هون وهناك

اليوم عملت إشي زاكي كتيير🙂 أخدت الوصفة من هون …وطلعت لزيزة وضفتلها من عندي شوكليت شيبس( حبوب الشكولاته )  الطريقة  كالآتي :

المكونات : كوب طحين ، كوب زيت ، كوب حليب , كوب سكر ، بيضتين ، فانيلا ، ملعقتين كبيرتين من الكاكاو ، ملعقة صغيرة بكم باودر

الطريقة : نخلط الزيت والحليب والسكر والكاكاو  مع بعض بالخلاط …وناخد كوب من الخليط ونخليه على جنب

نضيف للباقي البيض والفانيلا ونخفق جيدا ….ثم نضيف لهذه المكونات الطحين والبكم باودر ونخفق ….نضع الخليط في قوالب الكب كيك ونوزع في الأكواب الشوكليت شيبس ….25 دقيقة بفرن متوسط الحرارة ….الكوب اللي خليناه على جنب بنوزعه على الكيك وهو … ساخن فبعطيه لمعه وطراوة كتيير🙂 واللي بميز الوصفة هاي إنو الكيك بضل طري كتيير حتى تاني يوم .

♥ ♥ ♥ ♥ ♥ ♥ ♥ ♥ ♥ ♥ ♥ ♥

وداعـــاً فصل الشتاء🙂

( ايدون – اربد  )


هاي المنطقه تبعد خمس دقائق فقط عن بيتنا بحبها كتيير كلها خضار وأفق واسع بتريح العين والبال بحب أقعد فيها ومرات بنسحب حالنا جمعة بنات بنفرد حصيرة وبناخد لوازم الرحله وبنقعد بدل ما نقعد بمطعم تغيير جو🙂 لازم الواحد يريح نظره من فترة والتانية من اكتظاظ المدينة  وبالصيف بنروح عليها  نطير طيارة مع أخوي الصغير

وأهلا بفصل الصيف🙂 فصل الرحلات والخضار والأزهار وقعدات الروءآن

سد وادي العرب  شمال الاردن  أي والله القعده كانت بترد الروح

بحيرة جامعة العلوم والتكنولوجيا الاردنية …بالصيف بكون في بط كتيير بسبح فيها

♥ ♥ ♥ ♥ ♥ ♥ ♥ ♥ ♥ ♥ ♥

أهو ده هو عشقي …بحب ترتيب الطاولة وقت العزايم واختراع أشياء بتنحط عالطاولة هو صحيح مو إشي فخم بس أكيد أنيق وأهم شي بسيط🙂

(بيتنا باربد)

♥ ♥ ♥ ♥ ♥ ♥ ♥ ♥ ♥ ♥ ♥

أكتر شي بنرفزني الأسلاك بالبيت …..بموت بس أشوف الأسلاك مشلبكه ببعض  سواء بالدرج أو ورا التلفزيون ….زمان كنت أجيب لزيق ألف  السلك وألزقه بس مع الوقت بصير يضل بواقي اللزيق على السلك بضايق لما تمسكه  لذلك لقيت حل ألا وهووووووووو المطاط

♥ ♥ ♥ ♥ ♥ ♥ ♥ ♥ ♥ ♥ ♥

وتمهيدا للرحيل بالصيف إلى عمان وتوديع اربد حبيبتي😦  تم استئجار شقة مؤقتا لنقل الأغراض وهادا تختي الجديد وفاجأوني إنو جايبنلي حاف أورانج🙂

وتركو البيت كله وما لقو إلا طاولة الكوي يحطوها عندي على أساس بحب الكوي كتييير🙂

شووو هاد مو حاطين برادي ؟!! يا عيبهم

ههههههه  …آآه مو حاطين لإنو الشقه بعدها جديده🙂

تفضلوا معانا ؟!! غدا عزايبة …أنا وأختي لحالنا ….سلطة جرجير , طــن ، خبيزه ( مو مبينه )   وعلى فكره اللحظه اللي كنا قاعدين فيها كانت لحظه تنحي مبارك عن الحكم  :)

♥ ♥ ♥ ♥ ♥ ♥ ♥ ♥ ♥ ♥ ♥

هيك لما بتكون هداك اليوم فاضي بالدوام بتطلع معاك ابداعات ماشاء الله🙂

but really aren’t they😉 ?!

About orangee

Soo simple girl , always spreading smiles around the world :) soo optimistic about her life ;)

Posted on March 27, 2011, in daily events, recipe. Bookmark the permalink. 22 Comments.

  1. مممممممممم معدّلة🙂
    لا تنسي حصتي بنت العم🙂
    ورح اقيم العمل بصفتي شيف حلويات 🙂

  2. بدي اسال ترتيب الطاولة في الصورة ببيتكم؟؟؟؟
    ==========================
    ازا هيك غدا العزابية لعاد كيف الغدا الاسري؟؟؟؟؟؟؟؟؟
    مش معقول:)

  3. يعني هو مو كتيير كتيير معدّله …بس ماشي الحال🙂 شوية دفش ورص ذان بمشي الحال ….هههههه
    شف حلويات؟!! جديده هاي ههههههه معناتو لازم تورجينا مهاراتك🙂

    نعم السفرة ببيتنا ( تاعون الصحون الحمر) ….
    ههههههه لازم أسميه بوست الفظايح لوووووووول
    يعني إذا الطن وشوية السطات والخبيزه مو غذا عزابية شو ظللهم هالمساكين يتغدوا عليه هههههههه

  4. شكرا على صور اربد الرائعه. فعلا اربد جميله جدا بالربيع. وكمان سلطة جرجير وخبيزه يا سلام

  5. يا حرامك من الله!

    أول بوست بقرأه عالصبح و يطلع كل أطايب طعام + إربد😥

    الرحمة
    😀

  6. اسلوب رائع ومشوق ويشد الاذهان ومرغب واسلوب متدرج بسرد الوقائع
    برغم جمال لبنان وروعته الا اني صرت مفكر اعمل سفر الى اربد وبرغم اني اسافر كل سنه الى الاردن الى الكاردنز ولكن لم اجد الشي المميز الكثر
    على كل حال بدي اجرب واشوف هل هذه مجرد من سرد الخيال او هو واقع
    ههههههههههههههههه
    اتمنالك كل توفيق اورانج وان تكون كل حياتك جماليات وتجدد دائم

  7. شوفي! سيبينا من كل هالحكي ! في كل البوست هناك ثلاث كلمات جوهرية و بس!!

    اولا البطاطا المشوية اه ه ه ه بس

    ثانيا الخبيزة ا ه ه ه ه كمان ! و اذا كان معها شطة انسي الموضوع

    ثالثا !! الاسلاك ! كيف لو تشوفي شو في عندي اسلاك ؟ راح تظلي يومين تحطي عليهم مطاط!! احيانا بس يلزمني سلك و ابلش ادور عليه بلاقي طرفو الاول و طرفو الثاني و بيناتهم الف مليون سلك تاني مربطين ببعض ، بس هاد بكفي المهم الطرفين مبينات!!!

  8. الحلويات بكل تاكيد من اختراعنا يا ست اورانجي🙂
    بحب اذكرك انو الكنافة ياللي بسموها (نابلسية) او من وضعها بنابلس واحد اسمه عبود اباظة وهي مستوحاة من حلويات اسطنبولية ولكن وضع عليها شيء من الابداع بالجبن البلدي بتعرفي هالشي بنت العم ؟؟ 🙂
    مش حابب اجبلك تفاصيل عن اسماء محلات الحلويات المشهورة بعمان ودمشق رح تتفاجئي اولهم حبيبة🙂 بضل سر معي🙂
    بس بكل تاكيد ذوقك بالترتيب بدل عن حضارة خاصة وابداع يا ريت تكمليلنا السفرة🙂 :))

  9. Jarrad ,
    أهلا وسهلا🙂 شكرا إلك كتيير ……تفضل معنا عالغدا

    هيثم , بتستاهل هههههه حدا قلك تيجي جاي ….:)

    عبدالله
    “اسلوب رائع ومشوق ويشد الاذهان ومرغب واسلوب متدرج بسرد الوقائع”
    واااااااااااال كل هادا ؟!! والله و أنا بقرأ بقول مييين ؟!! مين هادا اللي أسلوبه هيك ههههههه يا سيدي شكرا إلك كلك زوء
    هلأ هاي الصور ولا شي عنجد …لسه في مناظر يا لطيف عنجد بتفكر حالك جنة عالأرض إن شا الله ببقى لما نطلع رحلات راح أصورلكم ….وراح أضيف كمن صورة فوق هلأ….اربد في شمال الأردن وتبعد ساعة عن عمان فقط ……عمان والجاردنز كما تفضلت مدينة ككل المدن قد أخفى الزحف العمراني والسكاني أي ملامح طبيعية إلها من خضار ومناظر خلابه ….ما بتشوف هيك أشياء إلا لتبعد شوي عن عمان وبالأرياف ….لازم تشوفلك شي دليل سياحي لياخدك على هيك أماكن حلوه🙂 بتشرفنا دايما بالأردن ….:)
    وأهلا وسهلا نورت والله بأهل لبنان ….:) طبعا ما ببنسى كمان إنو لبنان لا يعلى عليها بالمناظر الخلابة والطبيعه الخضرا معروفين انتو ولووو🙂

  10. w7l ,
    لأ بديش أسيبك من كل الحكي ولمين كتبتو أنا هااااااااااااا
    ::واحد معصب::
    ههههههههه
    يا سيدي سهله ولعلك فحمتين وهوي شوي عليهم وبغضون دقائق البطاطا بتكون جاهزه …على علمي إنت بمنطقة ريفية حاليا🙂 وهادا المطلوب لووول اعملك قعده ورا المركز شغل قعده باليل بالوقت اللي ما بكون فيه مراجعين🙂
    ويا سيدي اتكاسلت ؟؟ مو مشكله تفضل علينا جاي أهلا وسهلا .:)
    ههههههه وليييي معناتو ما أشوفهم بكون أحسن🙂 هههههههه جد حتى بالشغل عندي هاي العاده , يعني المريض اللي بكون ماسكته إذا الاسلاك ورا التخت مكركبه بعرفش أشتغل لازم هيك شوي أرتبهم🙂

    سامي بيك .,
    هاي المعلومه بعرفها آآه إنو الكنافة أصلها شركسي بس هات عاد النوابلسه يقتنعو ههههههههه مره بالشغل اتخانقنا على هالشغله🙂
    ولووو حبيبة عنّا باربد كيف ما بدي اعرفو ؟؟!! بس ما بحب حلوياته بنوووب كلها سمنه ودسم …….
    شكرا إلك كلك زوووء🙂 والمرو الجاي بنجيب سفرة مجهزه عالمزبوط🙂

  11. نعم نعم نعم !!!! شو يا خوي انت و إياها ؟ الكنافة اصلها شركسي ؟! طب يلا من هون ما بدي اشوف ولا واحد بالبلوج و الا بقلب صدر كنافة نابلسية بالجبنة و القطر اللي بشروط على كل الموجودين !!! اخ على وقية كنافة
    شكلي بتوحم اليوم أنا
    بس على فكرة مين قلك انه ما بنعملها؟ اخر مرة شوينا بطاطا و ما شاء الله عليها طعمها قبل الشوي نفس بعد الشوي ! الله وكيلك أكلناها نية

  12. هاهاهاهااااااااااااي عنجد انا هسا حاليا متخيله الردح لووووول زي ردح المصاروه بالتأشير والتشبير بالإيدين هههههه
    شوف انا ما إلي علاقة منك لدار أباظه بتصطفلوا أصلاتن هما اللي اخترعوها هسا بيجيك أستاذنا القدير سامي وبقنعك ههه🙂 إن شا الله بس ما تجلب طوشه لووول
    شووو بتتوحم ؟؟!! نقول مبروك يعني ؟! ههههههههههه
    يا حبيبي عليكو مو عارف تشو شوية بطاطات …..أنا أصلاتن اللي قمت بالنار من أولها لآخرها وبس ما حدا يقرب كله بيجيكو جاهز قهوة شاي نسكافيه عالفحم …:)

  13. من وين ويلا من وين بدي ابدا؟؟؟
    يعني مبدئيا الكب كيك بدي يطلع النهار علشان اعمله ان شاء الله و بفرجيكي النتائج🙂
    انا لعبتي الحلويات🙂

    البطاطا المشويه بنخليها ليوم الجمعه و من اليوم ليومها ببدا الح عرحله
    اربد…..نفسي ازور اربد :$
    كتير سمعت عن الخضار هناك انه بجنن والجو بكون نقي و نظيف

    ترتيب السفره تخصصي بالبيت🙂 انا برضه بحب اعمل حركات و توزيعات و اشكال بالنابكنز🙂

    خبيزه….تونه…..انسي موضوعي , مليش مصلحه

    المطاط…كنك بتفربي لماما شي!!! …ماما بتكره الاسلاك و كلهم حاطه عليهم مطاط🙂
    شو كمان…..شو كمان
    اه…البنات البنات اجمل الكائنات على رأي مميتي 🙂

    مبروك عالبيت الجديد و مدام صرتي بعمان اذا لازم نتلاقى ويلا انتي عندك رأي تانيO_o
    وبس🙂

  14. حدا قالك تيجي جاي!
    😦

    ماشي ماشي

    هذا قبل ما تلتقي مع ويسبر و صرت هيك شريرة ! كيف لما تلتقوا

    :يا ويييييييلي:

  15. وسبوووووره ……..
    يلا بنستنى النتائج هااااااااااا🙂
    عنجد إذا نويتي وبدك تيجي على اربد خبريني بلكن التقينا🙂 ياااااي من هلأ متحمسه🙂 لووووووووول
    الخضار جد بجنن ما بدها تنين يحكوا فيها انتي تعالي بس وشوفي بعيونك
    …….
    ههههههههه فاجأتيني إنو امك زيي لوووووووول بالله تسلميله عليها وتحكيلها أورانجي تحييكي جدا وأحلى بوسه على خدها :******
    لازم تورجينا السفر لكان احنا بالحكي أبنفعش معانا هااااا🙂
    لازم نلتقي ليش لأ إذا الله راد بشرفني🙂 :*****

    هيثم , بث خلاث🙂 لثه ما ثفت إثي ……..ههههه لووول

  16. LOVE the post+the pictures+the recipe!!!LOL

  17. tnx😀 :***
    I always loved your style & your posts too….and alot😉 :**

  18. Home sweet home🙂

  19. mu3az , 😀
    enshalah you will come soon :***

  20. قرأت البوست يمكن خمس مرات
    وتفرجت على الصور أكتر من مره بكل تدقيق وتمعين وتمحيص

    البساطه بأناقه أحلى من مليون تعقيد وتعقيد ويلي حكيتي عنو بيحكي عن كل واحد فينا وموجود بحياة كتير ناس مننا

    مش عارفه ليه في ناس كتير بتستحي من كتير تفاصيل بحياتها مع إنها عامه وإلها طعم وسحر خاص في حياة كل بني آدم

    كتير حلوين الصور وكتابتك وشرحك وخصوصا الشكاليطات الكيكات الزغيرات يلي بأول البوست
    مش طبيعي
    وسؤال زغير
    الكريما إنت عملتيها ولا رش
    بتعرفيهم علب الرش؟
    حد بيعرف علب الرش تاعت الكريما؟؟
    حاسه حالي زي يونس شلبي وهوه بحكي لأمه ” وحتلفي وتقولي أريد حلاً” لوول

  21. شكرا إلك نورنياتي عيونك الحلوه🙂
    ما فهمت عليكي بالنسبه للناس اللي بتستحي ؟!!! قصدك في ناس ممكن تستحي من إنها عايشه حياة عادية بسيطه ؟؟
    الكريما أنا عملتها ويب كريم ……….هههههههههه ضحكتيني على آخر مقطع :))) لوووووول

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: