هل سأحشر يوم القيامه معه؟؟!

قبل كل شي ولتوضيح الصورة فقط ….أنا سخسياً بكره التعلق ببني آدم على وجه الأرض من ممثلين ومغنيين وإني أكون فان  إلهم وبجمع صورهم و و و  لإنها بجد سخافة وناس تتسم بالتفاهة والسخافة وقلة العقل ….

نيجي لموظوعي هلأ انا مو من هدول أكيد بس في شغله والله مضايقتني  شوي ….يا أخي لما أشوف هالبني آدم بصير قلبي يرقص فجأة وبصير أنطنط من الفرحه ولما يقولو بالتلفزيون  كمان شوي بدو يبلش الفيلم اللي فيو


johnny depp

قلبي بطير من محله ….بحب لبسه الغريب وغموضه  ، تصرفاته الغريبه كمان،  جنونه بكل أدواره ، يمكن الجنون اللي عجبني أكتر شي :)….آخر فلم من كمن أسبوع حضرته إله كان مع أنجيلينا لما جبته عنجد قبل ما أشغله ركضت عالمطبخ أجيب عصير ومبسووووووطه جد وبضحك وبنطنط وأنا راكضه ….مجنونه أنـــا بعرف🙂

يحشر المرء مع من أحب يوم القيامه…بس عالأكيد مش ححبوا أكتر من محمد عليه الصلاة والسلام لإنو قلبي وعينيّ ببكوا لما يسمعوا سيرة حبيبي محمد شوقا وحبا للقائه ….فاطمنوا بقى🙂

مرات بحس حالي بكتب مواظيع غريبه شوي🙂 ولا شو رأيكم ؟!!!

تحديث : تم تغيير موقع الBooksshelf  لموقع جديد :

my-booksshelf.blogspot.com

عنجد البلوج سبوت كتيير أحلى من الوورد برس وإمكانية التحكم بكل ما في المدونة والتنسيق رهيبة وممتعة أكثر ….

عذرا من كل من علّق على المدونة القديمة وسيتم نقل التعليقات إن شاء الله

About orangee

Soo simple girl , always spreading smiles around the world :) soo optimistic about her life ;)

Posted on March 13, 2011, in :D. Bookmark the permalink. 13 Comments.

  1. ما غريب الا الشيطان!

    و بعدين كل ما افتح البلوج تبعك بتنطلي الموسيقى فجأة و بخف عقلي ! و بعدين يعني! كانت فيروز و كنا مشيينها الك بس انا ما بحب جوليا بطرس!

  2. ههههههههههههه🙂 الله يسامحك عاد أنا بالذات منقيتها إشي هادي جدا مشان ما تنقزوا لما يفتح البلوج ……:) لوووووول
    خلينا نشوف تصويت الجماهير :
    هل أنت مع إنو الموسيقى تشتغل بشكل أوتوماتيكي بالمدونه عند فتحها ؟؟!
    أ) نعم
    ب) لا
    ج) مش فارقه
    د) وحياة اللي خالقك ما أنا مفارقك
    ه) بفكر بالموضوع وبردلك جواب
    و) حسب الموسيقى وهادي أنا حبيتها كتيير والله إنك مزوءة يا بنت
    ن) حسب الموسيقى وهادي انا ما حبيتها بنوب بنوب
    ل) حالياً لا جواب عندي إلك بخليها بقلبي ويقول :
    قلبي يا كتاكت كول هوا وظلك ساكت 🙂

    ههههههههههههههههههههههه🙂

  3. لووووووووووول بالنسبة لرقم 9

    بس لا عن جد ما في مشكلة بس انها تكون لفيروز و غير فيروز لأ

  4. ههههههههه هاي أول التصويتات
    هاي الجملة طول نهارهم بالشغل الشباب عنا بحكوها جنوني فيها لوووووول🙂

  5. اول شي انا احسن من جوني ديب واخلى منو🙂
    تاني شي هو مطنش العالم 🙂

    والله لا يحشرنا لا مع جوني ولا قذافي تنينهم لبسهم غريب ههههه
    الاغنية هي بتنفع المساء في الصباح ما بنسجم معها 🙂
    بصوت على -د +و
    شيء محيرني انو ايمتا بتشتغيل وانتى بتوقف يعني سؤال صريحي ههههههههه

  6. مممم أحلى منه ؟!!! والله هاي بقدرش أحكم فيها🙂
    مهو التطنيش هادا اللي حلو ما بهمو المظاهر ولا الناس وحكيها المهم هو مبسوط وهيك مرتاح والعالم صفر على الشمال …..

    هاي تصويت رقم اتنين إجى🙂 الله يخليك بعرف إنو زوئي حلوكتير يعنى هلأ شووووو؟!! ألغى هادي الموسيقى وأخليها بتشتغل بس تكبسوا عليها بس مو تلقائي ؟؟!!
    لااااااااااااااااااااااااااااااااااا لااااااااااااااااااااااا كمان الصرايحه لاحقيني هووون :”( مشان الله ….

  7. ههههههههههههههه انو تطنيش يا بنت الناس
    مهو انتو بتنطنطوا فرح وهو باخر واد🙂
    ان شالله يكون مبسوط وان شالله نكون اكتر
    صراحة المقطع التاني والتالت من الاغنية جيدة
    بس ممكن اعرف شو مناسبة اختيار الاغنية؟؟؟؟؟
    بس ما يكون السبب صريحي ههههههههههه
    دعائي الله يحفظك🙂

  8. معلش معلش مو مشكله هو بس متقل حاله شوي علينا🙂
    أي أغنية بالضبط ؟؟؟هههههههه عندك أربع أغاني🙂 على يمين الشاشه فوق ….فين السؤال ؟؟؟ انا أحط إيدي عالسؤال تلاقيني فريرررررررررررررره

  9. انا اساسا بس شفت صورته اجيت على طول عالمدونه🙂

    هلأ هو مش حب و اعجاب و هالقصص الطرمه, بس الشب مختلف وهاد الاشي اللي بشد فيه

    موضوع الاغنيه اول ما تشتغل البلوج و بيني وبينك…فااااااااااااا ما بحبها :$
    خصوصا اني دااااااااااااااائما بنقز و بصير طالعه نازلة ادور من وين اطفيها
    و يا حبيبي عالصرعه بالليل😦

  10. انا منو شايف غير جوليا باربع بنود قلنا اثنين وثلاثي
    مو شاطر كثير بالبرامج
    المسا منيحة قوي المقطوعتين بس الصبح لا
    يا ريت تكون معزوفة صباحي ومعزوفة مسائي كل شي ولا جاكسون الاردن هادا اللي بسموه العبدلات كل اغانيه حرب وجيش وبيرق هههههههههه بخلي الواحد بمعركة بسملنا بدنا :((
    قصدي اغنية هادئة:)
    انا بعني اغنية رقم ثلاثة :))
    شو سرها ؟؟؟؟؟؟ :))))))))))
    تنشوف ازا كان الواحد بمزاج فريرررررررررررررررررة :))))))))))))

  11. ويسبر …….يا عيني عليكي جبتيها من قصيرها ….هي هاااااااااااااي —-> مختـــلف ….:) وأنا بحب المختلف بالهبل بالجنون بالغرابة بالغموض !!!!
    تم ايقاف التشغيل التلقائي لتشغلوها بس لما يجي على بالكم🙂 بتكرمي ولوووو :****

    سامي ,
    مزاجي كان فريررررررررررررررررة بس بالدوام هههههههه 🙂 كنت بالدوام مشان هيك تأخرت بالردود شوي …..
    أنا أمووووت وأفهم شو قصة القصة اللي الناس عاملينها على أغنية أنا مش إلك !!!!!!!
    حتى البنات بالدوام لما سمعوها على موبايلي سألوني نفس السؤال : شو القصة ؟!!
    يا الله !!! يعني لازم يكون في قصة بالموضوع دايما …..
    بتقولك الأغنية أنا مش إلك بقفص صغير بدك إياني كون ……
    أنا بدي طير وجناحاتي تكون عوسع الفلك ….
    انا مش إلك ولا قلبي إلك …..أنا مش إلك
    فيها شي الكلمات هاي ؟!! أكيد غير إنو تؤيد العزوبية إحم إحم ههههه🙂

  12. خلي فهمي على قدي يا ستي:) اللي فهماه
    انو واحد لزقة :)))))))))
    وعم بتقول حل عني🙂 تنشوف الحكي والبقية
    مين قلك راح تبقى عقلبي ملك
    ما تتعب و تشقى
    انا مش الك
    نطرت تندهلي من وسع الفضا
    و تنسيني اهلي
    و العمر اللي مضى
    لا صوتك شغلني
    و لا قلبي امتلك
    لا بقى تسالني
    انا مش الك
    و لا راح باسالك
    ههههههههههههه

  13. ههههههه لا لزقه ولا شي ……ما في شي من هاد ….لازم الواحد إذا حب أغنية يعني تكون بتعبر عن واقع إله ?!! مو شرط أبدا🙂
    انا بحب الأغاني الحزاينيه شوي بس أنا بطبعي مرحه وسعيده بحياتي الحمد لله ….بس خيالي واسع كتيير هيك إحنا جماعة الحوت ممكن كتيير ندّخل حالنا بجو الاغنية ونعيش معاها بروحنا وهي لا تمت للواقع بصلة🙂 خياليين احنا شوي🙂

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: