تضامن تدويني في ذكرى الطفلة جود

كانت من المفروض أنو تكون هون بينّا هلأ بتلعب وبتضحك بين أبوها وأمها بس للأسف مشيئة رب العالمين كانت هي وفاة الطفلة جود بعيار ناري طائش وهي تحتفل بعيد ميلادها الأول لما قرر أبوها وأمها إنو ياخدوها يشترولها أواعي جديدة بهالمناسبه …..لمتى بدنا نضلنــا هيك ؟ متى الناس بده تتربى وتتعلم ؟؟!! الله أكبر !!! الواحد بعتبر من كتر  القصص اللي سمعها  ، انا برأيي اللي بطخطخ بالأعراس والمناسبات هو انسان جاهل ومتخلف ورجعي جدا لإنو الفرح مو هيك أبدا !!!

من فترة لما طلعت نتائج التوجيهي إجتنا حاله على قسم العناية الحثيثة العامة ليلة النتائج  لشـــب ناجح توجيهي في حالة وفاة سريريا ً لإنو في إحدى المعازيم بسهرة النجاح فرحــان كتيير وبلش طخ بالهوا على أساس إنو بالهوا ولكــــن للأسف إجو كل العيارات براس الشب هادا الله يرحمه وانطفت شمعته ليلة فرحته😦   عنجد لمتى بدنا انضل أمة متخلفة ؟!!!

ما فكر اللي بطخ إنو وين بدها تروح هالطلقات اللي بالهوا ؟!! ما عرف إنو بدها تنزل عالأرض بالنهاية و بسرعة أكبر من سرعة صعودها حسب قوانين الفيزياء لوجود الجاذبية الأرضية  !!!!

يا أمة محمد بكفى والله صرعتونـــا وذبحتونـــا وذبحتوا أعز النــاس والحبايب !!!

يا أخي ليش ما يتم تخصيص شرطة مخصوص لهادا الموضوع مهمتها فقط الإتجاه لأماكن اطلاق العيارات واعتقال هدول الناس !!!

للعلم فقط : كتير من الناس بتدعي على الناس اللي بطخطخ  وبتحكي الله لا يباركلكم و و و  لإنهم أقلقوا راحة مريض أو روعوا طفل صغير !!! فخلي الناس  تدعيلكم بالبركة والتوفيق بدل  ما تدعي عليكم .

مقالات أخرى :

Whisper

chasing pavement

Naysan

الحياة

yosef

About orangee

Soo simple girl , always spreading smiles around the world :) soo optimistic about her life ;)

Posted on March 23, 2011, in daily events. Bookmark the permalink. 4 Comments.

  1. الله يرحمها و يصبّر اهلها
    شكرا لوضع الروابط
    وتدوينتك انضافت هون مع باقي التدوينات عن الموضوع

  2. مصيبتنا انه كل واحد فينا بفكر حاله شاطر و فهلوي ، بس تيجي تناقشه بهاد الموضوع بحكيلك ، لأ هذول بعرفوش يستخدمو السلاح بس انا خبير! و بعرف وين بطخ

    هالحكي احكي لربنا يوم القيامة

  3. آآمين ويسبر آآمين …..شكرا إلك
    إن شا الله يكون الواحد ساهم بشي مفيد….

    وحل …..آآخر شي ممكن تفكر فيه الناس إنو المصايب ممكن تصير معها …دايما الناس بتفكر إنو القصص هاي ما بتصير معها بس مع الناس التانية ….الله يبعد عنا الشر ويحمي كل حبايبنا وأهلنا بس الواحد بتوخى الحذر

  4. شيء غريب بهالامة😦
    لا اعرف اذا كان الازعاج يطرب الناس ؟؟؟؟؟؟؟
    او ان الفرح يحتاج لجو حربي؟؟؟؟؟؟ظظ
    اطلاق الرصاص خلق للقتل فلا ادري اي ثقافة تبيحه في الافراح ؟ :((
    لا تخرج من ذاكرتي وانا صغير عندما انقتل العريس وهو على اللوج😦
    ووضعوا القاتل بالسجن
    وابو العريس كمان حتى لا ينتقم هيك كان زمان 😦
    واللي كان بالدبكة ومعاه رشاش وسقط على الارض وطبعا ظلوا يرش رجلين الناس ب 25 طلقة😦
    ولا بالعريس بليلة الدخلة قال بطلق رصاص وبديش افصل العادة المخجلة :((((
    اطلق 5 رصاصات طبعا خزقت المزاريب اللي في السقف🙂
    ولا بجارنا اللي اطلق الرصاص فقطع اسلاك الكهربا فوق روسنا
    ولا بالمدعو جريبيع قال بجرب بالفرد فقتل جارنا😦
    قصص كتيرة وانا شاهد عيان على هالمجازر خلاص لازم يرجعو للسيوف لانو ما عاد فينا نتحمل

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: