يـــا ربي نحن ببابك

عنجد الدنيا صـــارت صعبه ، وصدق حبيبـــنا محمد حينما قال : ( يأتي على الناس زمان القابض على دينه كالقابض على الجمر » رواه الترمذي . كلي ثقة بالله وبأني إن شاء الله على طريق صحيح أو خليني أحكي على أمل أن أكون يا رب …..والله إنو الواحد يوسوسله في اليوم عشرات المرات ما بين وسوسه من الشيطــان أو وسوسه من شياطين الإنس ،  ما بدعي ربنا إلا إنو يثبتّـــنا وإياكم على الطريق الصحيح دائما آمين يا رب آمين .

إحنا جد بزمان صعب ، كل يوم بنتعرض لفتن أكتر من اليوم اللي قبله لكن الشاطر هو اللي بحّصن نفسه منيح أكيد من بعد هدايه من الله جل وعلى …كتير ناس بفسروا التدين على إنه تخلف والمتدين صار غريب بين الناس!! إذا بتحــاول هــا إنو تمشي خطوه بطريق الهداية بتلاقي ألف مين يردك وواحد  بس ياخد بإيدك لا إله إلا الله !!!! كل شي عند الناس عادي كل شي مفتوح ماله حدود !! سبب كل كلامي هادا موقف صار معي اليوم ضايقني شوي ….ما بحب أحكي عن حالي بس لازم أطلّع اللي براسي هون بعالمي الخاص لأرتاح ، كنا معزومين على عرس بنادي والنية إنو خالتو اللي عزمتنا حكتلنا إنو العرس عباره عن عشاء  صغير للنساء وما في أغاني ولا إشي بسبب وفاة عم العروس من فتره (على الساكت يعني ) ، وصـــلنا للقاعه أنا وماما وتفاجأنا إنو القعده كلها مختلط !! قمنا سلمنا عالعروس واعتذرنا لخالتو ( صاحبة ماما مو خالتي🙂 ) لإنو ما بنحضر مختلط وإنو إن شا الله بنباركلها للعروس ببيــتها ( لو كنا عارفين إنو مختلط كان اعتذر الواحد عالتلفون وتجنب الإحراج هادا ) ، الإشي اللي زعجني جد إنو في ناس بدل ما تقول الله يهدينا ويهديكم أو يحكولهم كلمه منيحه بقعدوا ببّرروا بأشياء سخيفه جدا  !!! وحده بتقولي : اعتبري حالك بمطعم يا أخي !!! الوضع بختلف يا خالتو معلش هون الجلسه غير،  فيها أغاني و ونـــس وما أدراك ما الونس !!! والناس ما شا الله على آخر طرز وكل واحد ما شا الله أكيد عينو مو على مرته والمعصيه جد مع الأيام بتصير شي عادي جدا …..يعني ما اظن إنو في حدا ممكن يختلف معي بنقطة إنو المكـــان أكيد لا تحفه الملائكة بل الشياطين !!! يعني الواحد لو بدو يهتدي أو بحاول ها ، بلاقي شياطين قدامه مش بشر ….ليش الناس ما بتقّدر ؟!! ليش الناس بتهاجم اللي بحاول يتقرب من ربنا ؟! ليش لما تيجي تعتذر من ناس عالتلفون وتقول : ألف مبروك وإن شا الله بنبارك عالبيت بس ما راح آجي لإنو في أغاني وأنا ما بسمع أغاني ….الناس بتزعل منك وبتاخدها مسأله شخصيه ( طيعا مو أنا🙂 أنا بسمع أغاني بيني وبين حالي بس والله يهدينا جميعا )…متى الناس راح تتقبل مبادئ الطرف الآخر واعتقاداته الدينية بكل رحابه صبر ؟!!! متى؟؟! والله إنو الواحد مرات جد لو لطف ربنا فينـــا كان بنجرف مع التيار ….جد مرات كتير بحس حالي غريبه !!!

شو اللي بمنعني هلأ هلأ إنو أطلع ببنطلون وشــال ألوان أشكال وفل ميك آب شو ؟!! شكلي …وراح يكون روعه ….أموري راح تتيسّر كوني بهيك شكل  راح أمشي أسرع بأي طابور !! راح أضرب طق حنك مع صاحب المحل وبدون نقاش راح يخصملي من السعر!! ما إحنا شايفين الفرق هالأيام للأسف !! شو بمنعني إني أسحب حالي وأروح أتسلى مع الفرندز بتوعي في الكافيــه الفلاني وعلى أرجيله ومزح وضحك بالحجه السخيفه : زهقانه !!! بكرهها هالكلمة لإني بحس اللي بحكيها دايما ناس فاضي من جوا !!! اللي بمنع نادبا وديمة و و و من عمل كل هــاد جمله وحده بترن بإذنهم كل ما وسوسلهم الشيطان وهي حديث رسولنا عليه الصلاة والسلام : (حفّت الجنه بالمكاره وحفّت النار بالشهوات ) هادا الفرق بين ينتـــين والفرق كبير !!! ومن شب على شيء شاب عليه بالتأكيد ، هون الفرق بين شاب نشأ على طاعة الله وشاب نشأ على غير ذلك  …..  الدين ما بحبسك بالبيت لأ لكن برسملك الطريق الصحيح كمسلم بحق وحقيق بعطيك شغله بتميزك وبتخليك غير ألا وهي الهوية الإسلامية مو الغربية !!! وسؤال دائما ما يردد أمامي : ليش الناس المنيحه دائما ما بتبــان ومتخبيه ؟  الجواب : لإنها بتخاف تتعرض لكل هالفتن وتصيبها وحده فيهم !!! وهي على فكره مو متخبية لأ لكنها ما  بتبــان أصلا إلا للشخص المناسب مش لمين ما كان وما بشوفها إلا اللي زيها  على نفس التردد يعني🙂 .يـــا رب كون معنا يا رب وارزقــــنا وجميع بنات  وشباب المسلمين مين يقويّ فينا الدين على طريقك …..

About orangee

Soo simple girl , always spreading smiles around the world :) soo optimistic about her life ;)

Posted on March 10, 2012, in religious. Bookmark the permalink. 8 Comments.

  1. و الله الواحد ما بيعرف شو يحكي يا هداية

    الله يثبتنا بس

    و هذا الكلام ليس المقصد منه -كلامي أقصد- إنو أنا أحسن من غيري أو شي زي هيك.

    كلنا ضعاف ! آه و الله كلنا

    الله يحسن الخاتمة

    و يهدينا أجمعين

  2. آمين يا رب جميعا …..:(

  3. سبحان الله …اليوم كنت بدرس دين و كان الموضوع عن انكار المنكر وتطرقنا لشغله الاغاني و الاعراس المختلطه والعالم اللي بتحكي اعتبري حالك بمحل او مول …مش مختلط وبيكون في اغاني؟؟

    حكت الدكتوره ان المحل بتكون رايحه للضروره ومجبر عدخوله لحاجتك وبتقضي حاجتك و بتطلع…بس العرس فانت رايح مش مجبر وعارف شو اللي بدك تواجهه والمعاصي اللي حتصير

    في حكي كتير حكته بس انا عالموبايل بشتغل و تعبت ايدي :$ الي عوده ان شاء الله🙂
    مسا الفل يا قمر ومعلش بدك تطولي بالك وربنا يثبتك و يثبتنا وي

  4. أولا يعطيكي العافية على الطباعه …انا على نفسي بتكاسل أحط كومت من الموبايل ^_^ ومسا الانوار وكل حاجه جميله أنا بس أشوف تعليقك بنبسط لإنو بضيف لمدونتي حلاوة وبهجه حلوه :-))))
    سبحان الله القلوب عند بعضها وسبوره🙂
    صحيح ….بالنسبه إلي أنا شخصيا روحت المول على سبيل المثال أكيد للضروره والواحد بشتري غرضه وبضل طالع ولو في من مكان تاني يجيبه أفضل يعني روحت المول مو تسلاي مع إني جربتها كتسلاي وتمشاي بس حرّمت أعيدها آآه والله !!!
    هلأ في ناس أكيد راح تخالف الرأي هادا وتحكيلك شو هالتخلف ؟! بس كل واحد بالأخير بنام عالجنب اللي بريحه أكيد🙂

  5. شو بالنسبة للمجاملات النص كوم!

    خلص فهمنا

    ويسبر بدها أكلة شركسية

    و أورانجي بدها كم غرض من دبي!

    واضحة.. مبينة

    خخخخخخخخخخخ

    وينك يا إم عمر

    :خيانة:


    “هيثم يضيف بعدا ً جديدا ً ما لمفهوم دراما كوين”

  6. إيش هادااااآ آآآآه ؟!!! (“-)
    كإنك مخربط بالكومت شي ؟!! مكانها يعني ؟!!1
    حاسه حالي بمدونه أم عمــر لوووول
    أيواااا اقلبولي إياها دراما هون هسع إيّــات …..يلا يلا هشش هششش من هووون :)))))

  7. الله يثبتك يا رب ويزيدك من عنده

    ما دام انتي مقتنعة باللي بتعمليه, خلي كل اللي حواليكي يضربوا روسهم بالحيطان

    وهذيك بتقولك اعتبري حالك بمطعم كمان اه؟😀

    انا ما بقدر احكي عن حالي ملتزم , بس بحترم الناس اللي بظلوا ملتزمين بكل المواقف

    مش اللي بفصّل الدين على مزاجه

    كل الاحترام والله يقويكي وسيبيكي من العالم هاي كلها

  8. شكرا لك أستاذ محمد🙂 جزاك الله كل خير ^_^
    احترامي وتقديري لك أيضا على الإطراء الجميل ^_^ أهلا وسهلا بك

Any idea ?! ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: