العباي ولا الجلباب؟!!

إلي مدة عم بفكر بالحجاب بشكل عام !!! من أي ناحية ؟!!

من ناحية إنو الأصل بالحجاب إنو لا يشف ولا يصف و و و  …..مزبوط ؟!

مزبوط تمام التمام ….طيب يصف وفهمناها ولبسنا إشي ما بخايل🙂 بس اللي لا يصف معناتها

إنو لا يفصل معالم الجسم !!!مزبوط ؟ آآه مزبوط بس كيف يعني ؟؟!

يعني إنو ما يبين على البنت تفاصيل جسمها أو كسمها خلينا نكون دقيقين …مزبوط ؟!!

كنت بفكر إنو الجلباب اللي بنلبسوا صح ولا لأ ؟!! على أساس إنو شو ما كان الجلباب واسع فهو بالنهاية إلا يبين شوي كيف كسم البنت صح كلامي ولا لأ ؟!!! إذا إلكم رأي تاني احكولي!!!!

وخاصة البنات مع الوقت اللي بتتجوز واللي بتحمل وبتخلف وبتنصح وبصير الجلباب جاي عليها لزق شوي مو زي لما كانت صبية ….

ففكرت وفكرت …..للقيت الحـــــــــــــــــــل🙂

الحل يا إما إنو الواحد يفصل شي لباس يكون فضفاض جد ومو شرط يكون جلباب لإنو زي ما الكل بعرف إنو ربنا ما حدد لباس معين للمرأة بالإسلام ولكن حدد صفات للباسها  ولإنو  انتشر عنا مفهوم الجلباب كانتشار مفهوم العباي بالخليج ,  ففضّلوا الصبايا الملتزمين  لبس الجلباب ليتميزوا عن حجاب الموضة اليومين هدول بلباسهم ….

الحل التاني إنو العباي برأيي كتير أحسن من الجلباب ، طبعا ما بحكي عن عبايات الخرز المخصّر والملزق ، بحكي عن العباي العادية السودا والساده  الواسعه اللي بس تلبسها البنت بتكون فضفاضه ومو مكسمه بالمره ولإنو لونها كمان بكون أسود فما بتبين أي تفاصيل  …

فقررت فخامتي أنا أورنجي الأول   التحويل من الجلابيب  للعبايات ابتداءا من الصيفية هاي للأسباب أعلاه🙂 وهدانا الله وإياكم لكل ما يحبه ويرضاه …لذا اقتضى التنويه والسلام عليكم ورحمة الله وبركاته …..:)

About orangee

Soo simple girl , always spreading smiles around the world :) soo optimistic about her life ;)

Posted on April 6, 2011, in religious. Bookmark the permalink. 18 Comments.

  1. الكلام كام ينطبق على الرجال على فكرة.
    فعليا اللبس الضيق اللي الشباب صايرين يلبسوه يعتبر لبس واصف. مرات ممكن الواحد يعرف أبو الشباب رايح أي جهة من كثر ما هو ضيق😐
    ولا واحد لابس كذا وهو يصلي قدامي، ولمن يسجد أشوف وادي … منظر مقزز

    بالتوفيق ليكي

  2. الأخ العزيز عبدالله …..أهلا وسهلا فيك زمان ما بينت🙂 عسى أمورك بخير ؟!! ألقيت نظرة على مدونتك ما شاء الله متنوعه🙂 زمان كانت مدونتك تتعلق بأمور الدراسه ومجال دراستك على ما أذكر أما الآن فلمست إختلاف بالمضمون وتنوع جميل ورائع ….بالتوفيق إن شاء الله
    كلامك سليم 100% فالأيام هذي صاروا الشباب يعجبوا باللبس كمان وشيء مخزي لا حول ولا قوة إلا بالله …..الله يهدي جميع بنات وشباب المسلمين ويهدينا جميعا آمين يا رب العالمين …..مشكور على التعليق والمرور🙂

  3. أنا شبه متابه، كل تدويناتك تصل إلي لكن لا أرد إلا حين أرى أني أستطيع المشاركة.
    مدونتي متنوعة بطيبيعة الحال منذ فترة، لكن قد تكوني زرتيها في لحظة انشغالي بمشاريعي الجامعية أو معاناتي الدراسية. ولا أكثر تصنيف عندي في الزيارات، هو الطبخ!
    نتطلع لزيارتك…

  4. اخيرا لقيت مدونة في عالم النت زيي بتليس جلباب🙂
    عالعموم أنا بلبس العباي بالصيف والجلباب للشتا.. بسيطة !.

  5. الله يسعدك و يهديكي و يهدينا و يأجرك كل خير و يقربك من رب العباد اكثر

    نفسي البس جلباب :$
    انا بلبس تنانير و واسع لبسي ان شاء الله بس نفسي البس جلباب و الي اكثر من سنه بهالتردد ….خطوه كبيره حاسستها نفسي اعملها بس خايفه 😦
    بدي اكون مقتنعه 100 % لاني مستحيل بعد ما امشي خطوه لقدام ارجع فيها
    بعرف ان الجلباب افضل دينيا وما بناقش فيه ومش ضروري اكون مقتنعه بعرف بس….😦
    ادعولي

  6. اعتقد أني ضعت هون !!! شو الفرق بين العباي و الجلباب ؟ مش نفس الشي ؟

  7. مرحبا اورانجي
    ألا يوجد عبايات بلون برتقالي ؟
    (:
    جلباب ام عباءة أم أي لباس آخر ، المهم أن يكون جميلا وأنيقا، أعتقد ان العباءة (ومع أن بعض موديلات العباءات جميل جدا ، خاصة عندما يكون قوام من ترتديه جميلا، وبصراحة تكون هناك مشكلة اذا كانت من ترتدها بدينة) القضية هنا هو التأثير الخليجي في هذا الموضوع، لست بالطبع ضد الخلجيين ولكن ثقافة اللباس عندهم ، أعني اللون الأبيض وما يعنيه هذا اللون من الصفاء والنقاء وهو لباس الرجال ، وبالمقابل أن تختفي المرأة كلية بالسواد، وهو لون العباءة ، هو اختفاء بكل معنى الكلمة ، وقد تسرب هذا اللباس الى منطقتنا كما تسربت أفكار خليجية أخرى أعتقد انها منغلقة وخاصة فيما يتعلق بالمراة
    اما الجلباب ، فلا أدري لم يعتقد البعض (رجالا ونساءا) أنه في الإسلام يجب أن يظهر الرجل في زينته أي في اجمل ما يمكن ، أما المرأة فعليها أن تظهر في أبشع ما يمكن ، وهذا ما نجده للأسف في جلابيب غير مرتبة ، غير أنيقة، غير جميلة ، ألوانها كئيبة، ألا يمكن ان تتحقق المعادلة في جلباب أنيق مع القواعد الشرعية؟
    أنا أحب الإحتشام بطبعي واكره الإبتذال والعري باللباس ، لكن بنفس الوقت أحب الألوان ، وخروج المراة للدراسة والعمل جعلها تحب التغيير باللباس تحب التغيير بالألوان ، تحب الأناقة والجمال ، وتنفر أن تحشر بملابس منفرة بحجة ان الدين يريدها بعيدة عن كل زينة!!!
    عذرا للإطالة
    ماجدة

  8. فعلا ً إنك عايشة بالعصور الظلامية!
    إه

    خخخخخخخخخخخخخخخ


    الله يكثر من أمثالك🙂

  9. ما عم توصلني التعليقات الجديده فهالتعليق لاعادة المشاركه🙂

  10. شكرا لكل من علق على البوست ….راح أرد عليكم واحد واحد
    راس راس
    شخص شخص
    بني آدم بني آدم
    من المحيط إلى الخليج ههههههه

  11. عبدالله كونش …..أنا بشكرك على متابعتك جدا وكلامك على فكرة صحيح لإنو آخر مرة زرت المدونة كانت فترة دراستك بالجامعة ….إن شاء الله لي زيارات ومشاركات قريبا وبشرفني قراءة مواضيعك وخاصة خاصة الطبخ ههههه لنشوف شو في عندك🙂

    الكيل بمكيالين …..هههههههههه ضحكتيني جد لوووووول🙂 يا حرام ليكون إلك من زمان بدوري على جماعة الجلابيب هههههه يا ستي وصلتي🙂 أهلا وسهلا يا الله هي عرفنا إنك كمان بتلبسي جلابيب

    ويسبر حبيبتي
    الله يهدينا وإياكم دايما ….بتعرفي سمعت كتير إنو هادا التبرير تبع لما أكون مقتنعه وخايفه أتراجع لما ألبسوا بكون دائما تلبيس إبليس يعني بفوتلك ابليس من باب إنو إنتي لو ما كنتي مقتنعه وتراجعتي راح اضري بالدين وسمعته فالأحسن الواحد يفوت وهو مقتنع …..
    كوني على يقين إنو هاي كلها تلبيس إبليس للعباد ….الله راح بفتخها عليكي بمجرد ما تقربتيله ….
    عن أنس بن مالك رضي الله عنه عن النبي صلى الله عليه وسلم فيما يرويه عن ربه عز وجل، قال: ((إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) رواه البخاري.
    الله يهدينا جميعا ويحبب إلينا الإيمان دائما🙂
    وحل …..ألطم أنـــــــــــــــــــــــــــا ؟؟!!!!!
    بتحكي جد يا باشا |؟؟!!
    الجلباب :

    العباي :

    الجلباب على الغالب بكون ماخد شكل الجسم أما العباي (العباءة ) بتكون واسعه بس في الموديلات الجديدة الأيام هاي بتكون ضيقة وماخده شكل الجسم ….بس على الأغلب العبايات دايما بتكون واسعه وفضفاضه أكتر من الجلباب ( رأيي الخاص )🙂

  12. ماجده هانم ….:)
    ويلكم باك فيكي🙂
    تخيلي عباي أورانج هههههههههههه
    النقطة الأولى : أنا أتفق معك بشو ما كان اللباس لازم يكون مرتب وجميل بس ما يكون كتير ملفت بحيث اللي مارق بيطلع وبلفته ……
    النقطة الثانية : مفهوم اقتصار لبس الرجل بالخليج على اللون الأبيض فقط برأيي بلش يتغير شوي وصرنا نشوف دشاديش بألوان كمان وما بعرف هل مفهوم اللون الأبيض للرجل والأسود للمرأة تفسيره متل ما حكيتي ولا لأ؟؟!! هل فعلا اقتصار لبس المرأة للون الأسود بمنطفة الخليج هو اجحاف بحقها ؟!!! طيب ليش ما يكون تكريم إلها مثلا ؟؟!!!بإنو اللون الأسود من بين كل الألوان لا !!!!يشف ولا يصف شو ما كانت درجته……ليش حسيت من كلامك إنو تسرب فكرة العباي لمجتمعاتنا هو شيء سيء وكإنو العباي حملت معها كمان أفكار خليجية منغلقة وجحفه بحق المرأة !!!! أنا بشوف العكس ما في شي سيء من ورا لبس العباءة من قبل الصبايا العربيات الغير خليجيات ولم تتغير فيهم أي أفكار ولا مبادىء ولم يكتسبوا أس فكر منغلق ….
    لأناقة والرتابه مفهومها يختلف من شخص لآخر …..فمن ناحيتي مو مهم الجلباب يكون ملون ومزركش ليكون مرتب …ممكن يكون جلباب لونه أي لون معتدل عادي ويكون بسيط ومو معجق يكون بالنسبه إلي أنا جلباب أنيق و مرتب ….
    بينما في ناس بشوفو الجلباب الأسود أو البني أو البيج مثلا جلباب دقه قديمة وأولد فاشن وليكون مرتب لازمه شوية ألوان و شوية خرز ومخصر ( حسب رأيهم ) فالشغلة هاي نسبية بين الناس …..
    الدين ما حشر المرأة بلباس !!!! أعطاها قواعد عامة تمشي عليها ومن ضمنها عدم التزين أكيد سواء مكياج أو كثرة لبس الألوان الملفته الأصفر والأخضر والأحمر و و و …..المرأة بحد ذاتها ملفته بالشارع …..وكله هادا تكريم للمرأة وحفاظا عليها لإنها كاللؤلؤة مصونه محفوظه …..تطلع المرأة وتشتغل وتكون أنيقه ومرتبه بس كله ضمن حدود واعتدال ….
    شكرا على التعليق والمرور الجميل🙂

  13. هيثم ……عصور ظلامية والله يكثر من أمثالك ؟؟!!! ارسالك على بر هههههههه
    ثانك يو ثانك يو🙂

  14. أنا اللي بدي الطم !!! نفس الشي !؟!؟ ما فرقو عن بعض !!!

  15. هههههههههه …….مو نفس الشي نو🙂 العباي فضفاضه أكتر وبعدين لونها بيجي أسود فقط لذلك مو ممكن إنها تخايل أو تاخد شكل الجسم …..في فرق أكيد🙂

  16. همممم

    عمو محل بدو قرصة ذان :ppppp

    شفت عباية هيام الأولى؟

    “آه، عم بجرجر رجلك لمدونتي و مشان هيك ما حطيت لينك … روحي بحبشي”
    :]]]

    شو صار بالدراسة ببريطانيا؟

  17. على فكره انا خربطت بالتعليق بالكتابه …..
    الجمله هي : عصور ظلامية ولا الله يكثر من أمثالك ؟؟!!! ارسالك على بر
    ووين العباي آآآآآآآآآآه ؟؟؟ رحت وما شفت عباي🙂 شفت بنوته حلوه كتير ما شا الله
    بالنسبه للدراسه : عيـــّن خير إن شا الله🙂

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: