♥ Old days @KAUH

اليوم كنت بتصفح الصور عندي ، تذكــرت شغلي القديم …^_^ قديش كنت مبســوطه فيه وإن شا الله الشغل الجديد أكون فيه كمان مرتاحه🙂 ….المهم هادا في يوم من الأيام كبســت علينــا لجنة مكافحة العدوى وأخدت أكمن مسحة من أكتر من مكان بالقسم وتم عمل زراعة لمعرفة إذا ما كان هناك أي عدوى بالقسم ….تبين إنو في كمن مكان كان فيهم نوع من أنواع العدوى ، تم تعقيم القسم وإتخاذ اللازم🙂 كـــل فترة من شهرين لثلاث شهور يتم دائما تشميع القســم وتلميع الأرض من العمال المصريين المتخصصين بالتشميع اللي عنــا ….والغريب بالموضوع إنو دائمــا تشميع القسم بكون على دوري لمــا أكون مسؤولة القسم وأنـــا اللي كنت على نياتي وأفكــر إنو حظي هيك…..

هـــــــــيــــك ليوم أبو يوسف الله يسهــل عليه قلي والله بدنـــا نكتب فيكي كتاب شكــر للإدارة لإنو دائما بتوافقي على التشميع ….صفنت أنـــا شويO_o وقلـــت ليش ؟؟ هو في ناس بتعارض ؟؟؟!! قلــي : دحنـــا كل مره نيجي عالقسم ونقول لفلان وعلان بدنــا نشمع بحكيلنـــا وضع القسم ما يسمحش !! ( طبــعا كله كذب لإنو القسم بكون بسمح بس ما بدهم يكركبــوا حالهم )  وإنت الوحيده اللي بتقبلي !!  المهم التشميع كان غالبا ً على دوري أنـــا وكمن شب هما ثلاثة اللي ما كانو يقبلوا لما يكونو مسؤولين شفت هداك اليوم إنهم يشمعوا …. وأنـــا بالعكس ما كنت أضايق لإنو كنا ننبسط هداك اليوم ….الشفت كان يبلــش على الساعه سبعه المســا والتشميع عادة ببلش على العشره بليل ، الحــلو بالموضوع إنو القسم بكون فاضي إلا من مريض أو مريضين وببدو العمال ينقـــلوا كل عدة القسم والأسّره على المستودع تاعنــا ، كنــــا نجيب كراسي ونقعد نتفرج عليهم وهما بشمعوا ، بتقعد الأرض ساعتين لتنشف ونقدر نمشي عليها ….ببدو العمال يرجعوا الأغراض محلها والكل بتعاون لترتيب القسم …وشو القسم بكون بلمع لمع كل شي فيه وبتشتهي تمشي فيه🙂 إيــــــــه ذكــريات حلوه كانت ^_^

 

كان عنــا لوح مهجور وما حدا بستخدمه ، فأنــا كنت الوحيده اللي بكتب عليه شغلات حلوه ….أي حدا بشوف البورد بقول أكيـــــد هـــداية اللي كاتبه :)) هادي كتبناها لما طلعوا علينا إشاعه إنو نحنـــا سبب العدوى …تم انكار جميع التهم وإشراك العديد معنـــا في التهمة من أطباء وفنيين أشعة وتنفسية ههههه وقلبت ميمعه الله وكيلك 

هادا مدير المستشفى السابق د. محمود الشياب …كان مشهور بالكبــسيات الكثيره بالصبح بالليل بالفجر هادا احسن شي كان يعمله لإنو هيك شعب بدهم هيك حكومة ….يعني الكل كان دائما عايش على إشاعه هســـا بكبس عليكم المدير ههههه :)) والإشي اللي بضحك إنو إخبارية الكبســه تاعت المدير كانت تسبق جيته بس مو معروف مين كان يفسد يعني أول ما يفوت من باب المستشفى الخارجي الكــل بعرف وينتشر الخبر خخخخخخخ🙂

هادي التعليمات الأورانجيه لتقليل العدوى بالقسم…طبعا وين ما كان بتلاقى ناس مرضى نفسيين سبحان الله …بتكتب بترجع تاني يوم بتلاقي نص الكلام ممحي أو هيك مخرب ومين ولا مين بدك تشك فيه لمــا يكون العدد ثلاثين نفــر بالقسم بس بالعاده بكون معروف مين ممكن يكون !!! لا تسمي بدنك يا هداية ولا شي  خليكي نشيطه وأكتبي كمان أشياء مفيده بس طرطوشة تسميع حكي  بتفيد لهدول المرضى لإنهم بنفقســوا كتير  والحكي إلك واسمعي يا جاره :) 

 

هدول الأغراض حطوهم العمال بالمستودع ليشمعوا القسم ….

شو هالكركبـــه  هايO_o

 

 

 

القسم فاضـــي من كل شي🙂

 

هههههههه هادا العامل المصري  ياســـر ….إزيــك يا ياسر عامل إيــه ؟ إبقى توصى بالعمال بمعطّــر الأرض  وكثر منه لقسمنـــا لوووول

هادا الدكتور فارس …قال شو بدو يشوف المريض ….قلتلي خليه نايم هلأ بلاش يصحى ويقوم ( لإنو مخدر كونه على جهاز تنفس اصطناعي  ولازم يضل نايم ) بس هو هيك هادا الدكتــور بحـــب يلعـــب بعداد عمره مرات ههههه 

والكركبــه ما تزال🙂

غرفة تحضير الأدوية ….o_O شو هـــاد ؟؟ كإنو إبري… …. اعملوا حالكو مو شايفين ^_^ جاي بالغلط لوول

 

أحلى أيام قضيتها والله والحمد لله الواحد طلع بالريحة الطيبة والضمير المرتــاح الحمد لله ^_^

About orangee

Soo simple girl , always spreading smiles around the world :) soo optimistic about her life ;)

Posted on October 16, 2011, in Nursing. Bookmark the permalink. 3 Comments.

  1. Interesting! The pictures made the subject more fun🙂

  2. loool
    بس اللوح هذا ممكن يستخدم كدليل!
    😛

    حلوة الذكريات ، حلوة!🙂

  3. jaraad….tnx🙂 pictures always spread that magic to the subject ^_^

    haitham ….
    والله ما فكرنا إنو ممكن يكون اللوح سبب للعدوى🙂 منيح ما إنت كنت موجود كان فتحت علينــا بواب لووول🙂

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: