الـــناس السايــكو

كـــتار للأسف وما تعرفت عليهم مزبوط إلا لمــا دخـــلت معترك الحياة بعدالتخرج ، في ناس

بالحياة كتير نفسيتها مريضــه جدا كلآتي :-

 ناس شكاكه دايماً  وما بقتنعوا إنو مشان الله  عطوفتي مو ناقصتك  وبالعربي مش حاطيتك براسي ، خيوو اطــلع من راسي وسكر الباب وراك …. إنت  بنظرهم أكيد بتخطط وبترســم إنو تأذيهم ، شغلهم الشاغل الترقــب والتحسب لأي هجوم ضدهم والتخطيط لرسم خطط دفاعية مسبقــاً , هم في حالة تأهب دائم وتوتر مستمر خاصة لو كنت انت مصدر خطر بالنسبة إلهم كأن يكون إلك مركزك وتقديرك من مرؤوسك بالشغل وكلمتك مسموعه عنده وبقدرك …


~~~~~~~~~~~~

 ناس بالعربي ولـــده مش ناضجيين بتاتا وبتصرفوا بطريقة كإنو احنا بمدرسة وولاد حاره ، تافهيين جدا وسطحيين بحياتهم وأنا بموت من هادا النوع لإنو احنا المفروض نكون بالغين عاقلين ناضجين  كفاية إنو نتعامل مع بعض برقي وحضاره  وعقل كبير ، مثلا لو لقيته فتح تلفون على خطيبته لازم يكون التلفون سبحان الله هيك دايما يصدف  لما يكون موظفين جنبه ويعلي صوته ليسمع الكل شو اشترى  للبيت وشو بدو يجيب !!! والله ناس سايكو ….طيب ليــش مثلا ؟ مرض نفسي لا أكثر عزيزي القارىء🙂 وكل انسان بحب يستعرض نفسه قدام الناس  ويحكي كتير عن حاله وشو عمل و و و  هو انسان مو شايف شي بحياته وعنده عقدة نقص بحاول إنو يعوضها .

~~~~~~~~~~~~

 مرض أنـــا بغار ببساطه ….:) هلأ  بالدوام مرات بعمل أشياء غريبة وحلوه ، زي شو مثلا ؟  عنا مثلا جرس بأول باب القسم للي بدو يفوت برن وبنفتحله …فحطيت لــزقه على الجرس زي اللي بنحطها بالبيت مكتوب عليها :

welcme to ICU

(“,) …plz smile first & swab you hands

وملونتها ألوان حلوه …

المره الاولى انمزعت !!! قلت يلا مو مشكله  بلكن بالغلط ، بنحط وحده تانية ، والمره التانية كذلك الأمر !!!! طيب شو يعني ؟!! طبعا واحد من الموظفين المحترمين مو عاجبه وغيران !!!

عنـــا لــوح كبير  بالقسم ، أنا الوحيده   اللي بكتب عليه شغلات تذكيرية ، أشياء علمية مرات ومرات أقوال أدبية حلوه وكــل مره بينمحى نص الحكي وبالتأكيد كمان ناس من المحترمين مقهور يمكن ؟ ما بعرف !!!

~~~~~~~~~~~~

مره بتذكر أول ما تعينت حبيت أجيب فازا زجاج وحطيت فيها زي كاندي وعلكه وملبسات🙂 على أساس إنها اضل للي حس مثلا إنو بدي شي قطعه سكر ويحلي …طبعــا فاتت الفازا وطلعت ما خبرت🙂 هو صحيح صحتين ما قلنا شي🙂 بس ضروري مثلا بغضون ثلاث أربع  ساعات تخلص !!! بصيريش ليوم مثلا ؟!! مهي الشغله مو للشبع !!! بس من يومها  اتذكرت المثل اللي بقول : اللي ببلاش كتر منه !!!

~~~~~~~~~~~~

 ما أحكيلكم طبعا على مراقبين السير بالدوام🙂 موجودين دايما حوالينــا ومرات حتى بنبهوكي على أشياء يمكن مو شايفتيها  ومو خاطره ببالك !!!

مثلا بحكولك : خير في شي بينك وبين فلانه ؟ آخر فتره ما عم تقعدوا تحكوا زي الأول !!! هووون انتي بتيجي بتلاخمي وبتقولي : آآه صحيح فعلا إلي فتره ما قعدت مع فلانه!!!

براقبوا الكل على الطالع والنازل هادا راح وهادا حكى وهادا إجى ….

واللي بلعب عالحبليــن ….المشكله بهادا النوع إنو بفكر حاله كتير ذكي !!! مع الرايح رايح ومع الجاي جاي …. بوقف بصف الكل مشان يمشي مصلحته الشخصية وبس ….وتطول القائمة ..:) بس هادا اللس خطر ببالي ^_^

About orangee

Soo simple girl , always spreading smiles around the world :) soo optimistic about her life ;)

Posted on June 19, 2011, in daily events. Bookmark the permalink. 16 Comments.

  1. Haitham Al-Sheeshany

    حششت ضحك!
    همممممممممم

    إنت من أياهم طيب؟😉

    لووول

    أنا من تبعون اللي بيخلصوا الملبسات

    خخخخخخخخخخ

  2. هههههههههههههههههههه

    مساء الخير اورانج ….

    طول ما انتي بالمجتمعات الشرقية فالسايكوهات من أمامكم والسايكوهات من خلفكم، فعلا ما بسيبو حد بحالو، ازا مشي الواحد بصيرو يقولولك ليش بمشي هاد، وازا قعد بقولولك ليش هاد بضل قاعد، ولا عمرك حتخلصي منهم

    بس خليني احكيلك شغلة بالنسبة للملبس، الصورة اللي حاطيتها كتير مغرية يعني لو انا بصراحة ما بتحملو معي غلوة
    وعلى ضرس واحد

    حلو الادراج كتير اورانج وتسلم ايدك

  3. انت اختصرتي كثير نوعيات !!! في بلاوي زرقة لسه

    بس كان خطا كبير موضوع الملبس و الكاندي!! جربتها مرة او مرتين و حرمت بعديها لانه الموضوع ما اخذ ساعتين ثلاث ، الملبسات اختفوا امام ناظري
    🙂

  4. بصراحة بلفت نظري العنوان “الناس السايكو” ههههههههههههههههههههههه والله معاكي حق

  5. اكيد انا من جماعة الملبس …:)) وللا ليش جايبتيهم انتي….نتفرج عليهم مثلاً؟؟؟

  6. ما قرأت شي للاسف
    بس اجيت لقيت 100 موضوع مش قارئتهم و البلوج عندي ما كان مبين ان في شي جديد…قليل الادب صاير

    الي رجعه بس حبيت امسي عليكي يا قمر🙂

  7. السلام عليكم
    العنوان خرافي يعني بدك تسمحيلي أضيفه للمصطلحات اللي بحب أكررها :
    إنسان سايكو ” لوووووووووول و لا و الأحلى الجمع : سايكوهات
    كلامك صحيح مية في المية في ناس ما بتكون عالخريطة و ما بعنيلك إشيء بحب يفرض حاله على حياتنا
    أحسن شي الواحد يطنشهم و على قدر الامكان تجاهلهم

    دمت بخير
    و بالتوفيق

  8. haitham ,
    شو من أياهم ؟ طبـــعا ولا من حدا إحم إحم :)))
    من تبعون الملبسات !!!!!!!! صدمتني فيكO_o

    nader ,
    مساء النور ^_^
    بيت بيت دار دار سايكو سايكو إلى الأمام سر :)))
    الصوره كلها ملبس على لوز هههه كيف لو كان كاندي ^_^

    w7l ,
    فعلا في كتير نوعيات مزبووط ….:)
    لا أنا رحت ورجعت لقيتهم اختفوا كيف لو قدام عيوني كان انخنقت منهم :S

    Aseel,
    أهلا وسهلا فيكي …الموضوع والبلوج على حسابك ^_^

    Naysan ,
    للأكل أكيد بس الفكره إنو لما الواحد يجي على باله ياكل حبه حبتين مو للشبع🙂

    whisper ,
    مسا الفل والياسمين والأنوار :)) يلا يلا اقرأي ^_^ على مهلك …وأنا كمان مرات والله بتفوتني شغلات عندك بس برجع أقرأها🙂

    alirbidi ,
    أهلا وسهلا فيك ^_^ نعم أفضل شي إنك تطنشهم لإنهم بنفقســوا كتير 🙂

  9. نسيت احكي انه التمريض اللي بالعادة بخلصو الملبسات مش الاطبا !! مش تبلي على حدا لا سمح الله

  10. هههههههههههههه لووووووووووووووووووووووول
    مش كلهم هــــا😀

  11. Most of them are really real and could be seen anywhere!
    I LOLd at “مثلا بحكولك : خير في شي بينك وبين فلانه ؟ آخر فتره ما عم تقعدوا تحكوا زي الأول !!! هووون انتي بتيجي بتلاخمي وبتقولي : آآه صحيح فعلا إلي فتره ما قعدت مع فلانه!!!”

  12. tnx sweety rain ^_^ :***

  13. السيكو والسايكوباثي وغيروا ازا راحوا هذول رح يصير فراغ بحياتنا :)))))
    على فكرة هذول من منطلق سيكولوجية الانسان المقهور وهذا يحدث عادة في المجتمعات المتخلفة عملية فرض سلطة او التباهي بالمتسلط
    ماشي اكلولك ملبساتك ههههههههمهو ما شايفين شي الا اللهم ملبس الحامظ والحلو ابو الحبتين بقرش🙂
    يعني شو جايبه بالمطربان بتاعك ؟؟؟؟ اكيد ذوقك مميز وما شافوا من هظا الحاكظ والحلو :)))))

  14. الانسان المقهور !!!! والله وجهة نظر قوية كونو اغلب الجيل بتربى على القمع من الصغر فبتفشش بالعالم على كبر …..
    ههههههههه فاهمني انت🙂 آآه والله أبو قرشين تاع بلانيت إذا سمعت فيه :)))
    والله كنت جايبه كاندي ^_^

  15. والله كامدي والله🙂 عندك شعب بيوكل الزلط :)) على فكرة لو تجيبي من سوق البخارية المرة الجاي قظامة فيصلية هاي اللي حيرت اهل الصريح كيف دخلوا حبة الحمص جوا حبة الملبس هههههههه

  16. هههههههههههههههههه :)))))))))

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: