ثلاثية ليلـــية

 (مياه العقبة )

 

بنصاص الليالي إجتني هالثلاث أفكار ^_^

بتمنى من كل الناس إنو دائما لا يحكموا على أي شيء أو شخص إلا ليسمعوا من الطرفين معا ً لإنو كتير من المرات بننصدم في لحظة من اللحظات إنو ممكن نكون ظلمنا ناس لإنو ما سمعنالهم أبدا..وعدم اصدار الأحكام العامة على فئة من الأشخاص بمعية ناس تانية ، ياما أزهرت  وردة مفتحه بوسط مستنقع وحل ، فرجاءاً  لا نحكم على الناس بسرعة وننظر للامور من الجهتين ….

                                      ______________ 

طول عمري بقول إنو الإنترنت دائما عالم وهمي غير حقيقي ….بنتعرف على ناس وبنقرأ لناس كتابات وممكن نكون عنهم صورة وحتى نرسم بخيالنا صورة إلهم وممكن توصل المواصيل في بعض الناس إنهم يحبوا عن طريق النت وبالنهاية للأسف بنصدموا إنو الواقع يختلف 100 % وإنو التصور اللي كان  بكون غير صحيح تماما ، لذلك لا تثق أبدا بالنت ولا تحكم على شخص أيضا عن طريق النت  إنما واجه الواقع وقابل الطرف الآخر حقيقيا على أرض الواقع لتعرف من هو….

                                     ______________

كل يوم بنشوف صور القتل والذبح لإخوانا في سوريا والله إشي لايصدقه العقل يا جماعة !!!!مناظر فظيعه جدا زي الخرفان عم بذّبحوا ….الله  ينصرهم على الطغاة  ما إلنا  إلا الدعاء إلهم الله يحميهم وينصرهم ….الله يهد كل ظالم الله يعجّل بدمارهم وسقوطهم هالطغاة المستبدين …والله شيء بحزن إنو على بعد كمن كيلو متر من حدود درعـــا نحن كلنا بنأكل وبنشرب وبنضحك وإخواننا بتقتلوا  وبموتوا من الجوع لكن ما باليد حيلة إلا الدعاء لهم

😦

About orangee

Soo simple girl , always spreading smiles around the world :) soo optimistic about her life ;)

Posted on May 11, 2011, in daily events. Bookmark the permalink. 9 Comments.

  1. الفكرة الاولى….صحيحه 100% لان بالعاده اللي بحكي بدو يحكي القصه من وجهة نظره واللي بكون فيها هو اللي على حق و هو المظلوم هاد اذا كان صادق وما غير الحقائق

    الفكرة الثانيه…. انا تعرفت على بعض البنات من المدونات و للحق الكل كان نفس الصورة اللي تخيلتها واللي بتحسيها بس تقرأي مدوناتهم, ممكن اللقاءات البسيطه هاي مش كفايه لتحدد و لكن الانطباع الاول بالعاده بكون صحيح
    ولكن
    شاءت الاقدار اني اتعرف على اشخاص تانيين عن طريق النت طلعو عكس ما بظهرو تماما , فانا معك ان الشخص يكون كتير حذر و يستنى الواقع ليتأكد لان في كتير ناس ما ببينو حقيقتهم كلها و بحبو يظهرو الجانب اللي الناس بتحب تشوفة و بس

    الفكرة الثالة.. اللهم امين
    ربنا يفرجها عليهم جميعا و يخلصهم و يخلصنا من طواغي هالعصر عن قريب و يحقن دماء المسلمين

  2. أفكار ليلية عميقة🙂

    إصدار الأحكام جزافا ً سهل! و عواقبه وخيمة

    و بالنسبة لعالم النت فأعتقد أن الانطباعات “أحيانا ً ” تكون صحيحة عن الأشخاص!

    الله مع المظلومين في سوريا و كل مكان

  3. مساء الخير

    الاولى
    هي المفتاح لكي تكوْن وجهة نظر متكاملة

    الثانيّة
    على الاقل اللي بنعرفهم على النت وممكن نكتشف انهم غير ما اعتقدناه حين نلقاهم اسهل بكثير ممن نعيش معهم عمرا ونكتشف اننا لا نعرفهم ولم نكن يوما نعرفهم على حقيقتهم

    الثالثة
    من زمان حفظونا هالدرس
    اللهم نفسي
    ومن يومتها واحنا حاطين راسنا في التراب كما النعام

    دمتِ بخير

  4. الفكرة الأولى
    لا أحد يحكي عن زيته عكر
    دائماً كل شخص يخفي جزء من الحقيقة ليحفظ ماء وجهه أمام الناس

    الفكرة الثانية
    العلاقات على النت له عدة أوجه ولكني أؤمن به كوسيلة تواصل
    كونت صداقات وصلت لحد الأخوة والحمدلله للآن لا تزال مستمرة
    وفي نفس الوقت التقيت بالمصلحجي والكذاب و المنافق والمتعدد الاوجه
    هو محيط كبير كالحياة نفسها، ولكن وسيلة التواصل اقل احتكاكا وتختلف
    ولكن الحل الوحيد لتعرف شخص بشكل كبير أن تعاشره لفترة طويلة وأن تنقل هذه المعرفة لأرض الواقع

    الفكرة الثالثة
    رحم الله شهداء الطيغان
    أي نظام بعثي يقترن بالدماء و الدم
    وما تاريخ حماة واربيل عنا ببعيد

  5. أعزائي المدونين🙂 راح أرد عليكم إن شاء الله لمـــا أرجع من الدوام🙂 اعذروني لتأخري بالرد ….^_^

  6. وسيبـــر
    حكيك صحيح و المفروض إنو اامؤمن يكون صادق وصريح ويحكي اللي صار بدون تزييف وحتى لو كان هو غلطان يعترف عادي والإنسان مو ملاك …بدون كذب لإنو المؤمن بمعنى الحديث الشريف بعمل كل شي إلا إنو يكذب …
    بس للأسف الكتيير من الناس زي ما قلتي بدو يحكي ليبين إنو هو مظلوم وحقه مهضوم وممكن يكذب عادي ما عنده مشكلة !!!
    دائما الصدق منجاة ولو على قطع الرقبة🙂

    أما بالنسبة للنقطة رقم اثنين ، تمام التمام في من الجهتين🙂 هي لو صفت على أخد فكرة مو مشكلة ، بس المشكلة لو عم ببني الشخص على أساسها إشي زي إنو يحب اطرف الآخر على الجهاز زي ما بنسمع عن كتير من تعارف وحب عن طريق النت فهون ممكن تكون مشكلة إنو إنت لا تبني وتحلم وتعيش قبل ما تشوف وتتأكد ، لإنو أحيانا الشوف والواقع بختلف كتير وممكن لو انبنى شي بسنوات ينهد بلحظة وحدة على الواقع بس🙂

    الله يا رب ينصرهم ويحقن دماءهم لإنو جد الوضع أصيح جدا مأساوي😦

  7. هيثم
    أسهل شي إنك تصدر احكام هيك بالهوا على الناس بدون ما تسمع وتشوف للأسف

    هلأ ممكن تكون صحيحه وممكن لأ صدقني🙂 ممكن كتير تكون ماخد فكرة مو مزبوطه لإنو الشخص الآخر ببين زي ما قالت ويسبر اللي بتحب الناس تشوفه ، في ناس شاطره بالتمثيل ….

  8. يوسف
    مساء الأنوار🙂
    نعم صحيح …وجهة النظر لا تكتمل إلا من الطرفين🙂

    “” على الاقل اللي بنعرفهم على النت وممكن نكتشف انهم غير ما اعتقدناه حين نلقاهم اسهل بكثير ممن نعيش معهم عمرا ونكتشف اننا لا نعرفهم ولم نكن يوما نعرفهم على حقيقتهم “”

    كلام جواهر وموجود للأسف😦 …..قديش ممكن نعيش مع ناس سنوات وحياة كاملة وبالنهاية بنكتشف إنو ما بنعرفهم …
    مرة بتذكر كان في برنامج زماان حضرته على التلفزيون ، كانو جايبين أزواج متزوجين وكانو بسألوا واحد منهم أسئلة والطرف الآخر حاطينله سماعات على اذنيه وبعد ما خلصوا الأسئلة ، سألوا اللي كان لابس السماعات نفس الأسئلة ، ناس كانو يعرفو الأجوبة على السريع وناس لأ ، كانت الأسئلة باختصار عن طبيعة شريك العمر ، شو بحب ؟ شو بكره ؟ شو الإشي الفلاني اللي بميزه ….تخيل إنو انت عايش مع بني آدم سنوات تحت سقف واحد وما بتعرفه !!!!

    شكرا لمرورك
    أهلا وسهلا🙂

  9. سراج الماضي
    أولا اسمك حلو كتير🙂
    المفروض إنو المؤمن لا يكذب أبدا ، فإذا كان مذنب لا يحكي أفضل ، يسكت بس لا يكذب ويقول على الناس أشياء هما ما حكوها ويألف قصص كذب …سكوته بحفظ ماء وجه🙂
    النقطة الثانية ، كلام سليم 100% هي شكل من أشكال التواصل🙂
    اللهم ارحم شهداءهم وهونها عليهم ….والله على كل ظالم
    شكرا على المرور🙂

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: