أنــا بكـــره

♥  بكره اللي بكبــوا زباله بالشــارع  وبنزلوا من عينه بصراحه

♥  بكره البنــات اللي كتير بحكــوا ….وبكره حكي النسوان لما يجتمعوا ….شو طبخوا وشو اشتروا ومين اطلق ومين اتجوز …ورحنالك اليوم وإجيــنا مبارح …بكره الغيبه والنميمة والحكي الفاضي اللي ما بفيد وما إلو طعمه

♥  بكره الحشرية الموجوده بكتير ناس

♥  بكره الإنســان السخيف بحياته وما إلو هدف إلا إنو يوكل  ويشرب وينام ويتجوز  …

♥  بكره الإنسان المسلم اللي مضيع هويته العربية والإسلامية والله بتشبّه بالغرب  بلبســه وحكيه العربيزي  ….واللي بفكــر إنو التحضر معناه لبس الماركات و كمن كلمة انجليزي ودلع ومياعه  بايخه وهو من جوا لا يمت للتحضر ب صــلة.

♥  بكــره أي نــاس عندها عادة الأفـئـفـه : إف وأوف …وأوفـــت ….بنرفزوني  وبمغصونـــي

♥  وبكــره الناس اللي أربع وعشرين ساعه دايره بره البيت وما بتقعــد بالبيت …

♥  بكــره أحكي بالتلفون إلا لإشي ضروري بدي أسأل عنه وتسألونيش ليش ؟!!! من الله سبحــان الله ….ولو بدي أتذكر حدن وأسلم عليه ببعتلوا مسج …

♥  بكـــره البنات اللي بس تلبس حجابــها بتوفق عالمراية وبتسأل : كيف طالعه ؟؟ حلوه ؟  للأســـف مو فاهمه هي ليش حاطه الحجاب وهي الشغله عندها مجرد قطعة  قماش والسلام …

♥  بكره اللي بهتم بحكي الناس وعايش على هواهم مو هواه  …..بكره المظاهر والتصنع  ..

♥  بكره الإتيكيت اللي بخنق ….

♥  بكره اللي بعيشوا للناس مو لإلهم ….

♥  بكره اللي بضلهم يبحلقوا بالناس بالمطعم وبكره إنك تراقب الناس  …

♥  بكره إني أطلع رحله بمكان فيه ناس كتير وزحمه ….لإنك ببســاطه راح  تكون مراقب من شعبنا الفضولي جدا  شو شويت وشو شربت  وشو عملت  !!!!

♥  بكره  اللف والدوران  وبكره حالي لإني اضطريت ألف وأدور شي مره غصبن عني    …

♥  بكره إنك تعامل الناس حسب شو معهم مصاري !!! لو مشحتف الله لا يرده ولو مزنغل مية تحية وسلام ….نفاق اجتماعي ——–  ( أكمل الفراغ  باللي بدك إياه )!!!!

♥  بكــره إنك تتفاخر قدام الناس بإشي عندك ….عندي وعندي ….ما حسد المال إلا صحابه يا عيوني !!!

تحديث خطير  : وبكره كمان “winning eleven” مشان الله قرفتونا …جول جول جووووووووول …….عرفنا إنو كلكم ميسي ….عاااااااااااا 

وبكــفي كره اليوم🙂

About orangee

Soo simple girl , always spreading smiles around the world :) soo optimistic about her life ;)

Posted on September 8, 2011, in kashkol. Bookmark the permalink. 6 Comments.

  1. حلو و تمام

    بس بالنسبة للي بيعيشوا مشان الآخرين ..

    ما كثير فهمتها

    إلا إذا قصدك على حساب أنفسهم و مع ذلك بحس إنو ممكن الواحد يكون هيك بس مؤقتاً و ليس طوال حياته/ا

  2. على حساب أنفسهم هادا اللي قصدته🙂
    هلأ ممكن إنك تعيش مشان الآخرين لما يكونوا هدول الآخرين ناس من عيلتك آآه بتفنــي حالك مشانهم بس إنك تعيش على هوا الناس التانية على هوا هما شو بحبوا مو انت شو بتحب هادا اللي بكرهوا🙂

  3. مش عارفة ليش حششت على”♥ بكره الإنســان السخيف بحياته وما إلو هدف إلا إنو يوكل ويشرب وينام ويتجوز …”0
    جد أفكارنا دايما بتتشابه:
    http://dafdoo3ah-diary.blogspot.com/2010/12/i-hate.html

  4. مش معقول يا بنت !!!!!!!!!!! صعقتينـــي جد والله لأ وكمان نفس العنوان للبوست مع إني والله عمري ما قرأته هالبوست ….ههههههه مش معقول في أكمن نقطه زي بعض انت فظيعه يا بنت !!!! بشرفني إناّ بنتشابه أكيد :***** :)))

  5. الله يخليكي يا رب🙂

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: