ….

  3. Haitham Al-Sheeshany

    hello
    u have been tagged🙂
    http://haithamalsheeshany.wordpress.com/2010/09/24/%D8%B5%D9%84%D8%A7%D8%A9-%D8%A8%D9%84%D8%A7-%D8%B1%D9%88%D8%AD%D8%9F/

    *Dr. quorsha is gr8 indeed, how bwt u insert a link to his page on yr post?🙂

  4. tnx for the tag …o 3ala 7sabak kol el mawadee3🙂
    i will add a link enshalah why not🙂

  1. Pingback: صلاة بلا روح!؟ « Observations of a tired sOul.

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: