أشيــاء تغيرت كتير

بآخر أكمن شهر تغيرت بحياتي أمور كتيره !!!

ومش بس الأشياء تغيرت من حواليّ لأ …..أنا تغيرت كمــان !!! غريب!!!

هل المعلومة اللي مره سمعتها زمان إنو طبع الإنسان يتغير كل سبع سنوات صحيحه ؟!! يمكن …

بتذكــر إشي غريب صار معي من شي شهر !! كنت  نازلة عالسوق مره لحالي ولما   قربت من بيتنا وأنا بسوق وبلف بالسياره على تقاطع ، فجأة وبدون مقدمات إجاني إلهام او تصور إنو بعض الأشياء الموجوده عندي بالغرفه طفولية وإنو أنا كيف بيوم من الأيام كنت صامدتها عندي عالطاولة ما بعرف !! هاي الملاحظة  اللي خطرت ببالي ما عمري فكرت  فيها من قبل!!! بس بتذكر إنو لما دخلت عالبيت أول شي عملتو هو التخلص منها فورا ….التفسير الوحيد اللي طلع معي إنو هادا يمكن جزء من مرحلة النضوج!!! إتك تشوف الأشياء بمنظور آخر او حتى تستسخف أمور عملتها بحياتك!!

  هلأ  أنا ما بحكي إني أنـــا أصبحت انسانه ناضجه 100% لكـــن أؤومن كما هو معروف بأن النضوج تدريجي وما بيجي من خبطه عالراس  يعني أكيد مش لحظي !!!

مدونتي مثلا او حتى أي مدونة لأي شخص هي خير شاهد على نضوج الإنسان بحياته ، المواضيع التي تكتب في كل فتره من حياة الإنسان على مدونته تختلف سواء في الطريقة التي نكتب فيها أو حتى المواضيع التي تشد اهتمامنا ونغطيها بكتاباتنا  فلو رجعت انت نفسك وقرأت شو كنت تكتب من سنين راح تضحك على المواضيع اللي كنت تكتبها🙂

بنرجع وبنقول الأنسان بتغيّر والحياة بتتغير وما إشي بضل على حاله الصغير بكبر والكبير بعقل….أشياء كتير بحياتي راح تتغير الله أعلم لو كان فيها خير فربنا ييسرها إلي ولو كان فيها شر الله يبعدها عني ….وكل حديث بوقته حلو وليجي الصبي بنصلي عالنبي :-)هههه وللي بالهم بروح لبعيد اطمنوا ما في شي مناسبه بالأرجــــاء لأ  ^_^

About orangee

Soo simple girl , always spreading smiles around the world :) soo optimistic about her life ;)

Posted on February 10, 2012, in daily events. Bookmark the permalink. 9 Comments.

  1. همممممممممم

    نضوج / عقلانية / تغير

    لاااااااااااااااااااا

    أبديييييييييييش
    🙂

  2. يا خوفي من انو من يوم ما سكنتي بعمان فقدتي اريج طفولة اربد🙂 عم بتتاثري بعقد عمان بلا شك الحياة في اربد اكثر بساطة –الانسان من فترة الى اخرى يحب ان يتصرف بطفولية حتى يستمتع بالحياة😦

  3. Haitham , ليييييييييييييييش
    النضوج حلو بالعكس بعقل الواحد فيه🙂

    Sami ,
    أبدا بالعكس🙂 أنا من النوع اللي بأثّر بالناس ومو بسهوله بتأثر باللي حوالي الحمد لله ^_^ وبعدين ما تغير عليّ شي بهالسكنة هي هي من أول رايحه جاي على خط اربد عمان كل اسبوع، اللهم اللي فرق إني صرت أصحى الصبح ألاقي حالي بعمان ههههههه…..نعم الحياة هون أعقد أكيد🙂 لكـــن أعزي التغير هذا على إني بدأت أنضج بالتفكير وبحياتي أكثر من قبل ….حياة الإنسان تتبدل ويمر الإنسان بمراحل بحياته تغير فيه الكثير ….صحيح وين هالغيبة أستاذ سامي🙂 ؟!!

  4. طيب ماشي
    بنجرب و بنشوف🙂

  5. بسم الله !!! صرت رادد :))) ههههه ما شا الله عنك ^_^
    انت لأ أبدكيش عقلانية ونضوج ….بتوزع عالبلد ما شا الله ^_^

  6. Boo!!🙂
    Yes, lady… you changed… ALOT! Yesterday I went through ur blog… the old posts and the old craziness🙂

    At the end… Who among us didn’t🙂

  7. أهلا نوره🙂
    والله هاي كومنت أعتز فيها بصراحه ^_^
    وبقول هداك اليوم الهــتز عندي كانت 77🙂 طلعتي إنتي اللي مطلعه على كل هالبوستات :)))
    بقولك الواحد لما يكمل جامعه بفكر حاله بفهم بكل شي ولما يجي يخلص ماستر بكتشف إنو في شي ما كان يعرفوا وهلأ فهم كل شي ولما يجي عالدكتوراه ويكملها بكتشف إنو ما كان لا يعرف ولا يفهم شي بحياته!!!
    وهيك الإنسان بحياته🙂
    شكرا نوره البنوره وضلك طلطلي علينـــا ^_^

  8. 🙂🙂🙂
    Yes, had ana🙂

    La wenti el sad2a, be5alles jam3a befakker 7alo befham bekol shi, beji yedros majester 3abel la y5alles bektashef enno ma befham eshi!😀

    They say: kollama ezdadta 3elman kollama ezdadta ma3refatan bejahlek…

    EnshaAllah 7abbuba… haini around🙂

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: