شخصيتان لا أحبهما في آدم

هناك الكثير من الصفات التي لا يتفق فيها البشر عادة فعندما أحب أنا مثلا صفة مـــا يجد غيري هذه الصفة بالذات  من أسوء الصفات والعكس صحيح ….

من بين الشخصيات التي لا أحبها أبدا بل وأكره صاحبها هي آدم الذي ينظر للعلاقة ما بين أي ذكر وأنثى على أنها  علاقة تميزها وجود جهة مسيطره وأخرى خاضعه لها  ، منظوره  للعلاقات الإنسانية لا يتعدى  دائره مغلقه  تربى فيها وأشبع بأفكار مختله و بوجود  إحدى الجهات الطاغية والمسيطره سواء كانت الأم أم الأب  بشكل أمال  إحدى الدفات و أدى إلى اختلال واضح  ما بين دفتي الميزان. وغالباً ما نرى ونشاهد في حياتنا الكثير من هذه النماذج المريضه وفي الأغلب الرجل هو من يكون المسيطر والمرأة هي الخاضعه نظرا لتربية الأجيال في كثير من العائلات على مبدأ الذكورية وفقط .

قد غفل صديقنا هنا على أن مبدأ أي علاقة إنسانية ما بين ذكر أو أنثى على هذه الأرض  هو مبدأ التفاهم والحب والإحترام وعلى أن أساس الحياة الطبيعية والسليمه ما بين ذكر وأنثى ليست السعي وراء إما الفوز أو الخساره ، وإثبات خسارة الطرف الآخر وضعفه لا ….بل هو السعي وراء إكمال الطرف الآخر والفوز معه معـاً  للوصول إلى بر الأمان وبأن الطريق هي هي طريق واحده لا ثاني لها ،وبأن فوزي هو فوزك وبأن خسارتي هي خسارتك  وبأن الجسد جسد واحد لروحين اثنين .

خلصنــا هلأ من الحكي الفلسفي مو ؟!!! هههههه المهم هلأ نيجي عالمهم …..كيف بدنا نعرف آدم الذي ذكرته فوق بالحياة اليومية ؟!!! هل ببان الشخص وطريقة تفكيره هيك بدون مقدمات ؟؟!!

ببساطه أول شي ممكن يبان فيها النوعية هاي من آدم هي عندما يبحث فيها عن حواء شريكة حياته …كيف ؟!!!

بسيـــطه جدا بتقدري تعرفيها عزيزتي من خلال الموصفات المطلوبه بعروستنا  المستقبلية ، أولاً : يفضل إنها تكون أصغرمنه بكتير ( ومش شرط كل واحد شرّط نفس الشي يكون نفس التفكير لأ طبعاً ) ، ثانياً : يفضل لو إنها تكون زي ما بقولو ورده مغمضه ، كيف يعني ؟! يعني لو مو متعلمه مو مشكله أو لو متعلمه ما بتعرف شي غير المحاضره والبيت والبيت والمحاضره ، شخصيتها خجوله جدا جدا وبوجهها مسحه من البراءه الساذجه اللي بتكون مايله على شوية هبل ، ما بتعرف شي بالحياة عموما ، ما راحت ولا إجت وإذ راحت وإجت بكون مع أهلها ، ما عندها صاحبات كتيير وما بتعرف تروح من هون لهون بدون ما حدا من عيلتها ياخدها وعلى الأغلب أخوها وإذا بتعرف تروح وتيجي راح تصير ممنوعه من الطلعه والفوته كتيير مستقبلا . يعني ببساطه النوعية هاي من آدم بتحب تكون هي المسيطره وبس وعنده الزوجه كدمية بلعب فيها وبتحكم فيها زي ما بدو ، وعلى فكره كونو على يقين بان قوة الرجل هنا تأتي من ضعف المرأة ، يعني هو ممكن يكون أســد ببيته بس برا البيت أرنب ….

الشخصية الثانية : هي شخصية آدم اللي لما تقعد معاه بكون كل همو الحيــــاة فقط وكيف يبسط حاله فيها ، بالعربي بتـــاع كيف زي ما بقولو …

وين بدنا نروح وين بدنا نسافر؟؟!

شو بدنا نوكل اليوم وبأي مطعم ؟؟!

شو آخر فيلم وشو آخر صرعه ؟!

ببساطه تـــافه ساذج ما عندو هدف بالحياة ، لما تيجي تسأله شو أهدافك بالحياة ؟؟ شو مخطط لقدام بحياتك ؟؟ بضل صافن على صفنته وما عنده جواب …عنجد بكرههم هدول الناس اللي عايشين والسلام هيك فعلا كغثـــاء السيل زي ما حكى رسولنا الكريم عليه الصلاة والسلام ، ما بقول إنو الناس ما تنبسط بحياتها وتكون كلها شيوخ بس كمان الواحد بكون شي بهالمجتمع يا أخي حتى الزبال إلو هدف في الحياه …مو القصة بالشهادات لأ بس كون واحد إلك قيمه في المجتمع ، اتذكر إنو بالوقت اللي إنت قاعد مضيع كل حياتك عالمسخره في ناس عم تبني من حالها وتطلع .

About orangee

Soo simple girl , always spreading smiles around the world :) soo optimistic about her life ;)

Posted on December 22, 2010, in kashkol. Bookmark the permalink. 5 Comments.

  1. روعه …روعه …روعه

    أبدعت في هذا المقال يا orangee

  2. شكرا …شكرا …شكرا
    كيف بالله يا أستاذ أشرف ؟!!!! والله أنا نفسي ما عرفت حالي🙂 هههه
    هو بصراحه في عندي مواهــب بس مخبية شوي ، بس لحد مبارح قررت أكتب شي مفيد بهالمدونه وطلعت معي هالكلمات الكبيره ….:-)

  3. Haitham Al-Sheeshany

    إنت كيف تسمحي لنفسك تكشفينا! هااااااااااااااااا
    لوول

    كلام دقيق و تشخيص متقن و الله

    قال تفاهم قال! و مالها الوردة المغمضة؟ المهم شطورة بالمطبخ و الباقس مو مهم! “بتخوث طبعا ً”

    *عندك ثلج بالمدونة! :]

    هـ

  4. ههههههههه هاي ال : هااااااااااا بحكيها كنوش ( الببغا تاعنا) بحكي كتير أشياء وبعدين آخر شي بختمها بقول هــاااااااا🙂
    لا لا تتخوث خود راحتك عادي المطبخ مهم كمان مش غلط ….لوووووول بعدين إنت كيف بتسمح لحالك إنو ما تلاحظ إنو مدونتي إلها شهر بتثلج هـااااااااااااااا؟؟؟؟!!!!!!!!!

  5. Haitham Al-Sheeshany

    أنا شبه-ببغاء
    ×_×

    شكرا ً

    لوووول

    أنا جهازي بالشغل مريض! و ما اتفرمت إلا قبل فترة

    الثلوج ما كانت تبين عندي🙂

    go go مطبخ

    :]😀

    H.

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: