أزكـــى شاورمـــا بالعالــم كله

كنت بجمعة صبايا  زميلاتي بالدوام  ، طلبنا غدا جاهز وكان في بنت عنا عامله شاورما  بيتــية ….وهوووووووب  كــل البنـــات تركــو الأكــل الجاهز اللي طلبوه ونزلوا بالشاورمــا !!!! يا جماعه شو في ما تاكلوا من الأكل مـين بدو ياكل كل هاد اللي طالبينه  !!!! مديت إيدي وأكلت منها … ممممممم  ما بتتخيلوا الطعم :))) فوق الخيالي ….عنجد إشي بشهي كتـــير زاكية …جبتلكم الطريقة بالتفصيل الممل لووول وعملتها اليوم بس اترجيتهم  إنو يخلولي أكمن قطعه لأصورهم  بس ههههه

المقادير : صدور دجاج أبيض ( العدد حسب الأشخاص ، انا عملت أربع صدور كفوا  لأربع أشخاص ) ، بهارات شاورما ( جاهزه بعلب من السوبر ماركت ) ، ملح وفلفل أسود ، ثوم مدقوق ، هيل مطحون ، زيت زيتون ،  ، دبس رمان ، لبن زبادي ، مــاجي .

الطريقه : نقطع صدور الدجاج لشرائح لا كتيير رفيعه ولا خميله ، نتبلها بكل المقادير التانية بس بنكتر لبن بحيث يكون الدجاج مغمور منيح باللبن ، نتركه ينتقع باللبن أكبر فتره ممكنه يعني ساعتين تلاته بكون أحسن مشان يتبّل الدجاج منيح .

بعد ما ينتقع كمن ساعه نرفع قطع الدجاج على مقلاي كبيره غميقه  عالنار وبنحاول لما نرفع قطع الدجاج نصفيها شوي من اللبن ، يعني ما نحط بالمقلاية كل اللبن والمرقه نكتفي بس باللي على قطع الدجاج بس ، نغطي على المقلاية ونتركها على نار هادية لحد ما يستوي الدجاج ، يعني تقريبا على عدد القطع تاعتي أخد نص ساعه  . بعد ما نرفع قطع الدجاج بالشوكه والسكين منقطع القطع لقطع أصغر رفيعه ( بتتقطع معكم بسرعه لإنو الدجاج مستوي ودايب ) بعديها بنّدخل المقلاية نفسها عالفرن ونحمر القطع لتاخد لون الذهبي شوي …..

هلأ بنكون محضرين مايونيز وعاملين شوية بطاطا مقلية ومقطعين شرائح مخلل وعنا كمان خبز الشراك ، كل رغيف كبير مقسوم لنصين …

بنجيب نص الرغيف وبنبلس نحشي من الطرف المدور الخارجي ، بنحط طبقة مايونيز ثم دجاج ثم بطاطا ومخلل ( ونصيحة لا تحشو دجاج كتيير أحسن لإنها بعدين بتطلع القطع دبدوبه هههه ) وبنبلش نلف الخبزه ونغلق الأطراف للداخل ….قبل ما يقدم للأكل ،  بنفس المقلاية نحمر القطع من كلا الوجهين بس على شرط الضغط عليهم وأنا حطيت مسحة زبدة لورباك على المقلاية بتطلع الحبة أزكى ومو ناشفه من برا ولونها بلمع وبشهي  ….وألف صحه وهنا يا رب🙂  خبروني إذا حدا جربها …

About orangee

Soo simple girl , always spreading smiles around the world :) soo optimistic about her life ;)

Posted on November 10, 2010, in recipe. Bookmark the permalink. 10 Comments.

  1. صحتين

    بيتية ما في مشكلة
    بس .. و لكن … و من هذا المنبر … أنا
    هيثم الأول أعلن أن شراء شاورما من أي مكان هو ضرب من الجنون!!!

    ماااااااااشي!

    *أنا شفت أكثر من محل و طريقة الصنع/التكوين المقرفة!

    H.

  2. هههههه هيثم الأول قلتلي آآآه ….:))))) والله معك حق كتيير ناس قالولي إنتي ما بتعرفي كيف بتنعمل وإيش بحطوا فيها أصلا …..يعووووو
    أنا سمعت كيف لو شفت زيك !!!!!

  3. هيك دخلتوا على شغلتي بالزمان الغابر
    نعم كنت احضر الشاورما وبالغالب بلحم الخروف
    طريقتكم سهلة لكن لي اعتراض على بعض البنود
    من اهم الاضافات هو نقع اللحم او صدور الدجاج بالخل والتوابل الخل ضروري لشيئين
    الاول انه يخرج بقايا الدم من اللحم يعني بالمعنى الطبي hemolysis
    لوووول الثانية الخل يعمل على ارتخاء اللحوم بحيث تصبح لينة
    نقع اللحم بالخل والبهار لو كان 8 ساعات بكون رائع الخل المستعمل هو 5%يعني مو كتير وبالعادة بيستعملو خل العنب او التفاح
    تسفيط اللحم يحتاج الى شوية لية
    وبحالة القلي او التشلوع بينحط شوي بحيث لما يتحمص بيعطي نكهه
    القلي او الشوي مش لازم يكون كتير يعني شي 10 دقائق حتى لا تنشف اللحوم

    طريقة وضع اللبن هي مو ضرورية يعني احيانا بتغير بالطعم لانه مشتقات الحليب يفضل استعمالها بالاشياء الحلوة والا بهي الطريقة رح يكون شاورما بطعم المنسف هههههههههههه هيك رائيي

    صحتين وعافية على كل حال

  4. i am going to try this recipe! ma3a debes reman akid btotla3 delicious!
    They dont sell nice shawermas hon b London, so shawerma baytiya is the way to go!

    Thanks, am adding it to my endless box of recipes!

  5. حكيك صحيح مية المية بالنسبه للخل …نعم نقع اللحوم وحتى الخضراوات بالخل أيضا يقتل البكتيريا ويطهرها إحنا بنعمل هيك للحمة والخضراوات …..بس على ما أظن إنو اللبن بطري اللحمة بهاي الوصفه واللبن المستخدم لبن الزبادي ، بالعكس ما ببين طعمها بالمره ، الطريقة تاعتي ما بنظاف عليها زيت أو شي وبعديها بتنشوي أو بتتحمر بالفرن يعني مو قلي مية المية زي طريقتك …:-) بالعربي يعني وصفتي أزكى وأحـــلى وأسهل ما تحاول هـــــا هههههه :)))
    أنا زمـــان ما كنت أحب اللية بالمرة ولهلأ ما بحبها ولا باكلها بس مرة اكلت ناس قلاية بندورة حاطين مع الزيت شوية لية ذايبة ، طعمها طلع كتيير زاكي نكهت القلاية بطعم كتيير زاكي …
    شكرا أستاذ سامي عالمعلومات القيمة والنصائح🙂

  6. girl from the inn , yesss exactly debbs el romman raw33a 🙂 o fee nas sme3et kaman 7a66o soya sauce beseer kaman😉
    mmmm ma32ool b Lebanon mafee ?!! walahee momken mo mash-horeen feha ….. U r WeLcOmEd girl keep visiting …;)

  7. يا عمي وصفتك احسن مش مشكلة ههههههههه
    بس بحب دايما اتدخل بشؤونكم بالمطبخ
    خلينا ندخل شوي بالعلوم ولا تهوني 🙂

    lactic acid كنت اعد دراسة عن تاثير لاكتيك اسيد على اللحوم
    الفكرة انو اللبن بالذات الحامض يحتوي على نسبة بدائية من حامض اللاكتيك وهذا له خاصية استرخاء الالياف اللحمية
    tenderizer
    يعني كما قلتي 3 -4 ساعات معقولة واحيانا ينقع بالثلاجة لثاني يوم بتكون توب التوب

    طريقة استرخاء اللحوم في طريقة كويسة واسهل وتبقي الطعم دون تغيير بس هذه بدها مستحضر حقيقي الموجود في السوق هو مستخلص البابايا وانزيم البروتييز بس هذا بشكل البودرة ما برغبه لانو غير صحي
    الاصل نقع اللحم بعصير البابايا لفترة فعلا جيد للستيك بس بشرط انه الشخص بيحب البابايا وثانيا شوي مكلف اذا عرفنا انه البابايا عندنا سعرها مرتفع وغير موجودة بكل الاوقات

    شو رايكم :))))

  8. هو أنــــا بقول طال عمرك انظل عاللبن بكون أحسن …هيو أبو أحمد الدكنجي مالو ؟!!! زلمه محترم و عندو رايب على كيف كيفك………ههههههه :))

  9. ههههههههههههه على قولتك بس يكون لبناتو رايقات مو محمظات

  10. لا لا زاكيــات مو محمظـــات …………هههههههههههه :))))

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: