احقــاق الحـــق

نعاني  للأســـف في مجتمعنـــا من السرعة في إطلاق الأحكام على أي مشكله أو نزاع …وشعبــنا للأسف لا يستمع للطرفيــن لفهم القضية !!! أحيانــا ً كثيره وقعت حتى أنـــا في هذا المطب في حياتي وبالأخص كانت في مجال العمل ومرت عليّ عدة مواقف خلتني  أقف شوي  وأفكر : لازم الواحد ما يظــلم ويسمع من الطرفين  ليكون عـــادل …الإنســان المسلم يجب عليه أن يقول كلمة الحـــق حتى لأقرب الناس إليه وحتى لو كانت كلمة الحق بتزعل،  أحيانا في مواقف بالحياة لازم الواحد يحق الحق ويبطل الباطل ….هلأ في مواقف بالحياة  لا يكون فيها قول كلمة حق لأقرب الناس إلك لاحقاق حق وإنصاف مظلوم مشان هيك مو ضروري ساعتها إنك تحكي وتزعل أي ناس !!! بس لو الموقف فيه احقاق حق لازم تقول …النـــاس للأسف صارت هوجاء في تصرفاتها وظالمة ومنحازه للطرف اللي بخصها حتى لو على حساب ظلم الطرف الآخر !!! حســاب راح يتحاسب عليه كل انسان ظالم ….إنّ الله يمهــل ولا يهمـــل ….

 النبي صلى الله عليه وسلم قال: “انصر أخاك ظالماً أو مظلوماً”،

قيل: يا رسول الله، أنصره مظلوماً، فكيف أنصره ظالماً؟! قال: “تحجزه أو تمنعه عن ظلمه فإن ذلك نصره”

فنصره أن تمنعه عن ظلمه، فهذا هو نصره . لو كان أعز الناس إلك بتوقف وبتقوله : انت ظالم …انت ظلمت …هادا مش صح !!! مش تسكت وتنصره وتشد على إيده بس لإنو بعز عليك ولإنو من لحمك ودمك لأ ….يوم القيامه راح يجي يقلك : ليش ما حكيتلي ؟؟ ليش ما نصحتني ؟؟!!!  الدنيا صارت غريبة الباطل صار حق والحق صار باطل !!!

لم الواحد يسمع من الطرفين كتير بتختلف الأمور …كمثال مثلا لو أخدنا جملة مجرده لحالها من  حوار طويل  وتمعنّــا فيها قد نفهم معنى لهاي الجمله  غير المعنى اللي كانت تعطيه  لو ضلت ضمن الحوار  نفسه اللي صار .. ..

مثال  : في مجال العمل لو إجى رئيس قسم وراح للمدير وقله الموظف الفلاني والله إنو مش قليل ونمرود وبعصي كل شي بنحكاله  لدرجة هديك المره قلتله اعمل هالشغله قام نفر فيّ وعاند ورفض بعد ما سمّعني مية كلمه وطلع !!! المدير لو كان عادل راح ينادي للموظف ويستفسر عن اللي صار ولو ظالم راح ياخد هاي الفكره فعلا ويتخذ بحقه إجراء … لو رجعنا لورا وشفنا الموقف اللي صار ، رئيس العمل كان هو البادي بقلة الأدب  وطريقة حكيه للموظف كانت فيها إهانه وعدم احترام وكإنو الموظف بشتغل عند أبوه لذلك كانت ردة فعل الموظف طبيعيه لأي واحد عنده ذره كرامة على وجه الأرض !!!!! وهون صار الحق على رئيس العمل ….

يعني  بالنهاية الواحد لازم الواحد ينظر للقضية من طرفين مو طرف واحد لإنو كل قضية مثل المجسم كل واحد واقف بشوف الزاوية من جهته ، ويحتم عليه ليعدل إنو يلف ويدور ليشوف كل الزوايا .

About orangee

Soo simple girl , always spreading smiles around the world :) soo optimistic about her life ;)

Posted on September 17, 2011, in Uncategorized. Bookmark the permalink. Leave a comment.

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: